  ԱՄՆ Պետդեպի ներկայացուցիչը կայցելի տարածաշրջան 3 մարտի 2023 - 17:29 AMT PanARMENIAN.Net - ԱՄՆ Պետդեպարտամենտի Կովկասյան բանակցային գծով ավագ խորհրդական Լուիս Բոնոն հաջորդ շաբաթ կժամանի տարածաշրջան, այդ պաշտոնում իր առաջին այցով։ Այդ մասին հայտարարել է ԱՄՆ Պետդեպի պաշտոնական ներկայացուցիչ Նեդ Փրայսը։ «Մենք ակնկալում ենք, որ դրանք կլինեն կանոնավոր ուղևորություններ դեպի Հարավային Կովկասի բոլոր երեք երկիր: Բոնոն նախատեսում է հանդիպել բարձրաստիճան ղեկավարների հետ՝ աջակցելու Հայաստանի և Ադրբեջանի միջև խաղաղ գործընթացին: Իր այցի շրջանակում նա կայցելի Հարավային Կովկասի բոլոր երեք երկրներ: Նա կմեկնի և Բաքու, և Երևան, և Թբիլիսի այս հերթականությամբ», - ասել է Փրայսը, հայտնում է «Ազատությունը»։ Նրա խոսքով՝ դա Բոնոյին հնարավորություն կտա զարգացնել ԱՄՆ պետքարտուղարի, Հայաստանի վարչապետի և Ադրբեջանի նախագահի հանդիպման արդյունքները, որը տեղի է ունեցել փետրվարի կեսերին Մյունխենի Անվտանգության համաժողովի շրջանակում։ «Մենք, ինչպես նշվեց այս եռակողմ ներգրավվածության ավարտին, ոգևորված ենք Հայաստանի և Ադրբեջանի վերջին ջանքերով՝ արդյունավետորեն մասնակցելու խաղաղության գործընթացին: Բոնոն հույս ունի, որ կարող է զարգացնել այդ ջանքերը և տեսնել, որ այս առաջընթացը կշարունակվի: Այս բոլոր երեք քաղաքներում Բոնոն կընդգծի, որ Միացյալ Նահանգները հավատարիմ է Հարավային Կովկասի տարածաշրջանի խաղաղ, ժողովրդավարական և բարգավաճ ապագան ապահովելուն», - ասել է Պետդեպարտամենտի խոսնակը: Փետրվարի 18–ին Մյունխենի անվտանգության համաժողովի շրջանակում կայացել է ՀՀ վարչապետ Նիկոլ Փաշինյանի, ԱՄՆ պետքարտուղար Էնթոնի Բլինքենի և Ադրբեջանի նախագահ Իլհամ Ալիևի եռակողմ հանդիպումը։ Հանդիպմանը հանդիպմանը կողմերը քննարկել են Հայաստանի և Ադրբեջանի միջև խաղաղության պայմանագրի նախագծի աշխատանքների ընթացքը։ Օրակարգում են եղել նաև տարածաշրջանային տրանսպորտային ենթակառուցվածքների ապաշրջափակումն ու երկու երկրների միջև դելիմիտացիայի հարցերը։ Ըստ հայկական կողմի՝ վարչապետ Նիկոլ Փաշինյանը վերահաստատել է Հայաստանի նպատակամղվածությունը` հասնելու այնպիսի պայմանագրի ստորագրմանը, որն իսկապես կերաշխավորի տարածաշրջանում երկարաժամկետ խաղաղությունն ու կայունությունը:   Ուշագրավ Միլլերն ասել է, որ այդ հարցի շուրջ ակտիվ քննարկումներ են ընթանում «Ոչ, ես տեղյակ չեմ»,- ասել է Իշխանյանը Օսմանին հայտնել է, որ այդ թեմային կանդրադառնա Բայրամովի և Միրզոյանի հետ հանդիպման շրջանակում Նա նշել է, որ բազմաթիվ զոհեր և վիրավորներ կան խաղաղ բնակչության շրջանում   Ամենաընթերցվողը բաժնում |  Վերջին լուրեր Գրիգորյանն ու Հաջիևը բանակցել են․ Ըստ ԵՄ–ի՝ Երևանն ու Բաքուն պետք է «կոնկրետ քայլերի և վճռական փոխզիջումների» գնան  ԱԽ քարտուղարը Բրյուսելից Բեռլին կմեկնիԱՆ․ Փորձելու ենք հնարավորինս արագ տեղափոխել թե պայթյունից տուժածներին, թե վիրավորներին Բժիշկներ են եկել նաև արտերկրից՝ Իսպանիայից, Մեծ Բրիտանիայից, գալու են նաև այլ երկրներից նեղ մասնագետներՓոխվարչապետ․ 19,000 մարդ է հատել Կոռնիձորի անցակետը 500 արցախցի տեղակայվել է Վայքում, 500-ն էլ՝ ԳեղարքունիքումԱՄՆ–ն $11․5 մլն կհատկացնի ԼՂ–ից բռնի տեղահանվածների կարիքներին, ԵՄ–ն՝ 5 մլն եվրո ԵՄ-ն նաև մարդասիրական հարցերով փորձագետի կտեղակայի տարածաշրջանում |
