Ռագներ Բոե. Գլխավորն այն է, որ ՆԱՏՕ-ի «Հայաստան-2010» զորավարժությունների ժամանակ նրա մասնակիցներից ոչ մեկը չտուժեց16 սեպտեմբերի 2010 - 14:52 AMT PanARMENIAN.Net - Լուսակերտում տեղի ունեցավ ՆԱՏՕ-ի «Հայաստան-2010» տարերային աղետների հետևանքների վերացման զորավարժությունների փակման պաշտոնական արարողությունը: «Ես հուսով եմ, որ զորավարժությունները լավ անցան և ցույց տվեցին, թե ինչպես պետք է թիմերը փոխգործակցեն հետևանքների վերացման խնդիրները լուծելիս»,-հայտարարել է Ազգային անվտանգության խորհրդի քարտուղար Արթուր Բաղդասարյանը: Նա նշեց, որ վերջին տարիներին սա արդեն երկրորդ խոշոր զորավարժությունն է, որ անցնում է Հայաստանում: «Արտակարգ իրավիճակներ նախկինում ևս եղել են և առաջանում են Հայաստանում, ուստի ողջ աշխարհից ժամանած փրկարարները պետք է միավորեն ջանքերն արձագանքելու համար նման իրավիճակներին»,-ասել է նա՝ հավելելով, որ այսօրվա զորավարժությունները լավ օրինակ են, թե ինչպես պետք է գործեն փրկարարները: «Այս զորավարժությունները թույլ կտան ամրապնդել այնպիսի կարևոր ասպեկտ, ինչպիսին է Հայաստանի պետական քաղաքականությունը արտակարգ իրավիճակների ու աղետների հետևանքների վերացման ոլորտում»,-ասել է Արթուր Բաղդասարյանը: Իր հերթին ՆԱՏՕ-ի տարերային աղետների ու վթարների արձագանքման համակարգող կենտրոնի պետի տեղակալ Ռագներ Բոեն շնորհակալություն է հայտնել բոլոր մասնակիցներին կատարված աշխատանքի համար: «Վարժանքները շատ հաջող անցան: Գլխավորն այն է, որ ՆԱՏՕ-ի «Հայաստան-2010» զորավարժությունների ժամանակ նրա մասնակիցներից ոչ մեկը չտուժեց»,-ասել է Բոեն: Ընդ որում նա նշեց, որ զորավարժությունների հիմնական նպատակն է տարբեր երկրների փոխգործակցության հմտությունների մշակումը, ինչպես նաև Որոնողափրկարարական գործողությունների միջազգային խորհրդատվական խմբի հրահանգների մշակումը: Զորավարժությունների մասնակից թիմերին հանձնվեցին հավաստագրեր, իսկ առավել ակտիվ մասնակիցներին հանձնվեցին մեդալներ ու պատվոգրեր: Ուշագրավ Շենքի շուրջբոլորը ոստիկանությունը պատնեշներ է տեղադրել
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը Ապրիլին 614 հարկ վճարող մոտ 251 մլն դրամի ՀԴՄ կիրառման կանոններ է խախտել Տուգանքի չափը կազմել է մոտ 251 մլն դրամ |