Լավրով․ Երևանում հասկանում են, որ ականապատման քարտեզների հարցը պետք է լուծվի 11 մայիսի 2021 - 17:02 AMT PanARMENIAN.Net - ՌԴ ԱԳ նախարար Սերգեյ Լավրովը Բաքվում Ադրբեջանի ԱԳ նախարար Ջեյհուն Բայրամովի հետ հանդիպման ավարտին ասուլիսում հայտարարել է, որ, իր կարծիքով, Երևանում հասկանում են, որ ականապատման քարտեզների հարցը պետք է լուծվի։ «Մենք քննարկել ենք այդ հարցը Երևանում։ Ինձ թվում է, որ ՀՀ ղեկավարությունը հասկանում է, որ այդ հարցը պետք է լուծել։ Եվ արվել են առաջին քայլերը, և ես այդ մասին իրազեկել եմ ադրբեջանական ղեկավարությանը։ Հուսով ենք, որ այդ հարցի լուծումը կարագացվի և այն ամբողջությամբ կլուծվի»,- ասել է նա, գրում է «Սպուտնիկ Ադրբեջանը»։ Լավրովը նաև ասել է, որ ՌԴ պատվիրակությունը Բաքվում մտադիր է նախանշել ԼՂ-ում առաջացող հարցերի լուծման ուղղությամբ կոնկրետ քայլերը։ «Հուսով եմ` այսօր կկարողանանք նախանշել կոնկրետ քայլերը, որոնք թույլ կտան լուծել «հողի վրա» առաջացող հարցերը։ Բնականաբար, իրավիճակը բարդ է, երկար տարիներ չի լուծվել»,-ասել է Լավրովը։ Նա հավելել է, որ պատերազմից հետո տարածաշրջանում իրավիճակի հետագա կարգավորման բանալին եռակողմ հայտարարության բոլոր պայմանավորվածությունների պահպանումն է։ Լավրովը նշել է, որ այն ներառում է իրավիճակի կարգավորման համար այն ամենը, ինչ անհրաժեշտ է, և միտված է ապաշրջափակելու կումունիկացիաները, որոնք շրջափակված էին գրեթե 30 տարի, ինչը խոչընդոտ էր տարածաշրջանի զարգացման համար։ «Մեր զինվորականները գործում են ադրբեջանական կողմի հետ սերտ համագործակցությամբ։ Ընդհանուր առմամբ, մենք դրական ենք գնահատում նրանց գործունեությունը։ Նրանք նպաստում են խաղաղ կյանքի վերականգնմանը»,- ասել է նա։ Այցով Բաքվում գտնվող ՌԴ ԱԳ նախարար Սերգեյ Լավրովը հայտարարել է, որ Լեռնային Ղարաբաղի տարածաշրջանում սահմանների հետ կապված հարցերը լուծելի են՝ չնայած դրանց ամբողջ բարդությանը։ Այդ մասին Լավրովն ասել է Ադրբեջանի նախագահ Իլհամ Ալիևի հտ հանդիպմանը։   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր Կոլումբիան խզում է հարաբերություններն Իսրայելի հետ  Գազայի հատվածի շրջափակումը այդ երկրի նախագահը «ցեղասպանություն» է անվանելՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունըԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |
