  Հուլիսի 5-ին Իսրայելի Քնեսեթում Հայոց ցեղասպանության բաց քննարկում կլինի 29 հունիսի 2016 - 13:50 AMT PanARMENIAN.Net - Հուլիսի 5-ին Հայոց ցեղասպանության բաց քննարկում տեղի կունենա Իսրայելի Քնեսեթում: Այդ մասին հայտնել է հայտնի պատմաբան, ցեղասպանագետ Յաիր Աուրոնը «Զորյան ինստիտուտին» տված հարցազրույցում: Ըստ նրա Իսրայելը նախկինում ձեռնպահ էր մնում Հայոց ցեղասպանության հանրային քննրակումներից և ազատ քվեարկությունից` չցանկանալով վանել թուրքական կառավարությանը, որին առանցքային դաշնակից էր համարում, և ԱՄՆ-ին: Հուլիսի 5-ի քննարկումը տեղի կունենա Բունդեսթագում Հայոց ցեղասպանության բանաձևի ընդունումից մոտ մեկ ամիս անց: «Քննելով վերջերս Բունդեսթագի ընդունած բանաձևը`կարելի է մի քանի կարևոր ասպեկտ առանձնացնել: Ժամանակակից Թուրքիան մեղավոր չէ Հայոց ցեղասպանության համար, սակայն Օսմանյան կայսրության բոլոր իրավունքների և պարտավորությունների օրինական իրավահաջորդն է: Ցեղասպանությունը ճանաչելու փոխարեն Թուրքիայի յուրաքանչյուր հաջորդ ղեկավարն ամեն ինչ անում է փաստերը խճճելու և ժխտելու համար: Բացի այդ, Թուրքիան, օգտագործելով իր զգալի աշխարհաքաղաքական, ռազմական ու տնտեսական լծակները` ազդելու համար այլ երկրների վրա, ստիպելու համար պարտադրել նրանց միանալ ժխտողական քաղաքականությանը»,-ասել է Օրոնը: «Ժամանակն է, որ Իսրայելը պաշտոնապես ճանաչի Հայոց ցեղասպանությունը: Ամեն տարի այս ժամանակ Քնեսեթը քննարկումներ է անցկացնում այդ հարցի շուրջ: Կան պոտենցիալ ձայներ, սակայն կառավարությունը թույլ չի տալիս սկսել քվեարկությունը: Թող այս տարին տարբերվի: Թող Քնեսեթում ազատ քվեարկություն անցնի Հայոց ցեղասպանությունը ճանաչելու կամ ժխտելու վերաբերյալ»,-ասել է գիտնականը: Յաիր Աուրոնը ծավալուն արխիվային հետազոտությունների հիման վրա «Անընդունելի անտարբերություն» գրքի հեղինակն է: Պատմաբան Յաիր Աուրոնն իր գրքում փաստարկված անդրադարձել է 20-րդ դարասկզբին Օսմանյան կայսրության երկու ազգային փոքրամասնությունների՝ հրեաների և հայերի այն ժամանակվա իրավիճակին, քաղաքական ուժերին, բարոյականությանն ու պրագմատիզմի բարդ հավասարակշռությանը, վերլուծել պաղեստինյան հրեական համայնքի և սիոնիստական շարժման ղեկավարների վերաբերմունքը Հայոց ցեղասպանության հանդեպ: »Զորյան ինստիտուտի» հետազոտությունները վերաբերում են հետևյալ երեք բնագավառներին` ցեղասպանության ուսումնասիրություններ, սփյուռքի ուսումնասիրություններ և Հայաստանի քաղաքականության ուսումնասիրություններ:   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Սյուժե Վերջին լուրեր Բերման է ենթարկվել անհնազանդության ակցիաների 29 մասնակից, որից 17–ը՝ Երևանում  Վեդիում բերման է ենթարկվել Լևոն ՔոչարյանըԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունենԶախարովա․ՌԴ–ն պատրաստ է աջակցել ՀՀ–ին և Ադրբեջանին սահմանազատման և ԼՂ հուշարձանների պահպանման հարցերում «Պայմանավորվածությունները պետք է լինեն կայուն, հավասարակշռված և փոխընդունելի»,–ասել է նաՎաշինգտոնում կայացել է ամենամյա Արդարության երթը Երթի մասնակիցներն Ադրբեջանի դեսպանատան մոտից քայլել են դեպի Թուրքիայի դեսպանատուն, հետո դեպի Սպիտակ տուն |
