ԵԱՀԿ. Պետք է աշխատել ԼՂ հակամարտությանը խաղաղ և տևական լուծում տալու ուղղությամբ12 ապրիլի 2017 - 15:36 AMT PanARMENIAN.Net - Չնայած Լեռնային Ղարաբաղի հակամարտության գոտում լարվածության աճին և բանակցային գործընթացի սահմանափակ առաջընթացին, ԵԱՀԿ-ն շարունակում է պնդել, որ պետք է աշխատել հակամարտությանը խաղաղ և տևական լուծում տալու ուղղությամբ: Այս մասին ասվում է ԵԱՀԿ գործունեության 2016-ի զեկույցում, որտեղ ամփոփվել են կազմակերպության գործունեության և իրականացրած ծրագրերի արդյունքները: «2016թ. գարնանը շփման գծում լարվածության սրումը մեծացրել է հակամարտությանը լուծում տալու անհրաժեշտությունը: ԵԱՀԿ-ում նախագահության շրջանակներում Գերմանիան մեծ ջանքեր է գործադրել այս և այլ հակամարտությունները լուծելու համար՝ ձգտելով ընդգծել ԵԱՀԿ ձևաչափի ամրապնդումը հակամարտությունների լուծման և այդ հակամարտությունների արդյունքում տուժող մարդկանց կյանքը բարելավելու հարցում»,-նշված է կազմակերպության տարեկան զեկույցում, հայտնում է Panorama.am-ը: Ըստ զեկույցի՝ Գերմանիան, որպես ԵԱՀԿ-ում նախագահող երկիր, անմիջապես արձագանքել է Լեռնային Ղարաբաղում ապրիլին սկսված ռազմական գործողություններին և հրավիրել Մշտական խորհրդի արտակարգ նիստ՝ կոչ անելով իրականացնել Սանկտ Պետերբուրգում և Վիեննայում նախագահների մակարդակով ձեռք բերված համաձայնությունները: Հաշվետվությունում նաև նշվում է, որ 2016թ. ընթացքում Հայաստանը և Ադրբեջանը ԵԱՀԿ-ին 45 408 եվրոյի ֆինանսական աջակցություն են տրամադրել: Նաև նշվում է, որ կողմերի աջակցությամբ 2016թ. ընթացքում ԵԱՀԿ-ն 22 անգամ մշտադիտարկում է իրականացրել, որից 5-ը՝ հայ-ադրբեջանական սահմանում, իսկ 17-ը՝ Լեռնային Ղարաբաղի և Ադրբեջանի հակամարտ զորքերի շփման գծում: Ապրիլի 1-ի լույս 2-ի գիշերը ադրբեջանական կողմը Լեռնային Ղարաբաղի նկատմամբ սկսել է լայնածավալ հարձակողական գործողություններ, կիրառել է իր զինանոցում եղած ռազմական տեխնիկայի գրեթե բոլոր հնարավոր տեսակները:Մարտական գործողությունների ընթացքում ՀՀ-ից առաջնագիծ են մեկնել հազարավոր կամավորներ: Ապրիլին լայնամասշտաբ ռազմական գործողությունների ընթացքում հայկական կողմը կրել է 78 մարտական կորուստ (այդ թվում՝ կամավորներ), 120-ից ավելին վիրավորվել էին: Ընթերցեք նաև. Սահակյան․ Պարտություն կրելով ռազմի դաշտում՝ Բաքուն չի հրաժարվել իր զավթողական ծրագրերից Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |