Փաշինյանը պատրաստ է բանակցել Ալիևի հետ

Փաշինյանը պատրաստ է բանակցել Ալիևի հետ

PanARMENIAN.Net - Վարչապետ Նիկոլ Փաշինյանը պատրաստ է բանակցել Ադրբեջանի նախագահ Իլհամ Ալիևի հետ: Այդ մասին նա հայտարարել է լրագրողների հետ հանդիպմանը:

«Հենց Ստեփանակերտում տեղի ունեցած ասուլիսի ժամանակ հստակ ասվել է, որ պատրաստ ենք բանակցել Ադրբեջանի հետ, ես պատրաստ եմ Ադրբեջանի նախագահի հետ բանակցել, և հիմա էլ դա ասում ենք։ Բանակցության նյութ կա, այդ նյութերին պետք է ամբողջապես ծանոթանանք, վերլուծենք ու բանակցենք», - ասել է նա՝ շեշտելով, որ հարցի կարգավորման համար պետք է որոշակի վստահության մթնոլորտ ձևավորվի:

Անդրադառնալով բանակցություններին Արցախի մասնակցությանը, Փաշինյանն ասել է, որ առանց Արցախ ժողովրդի մասնակցության ԼՂ հարցի լուծում չի կարող լինել։Նա նշել է, որ բոլոր աշխատանքային փաստաթղթերում արձանագրված է, որ Արցախի հարցի կարգավորման վերջնական փուլում Ստեփանակերտը պետք է լիարժեք ներգրավված լինի գործընթացում։

«Եթե մենք խոսում ենք Արցախի հարցի վերջնական կարգավորման մասին, ուրեմն՝ Արցախը պետք է ներգրավված լինի, սա չի նշանակում, որ մենք չենք կարող խոսել ընդհանրապես, որովհետև կարող են լինել քննարկումներ, թեմաներ, այդ թվում՝ այս թեմայի քննարկումը:...», - ասել է վարչապետը։

 Ուշագրավ
Բոստոնի համալսարանում սովորելու հնարավորությունը խոստումնալից երիտասարդը ստորադասեց Հայրենիքի պաշտպանությանը
Նա նշել է, որ ակնկալում էր զեկույցում տեսնել հիշատակումներ հայ ռազմագերիների, պատանդների վերաբերյալ
Արցախի ԱԺ երեք ընդդիմադիր կուսակցությունները մասնակցելու են հանրահավաքին