Ավինյան․ ՀՀ-ում 353,000 մարդ ռիսկային խմբում է, տեղորոշման գործիքներով ինքնամեկուսացման ենթակա 3029 անձ կար 13 ապրիլի 2020 - 15:58 AMT PanARMENIAN.Net - ՀՀ-ում 353,000 մարդ (ըստ տարիքի՝ անկախ առողջական վիճակից) կորոնավիրուսով վարակվելու տեսանկյունից համարվում է ռիսկային խումբ, Ազգային ժողովում հայտարարել է փոխվարչապետ, պարետ Տիգրան Ավինյանը։ Նա ներկայացրել է Կառավարության արած միջոցառումների ցանկը և նշել, որ արտակարգ դրության երկրաձգմամբ նպատակ կա կառավարելի պահել վարակի տարածման ինտենսիվությունը, սահմանափակումներին զուգահեռ ներդրվում են նաև վարակակիրներին տեղորոշելու գործիքներ։ ԱԺ-ն քննարկում է ՀՀ-ում կորոնավիրուսի պատճառով մարտի 16-ին հայտարարված արտակարգ դրությունն ապրիլի 14-ից 30 օրով ՝ մինչև մայիսի 14-ը երկարաձգելու հարցը։ Փոխվարչապետի խոսքով՝ 315 հիվանդ ախտորոշվել են տեղորոշման գործիքների միջոցով, ստացվել է 3029 ինքնամեկուսացման ենթակա անձի կոնտակտ։ Նա հայտնել է, որ կորոնավիրուսի ախտորոշման համար ստեղծված հավելվածը մոտ 60,000 ներբեռնում է ունեցել, մոտ 4900 թեստ «կարմիր գոտում» է գտնվել, 21 հոգի թիրախավորվել է, նրանցից 4-ի մոտ է վիրուս ախտորոշվել։ Փոխվարչապետը նշել է, որ այս պահին ունեցած կարողություններով ՀՀ-ն կարող է սպասարկել մոտ 1700 մահճակալային հիվանդի, որը թույլ է տալիս ակտիվ 4500 վարակակիր ունենալ։ Ավինյանը նաև նշել է, որ մարտի 31-ից գործող տեղաշարժի սահմանափակումները պետք է պահպանվեն ապրիլ ամսվա ընթացքում, հանրային տրանսպորտը և միջմարզային տրանսպորտը շարունակելու են մնալ արգելված, օտարերկրացիների մուտքը ՀՀ՝ նույնպես։ Ավինյանը հայտնել է, որ միջմարզային սահմանափակումների պայմաններում համապատասխան փաստաթղթեր ներկայացնելով հնարավոր է իրականացնել ուղևորափոխադրումներ և բեռնափոխադրումներ՝ կատարելով տնտեսական գործունեություն՝ թույլատրված ոլորտներում։ Ավինյանի խոսքով՝ հանրային տրանսպորտը վարակի տարածման ամենամեծ աղբյուրներից է, դրա գործունեությունը դադարեցնելը դժվար, բայց իրավիճակին համապատասխան որոշում է։ Մարտի 16-ից մինչև մայիսի 14-ը ՀՀ-ում արտակարգ դրություն է՝ կորոնավիրուսի տարածումը կանխելու նպատակով։ Ապրիլի 13-ի դրությամբ երկրում վարակման դեպքերի ընդհանուր թիվը հասել է 1039-ի: Ապաքինվել է 211 անձ, 14 հոգի մահացել է։ Առողջապահության նախարարությունում գործում է շուրջօրյա «թեժ գիծ» ծառայություն 8003 և «օպերատիվ զանգերի կենտրոն» 060838300 հեռախոսահամարներով: Մարտի 25-ից երկրում 7 օրով գործում է քաղաքացիների տեղաշարժի սահմանափակում: Ընթերցեք նաև․ Կորոնավիրուսից խուսափելու համար խորհուրդներ` ԱՀԿ-ից   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան  «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նաՓաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծինՓաշինյան. Սպասում ենք ԵՄ որոշմանը՝ ՀՀ-ին ԵՄ խաղաղության հիմնադրամում ներառելու վերաբերյալ Ըստ որոշ աղբյուրների, այդ գործընթացն արգելակում է Հունգարիան, որը պահանջում է, որ Բաքվին էլ գումար հատկացվի«ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |
