Ադրբեջանի ԱԳՆ–ն դժգոհել է ՀՀ–ում ԵՄ առաքելությունից և «Ֆրանսիայի ու Հունաստանի կողմից Հայաստանի սպառազինումից»27 մարտի 2024 - 15:59 AMT PanARMENIAN.Net - Ադրբեջանի արտգործնախարարության խոսնակ Այhան Հաջիզադեն, անդրադառնալով ապրիլի 5–ին Բրյուսելում կայանալիք ՀՀ–ԵՄ–ԱՄՆ հանդիպմանը, հայտարարել է, թե պաշտոնական Բաքուն երբեք անվերապահ աջակցություն չի ստացել Բրյուսելից և Վաշինգտոնից, ինչպես դա ստանում է Երևանը: Նա ասել է, որ մտահոգիչ է, որ ապրիլի 5–ի հանդիպմանը քննարկվելու են նաև ռազմական բաղադրիչներ։ Նա դժգոհություն է հայտնել նաև ԵՄ դիտորդական առաքելության (EUMA) ժամկետը երկարաձգելու և դիտորդների քանակի ավելացման վերաբերյալ՝ շեշտելով, որ դա արվել է առանց Ադրբեջանի համաձայնության։ «Առաքելությունն ակտիվորեն օգտագործվում է որպես հակաադրբեջանական քարոզչության գործիք: Բացի այդ, Կանադայի անդամակցումը EUMA–ին այն դե ֆակտո ՆԱՏՕ-ի առաքելություն է հիշեցնում: Դա ուղեկցվում էր հայտարարություններով, որտեղ առաքելությանն անվանում էին զսպման ուժեր և ստեղծվում էր Ադրբեջանի կողմից հնարավոր միջամտության պատրանք, որոնք բացարձակապես անհիմն են», - ասել է Հաջիզադեն, գրում է Interfax.az-ը։ Հաջիզադեն նաև Ադրբեջանի դժգոհությունն է հայտնել ԵՄ անդամ «Ֆրանսիայի և Հունաստանի կողմից Հայաստանի սպառազինման վերաբերյալ»։ Նա նաև ասել է, որ ադրբեջանական կողմը բազմիցս է ԵՄ-ին կոչ արել ձեռնարկել բոլոր անհրաժեշտ միջոցները և ապահովել, որ դա լինի չեզոք, քաղաքացիական և անզեն առաքելություն, որը, համաձայն իր մանդատի, պետք է զերծ մնա Ադրբեջանի ինքնիշխանության և տարածքային ամբողջականության և անվտանգության օրինական շահերի դեմ ուղղված որևէ գործողությունից: Եվրոպացի դիտորդները Հայաստանում են 2023-ի փետրվարից։ Սկզբնական կազմը 100 հոգի էր, այժմ պարեկում է 138 դիտորդ, մինչև սեպտեմբեր կազմը կհասնի 209–ի։ Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի Միրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա ՀՌՀ նախագահն առաջարկում է սահմանափակել TikTok-ի հասանելիությունը ՀՀ-ում Նա նշել է, որ նույնիսկ ամենաժողովրդավարական երկրները սկսում են սահմանափակել |