Սիրիական Էլ Հասակեում, որտեղ ծանր մարտեր են ընթանում, 60 հայ ընտանիք կա

22 օգոստոսի 2016 - 11:58 AMT

PanARMENIAN.Net - Սիրիական Էլ Հասակե քաղաքում, չնայած ընթացող ծանր մարտերին, դեռևս 60 հայ ընտանիք է մնում, հայտնում է «Արևելքը»:

YPG քրդական ջոկատները կրկին գրոհում են կառավարամետ միավորումների դիրքերը Սիրիայի հյուսիս-արևելքում գտնվող Էլ Հասակե քաղաքում, որը գտնվում է Ղամիշլիից ոչ հետու:

Սիրիական ինքնաթիռները գրոհել են քրդերի դիրքերը Էլ Հասակեում: Այս ավիահարվածն առաջինն էր 5 տարվա ընթացքում: Հարվածների արդյունքում զոհեր են եղել խաղաղ բնակչության շրջանում: Սիրիայի կառավարական ուժերի հրամանատարությունն իր գործողությունները դիտարկում է որպես պատասխան քաղաքը գրավելու փորձերին: Մինչդեռ ԱՄՆ-ն հայտարարում է, որ քրդերին զորակցելու նպատակով հատուկ կործանիչներ է գործուղելու:

Ըստ «Արևելքի» աղբյուրի, հայերը համեմատաբար ապահով վիճակում են: Հայտնի է, որ քաղաքի որոշ թաղամասեր, որտեղ նաև հայեր են ապրում, դարձել են ծանր մարտերի թատերաբեմ: Տեղի հայերը ստիպված են լինելու որոշում կայացնել` մնալ տեղում, թե հեռանալ Ղամիշլի:

Ղամիշլիի Ազգային առաջնորդարանի տնօրինությունը համապատասխան կարգադրություններ է արել և նրանք պատրաստ են ընդունել այն հայերին, որոնք կցանկանան հեռանալ Էլ Հասակեից:

Սիրիայի կառավարական ուժերի հրամանատարությունն իր գործողությունները դիտարկում է որպես պատասխան քաղաքը գրավելու փորձերին: Մինչդեռ ԱՄՆ-ն հայտարարում է, որ քրդերին զորակցելու նպատակով հատուկ կործանիչներ է գործուղելու:

Մոտ 2 տարի առաջ, երբ ԻՊ խմբավորումը մտավ Էլ Հասակե, տեղի հայերը ստիպված եղան հեռանալ քաղաքից և ժամանակավորապես հաստատվել Ղամիշլիում, որն ավելի ապահով և խաղաղ շրջան է համարվում:

Հղումներ թեմայով.

Arevelk. Շուրջ 60 հայ ընտանիքներ կը շարունակեն մնալ Հասաքէի մէջ.Աղբիւր