Թուրքիայում պոլսահայ լրագրող Բաղդադին ազատել են աշխատանքից

Թուրքիայում պոլսահայ լրագրող  Բաղդադին ազատել են աշխատանքից

PanARMENIAN.Net - Թուրքիայում վերջին շրջանում հաճախակի դարձած` խմբագրությունները վերահսկելու գործողությունների հերթական զոհը դարձել է պոսլահայ լրագրող Հայկո Բաղդադը:

Նա հեռացվել է աշխատանքից Bugun TV-ի նկատմամբ դատարանի որոշմամբ իրականացված վերահսկողական գործողությունների ընթացքում, Radikal-ին հղումով գրում է Yerkir.am-ը:

Աշխատանքից հեռացվելու մասին տեղեկությունը լրագրողը հաստատել է իր Twitter-յան էջում: «Այսօր աշխատանքից ազատվելու մասին տեղեկացնող ծանուցում ստացա: Ազատվել եմ Bugun TV-ում աշխատանքից: Առաջին անգամ է, որ ինչ-որ տեղից ինձ ազատում են: Լավ, կատակում եմ, ամեն օր էլ ինձ ազատում են»,- գրել է նա:

Հայկո Բաղդադը ամիսներ առաջ հակընդդեմ հայց է ներկայացրել Անկարայի քաղաքպետ Մելիհ Գյոքչեքի դեմ, ով ավելի վաղ դատ էր բացել նրա դեմ:

Բանն այն է, որ Անկարայի քաղաքապետը մարտի 17-ին Twitter-ում Գերմանիայի Բունեսթագի ազգությամբ թուրք պատգամավոր Ջեմ Օզդեմիրին ուղղված հետևյալ գրառումն էր արել. «գերմանական կանաչների կուսակցության պատգամավորին հետաքրքրությունից դրդված հարցնում եմ` խնդրում եմ պատասխանիր Ջեմ Օզդեմիր, դու հայկական արմատներ ունե՞ս»:

Գյոքչեքը իր գրառումն արել էր այն բանից հետո, երբ Օզդեմիրը Գերմանիայի խորհրդարանում Հայոց ցեղասպանության ճանաչման օգտին ծավալուն ելույթ էր ունեցել:

Հայկո Բաղդադն էլ թվիթերում Գյոքչեքի գրառմանն ի պատասխան հետևյալ հեգնական գրառումներն էր արել. «Պատասխանիր Ջեմ Օզդեմիր», «Եղբայր քեզ համար հայը վիրավորա՞նք է», «Մելիհ Գյոքչեքը հայ է», «Քեզ պաշտոնապես հայ անվանեցի, ինձ թվում է կարող ես դատի տալ ինձ մելիքգյոքչեք», «Մայրաքաղաքը պաշտոնապես հայի են վստահել, ինչ սարսափելի է…», «Եղբայր կիրակի օրը սպասե՞մ եկեղեցում, մելիքգյոքչեք», «Բոլորս սգի մեջ ենք, Մելիք Գյոքչեքը հայ է»:

Գյոքչեքը Բաղդադի այդ գրառումները հիմք ընդունելով դատի էր տվել վերջինիս` պահանջելով 10 հազար թուրքական լիրա բարոյական վնասի փոխհատուցում: Գյոքչեքն իր հայցը հիմնավորել էր հետևյալ խոսքերով` «Դատական գործի պատճառ հանդիսացող խոսքերն ամբողջությամբ վիրավորանք ու զրպարտություն են և անձնական իրավունքներիս ոտնահարում են հանդիսանում»:

Բաղդադը հակընդդեմ հայց է ներկայացրել Գյոքչեքի դեմ` հայցի համար որպես հիմք ներկայացնելով վերջինիս` հայերի հանդեպ ավելի վաղ ժամանակներում արած վիրավորական գրառումներն ու արտահայտությունները: Բաղդադն իր հայցում ներառել է նաև Գյոքչեքի սեփական հայցը հիմնավորելու համար ասած խոսքերը, որտեղ վերջինս հայ բառը որպես վիրավորանք է ներկայացնում:

Նոյեմբերի 7-ին հայտնի է դարձել, որ Թուրքիայում ընդդիմադիր հայացքներ ունեցող 26 լրագրողի ու սյունակագրի դեմ քրգործ է հարուցվել: Ստամբուլի գլխավոր դատախազությունում հետաքննություն է սկսվել:Վերջինների դեմ հարուցված գործը «ահաբեկչական կազմակերպության օգտին քարոզչություն անելու» կասկածանքով է: Գործի հարուցման համար հիմք է հանդիսացել լրագրողների` տարբեր ժամանակներում հրապարակված հոդվածները:

Կարդացեո նաև՝ ԵՄ զեկույց. Թուրքիայում մարդու իրավունքներն անկումային վիճակում են

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---