Քաղաքագետ. Ղարաբաղյան գոտում լարվածության համար մեղքն ԱՄՆ-ն պետք է բարդի Ռուսաստանի վրա10 սեպտեմբերի 2014 - 17:25 AMT PanARMENIAN.Net - «Ուկրաինան միակ երկիրը չէ, որտեղ Ռուսաստանը ջուր է պղտորում: ԽՍՀՄ փլուզումից հետո 1991 թ. Մոսկվան կանոնավոր կերպով սատարում էր անջատողականներին սահմանակից պետություններում, ստիպելու համար այդ երկրներին հաշտվել ռուսական թելադրանքի հետ: Վերջին նման գործողությունները ծավալվում են Հարավային Կովկասում»,-գրում է Հայֆայի համալսարանի քաղաքագիտության պրոֆեսոր Բրենդա Շեֆերը The New York Times-ում հրապարակված հոդվածում: «Արդեն մի քանի ամիս է Մոսկվան, կարծես, սրում է վաղեմի հակամարտությունը Հայաստանի և Ադրբեջանի միջև, երկու երկրների համար ներկայանալով որպես խաղաղապահ տիրակալ»,-գրում է Շեֆերը՝ հիշեցնելով, որ օգոստոսի առաջին շաբաթվա ընթացքում սահմանամերձ բախումների արդյունքում, որոշ տվյալներով մոտ 40 հայ և ադրբեջանցի զինծառայող է զոհվել: Ադրբեջանական կողմի նախաձեռնած գործողություններն աննախադեպ էին 1994 թվականից ի վեր: Տարեսկզբից արդեն գրանցվել է հրադադարի խախտման մոտ 18 հազար դեպք ադրբեջանական կողմից, այն դեպքում երբ 2013-ին տարվա ընթացքում այդ թիվը հասավ 13 հազարի: Հուլիսի 28-ից Ադրբեջանը դիվերսիոն և սադրիչ գործողությունների դիմեց հայ-ադրբեջանական սահմանին և Լեռնային Ղարաբաղի և Ադրբեջանի ԶՈւ շփման գծում: Այդ գործողությունների արդյունքում հակառակորդի կորուստները 8-9 անգամ գերազանցեցին հայկական կոմիղ կորուստները: «Չկարգավորված հակամարտությունը, Ռուսաստանում այն սառեցված են անվանում, հնարավորություն է տալիս ռուսական զորքերին մուտք գործել տարածաշրջան և շանտաժի ենթարկել երկու կողմերին: Հենց որ ռուսական ուժերն արդեն տեղում լինեն, կողմերից ոչ մեկը չի կարողանա սերտորեն համագործակցել Արևմուտքի հետ՝ չվախենալով Մոսկվայի վրեժից»,-կարծում է հոդվածի հեղինակը: «Բռնության վերջին բռնկումը նախորդեց օգոստոսի 10-ին Սոչիում կայացած հանդիպմանը, որտեղ Պուտինը մտադիր էր ստանալ կողմերի համաձայնությունը Հայաստանի ու Ադրբեջանի միջև լրացուցիչ ռուս «խաղաղապահների» տեղակայելու համար»,-նշել է պրոֆեսորը: Ըստ նրա, «վերջին բախման նախաձեռնողը Երևանն էր»: Շեֆերին քիչ հավանական է թվում, որ Հայաստանի բանակը «կարող էր այդպիսի սադրանքի գնալ առանց Ռուսաստանի հետ համաձայնեցման»: Օգոստոսի 10-ին՝ Սոչիում տեղի ունեցավ Հայաստանի, Ադրբեջանի և Ռուսաստանի նախագահների եռակողմ հանդիպումը։ Նախագահները հաստատեցին ղարաբաղյան հիմնախնդիրը խաղաղ բանակցությունների միջոցով լուծելու պատրաստակամությունը: Իր խոսքում նախագահ Սարգսյանը նշել էր, որ հիմնախնդիրը պետք է լուծել փոխզիջման և այն սկզբունքների հիման վրա, որոնք առաջարկել են Մինսկի խմբի համանախագահները: «Բացահայտ մարտական բախումների վերսկսումը պատրվակ կտար Ռուսաստանին խաղաղապահ գործողության քողի տակ մեծաքանակ զորք ուղարկելու համար: Հարավային Կովկասի ապակայունացումը կարող է խափանել 2013-ի դեկտեմբերին համաձայնեցված գազամուղի կառուցման մեծ նախագիծը, որը կարող է թեթևացնել Եվրոպայի կախվածությունը ռուսական վառելիքից»,-ասվում է հոդվածում: Շեֆերին ապշեցրել են ԱՄՆ վարչակազմի հայտարարությունները Սոչիում ՌԴ կազմակերպած հանդիպումը ողջունելու մասին: «Մի՞թե Վաշինգտոնը ոչինչ չսովորեց Վրաստանում կամ Ուկրաինայում,-տարակուսում է նա: -Կանխելու համար կովկասյան հակամարտությունը և զրկելու համար Պուտինին նոր տարածքներ գրավելու պատրվակից, նախագահ Օբաման պետք է հրավիրի Ադրբեջանի և Հայաստանի նախագահներին Վաշինգտոն և ցույց տա, որ Ամերիկան չի լքել Հարավային Կովկասը»: «Վաշինգտոնը պետք է մեղքը բարդի Ռուսաստանի վրա և դիմադրի ցանկացած այսպես կոչված չկարգավորված հակամարտությանը, որը կհանգեցնի լրացուցիչ ռուսական զորքերի տեղակայմանը տարածաշրջանում»,-խորհուրդ է տալիս քաղաքագետը: «Ի վերջո, Արևմուտքին ռազմավարություն է հարկավոր, որը թույլ չի տա Մոսկվային հերթական սահմանակից տարածաշրջանը զավթել: Թեև Լեռնային Ղարաբաղը բավականին հեռու է գտնվում, դա փլուզված կայսրությունը վերականգնելու Ռուսաստանի փորձի հաջորդ ճակատն է: Եթե թույլ տրվի, որ Հարավային Կովկասը կորցնի ինքնիշխանությունը հօգուտ Ռուսաստանի, դա մահացու հարված կհասցնի հետխորհրդային տարածքում և նրա սահմաններից դուրս դաշինքներ կնքելու ու դրանց աջակցելու Ամերիկայի առանց այդ էլ նվազած ունակությանը»,-զգուշացնում է Շեֆերը, հայտնում է Ինոպրեսան: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Սամվել Բաբայան․ Փաշինյանը վաղուց պետք է հրաժարական տար Բաբայանի խոսքով՝ գլոբալ, ռազմավարական պետք է որոշվի՝ ինչ ենք անում, որն է մեր նպատակը Համաշխարհային բանկը կաջակցի ՀՀ անտառների, ջրաճահճային տարածքների ու լանդշաֆտների վերականգնմանը Ծրագրի նպատակն է ընդլայնել կայուն կառավարման ներքո գտնվող տարածքները ՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակում Ռուբեն Վարդանյանի ուղերձը «Ավրորային»․ Ավելի, քան երբևէ, համոզված եմ` արժեքներն ու սկզբունքներն ավելի կարևոր են, քան նույնիսկ կյանքը «Արցախ տեղափոխվելու որոշումս կայացրեցի «Ավրորա»-ի հերոսների շնորհիվ»,–նշել է նաև Բաքվի բանտից ուղարկված ուղերձում |