Կոտայքի մարզպետ. Եղվարդի ծննդատունը պետք է գործի14 հունվարի 2020 - 17:10 AMT PanARMENIAN.Net - Եղվարդի ծննդատունը պետք է մնա և շարունակի գործել, ասել է Կոտայքի մարզպետ Ռոմանոս Պետրոսյանը՝ ծննդատան աշխատակիցների հետ հանդիպման ժամանակ: Նրա խոսքով՝ դրա պահպանումը քաղաքական որոշում է: Առողջապահության նախարարության որոշմամբ՝ 2019-ի ընթացքում 150-ից պակաս ծնունդ ընդունած 9 ծննդատուն 2020-ի հունվարի 1-ից պետության կողմից չեն ֆինանսավորվելու։ «Ես կողմ եմ հիվանդանոցի վերազինմանն ու վերակառուցմանը։ Մնացած որոշումներն ընթացակարգային են»,- ասել է նա, հայտնում է Aysor.am-ը: Մարզպետի հավաստմամբ՝ Եղվարդն ու Նաիրի տարածաշրջանն այժմ ունեն ծննդատուն, որն աշխատում է ամբողջ հզորությամբ։ «Մենք քաղաքացիակենտրոն քաղաքականություն ենք իրականացնում. ՀՀ քաղաքացու շահը դոմինանտ է։ Մտահոգությունները, որ երկու օր հնչում են այստեղ, տասը օր առաջ հնչեցրել եմ առողջապահության նախարարությունում», - հավաստիացրել է նա։ Ռոմանոս Պետրոսյանը նշել է նաև, որ նախարարի հետ արդյունավետ զրույց են ունեցել։ «Լիահույս եմ, որ նախարարի նախանշած 150 ծնունդի շեմն այս տարի կանցնենք։ Ֆինանասավորման հարցով Կառավարության որոշումը կլինի 2-3 օրում», - ասել է նա։ Եղվարդում հիվանդանոցի ծննդատան փակման դեմ բողոքի ակցիան շարունակվել է նաև հունվարի 14-ին։ Ակցիայի մասնակիցները նշում են, որ Եղվարդի ծննդատունը սպասարկում է ավելի քան 18 գյուղ, և կան համայնքներ, որոնցից հատկապես ձմռան ամիսներին բարդ է Երևան հասնելը: Մարալիկում ծննդատան և հիվանդանոցի աշխատողները հունվարի 8-ին փակել էին Երևան-Գյումրի ճանապարհը՝ դժգոհելով առողջապահության նախարարի որոշմամբ հունվարի 1-ից տեղի բուժամբուլատորիայում ծննդօգնության ծառայությունների ֆինանսավորման դադարեցումից: Նախարար Արսեն Թորոսյանն անդրադարձել էր փակման պատճառներին՝ նշելով, որ այդ քաղաքում հնարավոր չէ վերակենդանացման ծառայությունների ամբողջ ծավալն ապահովել: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին Փաշինյան. Սպասում ենք ԵՄ որոշմանը՝ ՀՀ-ին ԵՄ խաղաղության հիմնադրամում ներառելու վերաբերյալ Ըստ որոշ աղբյուրների, այդ գործընթացն արգելակում է Հունգարիան, որը պահանջում է, որ Բաքվին էլ գումար հատկացվի «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |