Այսօր՝ ժամը 19:00-ին, Հայաստանի գրողների միության Մեծ դահլիճում տեղի կունենա «Assonance» ժամանակակից երաժշտության անսամբլի դեբյուտային համերգը: Անսամբլը ձևավորվել է բոլորովին վերջերս, մենակատարները երիտասարդներ են՝ Գոհար Առաքելյան (ֆլեյտա), Արսեն Գրիգորյան (կլարնետ), Լուսինե Հարությունյան (ջութակ), Մերի Դոլմազյան (ալտ), Շողակաթ Վարդանյան (դաշնամուր): Անսամբլի գեղարվեստական ղեկավարն է երիտասարդ կոմպոզիտոր Հովիկ Սարդարյանը: «Assonance» անսամբլի ստեղծման և վերջին օրերի Հայաստանի մշակութային կյանքի գլխավոր իրադարձություններից մեկի՝ «Նարեկացի» արվեստների փառատոնի մասին ենք զրուցել անսամբլի մենակատարներից Մերի Դոլմազյանի հետ: Մերին ավարտել է Երևանի Կոմիտասի անվան պետական կոնսերվատորինան: Այժմ նորից այնտեղի ուսանող է. այս անգամ սովորում է կոմպոզիցիայի բաժնում: «Վարդանյան» լարային քառյակի ալտահարն է, որի կազմով էլ մասնակցել է մի շարք փառատոների: Վարպետության դասեր է ստացել աշխարհահռչակ հայազգի ալտահարուհի Քիմ Քաշքաշյանից, Դիմուտ Պոպենից, Սայմոն Ռոլանդ Ջոնսից, «Չիլինգիրյան» կվարտետից:

Երեկ Արամ Խաչատրյանի անվան համերգասրահում կայացավ ջազի վիրտուոզներ՝ Վահագն Հայրապետյանի ու Դանիիլ Կրամերի համատեղ համերգը, որին հաջորդեց «Live in Ekaterinburg» համատեղ ձայնասկավառակի շնորհանդեսը:

Կոմպոզիտոր, դաշնակահար, երաժշտագետ Արթուր Ավանեսովը օրերս է վերադարձել ԱՄՆ-ից: Դաշնակահարը համագործակցում է «Դիլիջան» համերգաշարի կազմակերպիչների հետ և այս անգամ էլ համերգաշարի շրջանակներում հանդես է եկել Միացյալ Նահանգներում: Հենց այս համերգն էլ առիթ հանդիսացավ նրա հետ հանդիպելու, բայց զրույցը շատ ավելի ընդգրկուն ստացվեց: Համերգի, արտասահմանում ապրող և ստեղծագործող հայ կոմպոզիտորների, ամերիկահայ ալտահար Քիմ Քաշքաշյանի հետ համագործակցության, դասադուլների ու հետընտրական Կոնսերվատորիայի մասին PanARMENIAN.Net-ը զրուցել է Արթուր Ավանեսովի հետ:

Այս տարի մայիսին Երևանում կանցկացվի Ոչ կոմերցիոն ֆիլմերի 3-րդ փառատոնը: Հայաստանը դարձել է UNICA-ի ՝ Համաշխարհային ոչ կոմերցիոն կինոյի միության անդամ 2010 թվականին` Համահայկական ոչ կոմերցիոն կինոյի կենտրոնի նախագահ Արտաշես Հովհաննիսյանի ջանքերով: Արտաշես Հովհաննիսյանը 1988 թվականին ստացել է UNICA-ի ոսկե մեդալ «Դիրժորներ» 7 րոպեանոց ֆիլմի համար, իսկ 2012-ին 34 անդամ երկրների փակ քվեարկությամբ ընտրվել է UNICA-ի գերագույն մարմնի՝ Կոմիտեի անդամ: Ոչ կոմերցիոն ֆիլմերի փառատոնի վերջին 3 տարվա ձեռքբերումների, հայկական ոչ կոմերցիոն ֆիլմերի առանձնահատկությունների մասին PanARMENIAN.Net-ը զրուցել է Արտաշես Հովհաննիսյանի հետ:

Արմատներով ղարաբաղցի Կարեն Շահնազարովն ամբողջ կյանքն ապրել ու աշխատել է Ռուսաստանում: Չնայած դրան՝ նա չի մոռանում իր արմատերի մասին, ու, ինչպես ինքն է ասում՝ «զգում է դրանք»: Օրերս նա եկել էր Հայաստան՝ իր նոր՝ «Սպիտակ վագրը» առաջին ռազմական ֆիլմի պրեմիերային մասնակցելու համար: Այն օրը, երբ մենք զրուցեցինք ու լուսանկարեցինք ռեժիսորին, նա պաշտպանության նախարարի կողմից «Մարշալ Բաղրամյանի անվան» մեդալ էր ստացել: «Սպիտակ վագրի», Արցախի մասին ֆիլմի, հայկական կինոյի ու այլ թեմաների վերաբերյալ Կարեն Շահնազարովի պատկերացումները՝ մեր հավաքածուում:

Երևանում է հայրական կողմից ծագումով հայ, ՌԴ վաստակավոր և ժողովրդական արտիստ Դմիտրի Խառատյանը: Հայկական ազգանունով, սլավոնական արտաքինով 53-ամյա դերասանը դեռ 16 տարեկանում պնդել է, որ խորհրդային անձնագրում իր ազգության դիմաց նշվի հայ: ԱՊՀ հումանիտար համագործակցության միջպետական հիմնադրամի պատվիրակության կազմում նա այսօր այցելեց Մատենադարան: Ցուցասրահ մտնելուն պես դերասանը հրաժարվեց որևէ հարցի պատասխանել` նշելով, որ ձեռագրերին ծանոթանալու նպատակով է եկել:

Դեկտեմբերի 19-ին Վարդան Պետրոսյանը Երևանում վերջին անգամ հանդես կգա «Պարոնայք 50-50» ներկայացմամբ: Այն հայ հանդիսատեսի դատին է հանձնվել հուլիսի 23-ին: Վարդան Պետրոսյանը համաձայնեց PanARMENIAN.Net-ի թղթակցի հետ ամփոփել խաղաշրջանը և ոչ միայն...

Հոկտեմբերի 7-ին և 8-ին վարսահարդար-ոճաբան Էմին Պողոսյանը մասնակցել է Եվրոպայում վարսահարդարների և դիմահարդարների ամենագլխավոր մրցույթներից մեկին` OMC Hairworld 2012 աշխարհի բաց առաջնությանը, որն այս տարի անցկացվում էր 36-րդ անգամ Միլանում: 56 պետություններից ներկայացած 1100 մասնակիցների թվում Էմին Պողոսյանը միակն էր այս տարի, որ ներկայացնում էր Հայաստանը: «Afro Total Look» անվանակարգում նա հեղինակավոր ժյուրիի բարձրագույն գնահատականն է ստացել` արժանանալով ոսկե մեդալի և օլիմպիական չեմպիոնի կոչման:

Աշխարհահռչակ ակորդեոնահար Ռիշար Գալիանոն երեկ գիշեր ժամանեց Երևան: Նա եկել է մասնակցելու Հայաստանի պետական կամերային նվագախբի 50-րդ հոբելյանական համերգաշրջանի գալա համերգին և անակնկալ է պատրաստել հայ ունկնդրի համար:

Տաղանդավոր ծնողների երեխաներից քչերն են, որ կարողանում են խուսափել հայտնի ծնողների ստվերում մնալուց, երբ շարունակում են նրանց գործը: Հայտնի դաշնակահարուհի Գայանե Հախնազարյանի և ոչ պակաս հայտնի ջութակահար Սուրեն Հախնազարյանի տղաները` Նարեկն ու Տիգրանը, վաղուց արդեն ինքնուրույն գործունեություն են ծավալում: Եղբայրներն ասում են, որ իրենց այդ հայտնի մտայնությունը չի վերաբերում: Տիգրանը Կոմիի օպերայի և բալետի թատրոնի գլխավոր դիրիժորն է, աշխատել է 20-ից ավելի նվագախմբերի հետ: Նարեկը Չայկովսկու անվան մրցույթի դափնեկիր է, աշխատել է 50-ից ավելի նվագախմբերի հետ: Նրանք այս օրերին Հայաստանում են, և սիրով պատասխանեցին PanARMENIAN.Net ի թղթակցի հարցերին: