Պուտինն ու Նազարբաևը քննարկել են իրավիճակը Հայաստանում 5 մայիսի 2018 - 10:29 AMT PanARMENIAN.Net - ՌԴ և Ղազախստանի նախագահներ Վլադիմիր Պուտինն ու Նուրսուլթան Նազարբաևը հեռախոսով քննարկել են իրավիճակը Հայաստանում: Այդ մասին հայտնել է Ղազախստանի նախագահի մամուլի ծառայությունը: «Հեռախոսազրույցի ընթացքում Ղազախստանի և Ռուսաստանի նախագահները քննարկել են երկկողմ հարաբերությունների ընթացքն ու հեռանկարները, ինչպես նաև տարածաշրջանային և միջազգային օրակարգի հարցեր, այդ թվում իրավիճակը Հայաստանում»,-ասվում է հաղորդագրության մեջ, հայտնում է ՌԻԱ Նովոստին: Երկու երկրների ղեկավարները նաև քննարկել են փոխգործակցությունը ԵՏՄ շրջանակում: Ղազախստանի նախագահ Նուրսուլթան Նազարբաևը մայիսի 5-ին հեռախոսազրույց է ունեցել ՀՀ նախագահ Արմեն Սարգսյանի հետ: Կողմերը քննարկել են Հայաստանի ներքաղաքական իրավիճակը։ Այս մասին հայտնում է Ղազախստանի նախագահի մամուլի ծառայությունը։ «Նազարբաևը վստահություն է հայտնել, որ բարեկամ հայ ժողովուրդը կառուցողական երկխոսության միջոցով իրավական դաշտում կգտնի ձևավորված իրավիճակից դուրս գալու իրական ուղին»,-ասվում է հաղորդագրությունում։ Մայիսի 1-ին ՀՀԿ-ն տապալեց վարչապետի ընտրություններն ԱԺ-ում՝ դեմ քվեարկելով ընդդիմության թեկնածու Նիկոլ Փաշինյանին, ինչին հետևեցին երկրով մեկ բողոքի ակցիաներն ու ճանապարհների փակումը։ Մայիսի 2-ին, այդ թվում՝ 3-րդ նախագահ Սերժ Սարգսյանի հետ անցկացված հանդիպումից հետո, ՀՀԿ-ն հայտարարեց, որ կպաշտպանի պատգամավորների 1/3-ի առաջադրած թեկնածուին մայիսի 8-ի կայանալիք ընտրություններում։ Փաշինյանն արդեն պաշտոնապես առաջադրվել է վարչապետի թեկնածու: ՀՀԿ խմբակցության ղեկավար Վահրամ Բաղդասարյանը վերահաստատել է, որ խմբակցությունը կաջակցի մայիսի 8-ին ընդդիմության թեկնածուին վարչապետ ընտրվելու հարցում։ Հղումներ թեմայով. Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի Միրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա ՀՌՀ նախագահն առաջարկում է սահմանափակել TikTok-ի հասանելիությունը ՀՀ-ում Նա նշել է, որ նույնիսկ ամենաժողովրդավարական երկրները սկսում են սահմանափակել |