// IP Marketing video - START// IP Marketing video - END
«Ոսկե» կիլովատներ. Որքան են վճարում էլէներգիայի համար ՀՀ-ում, տարածաշրջանում, Եվրոպայում և ԱՄՆ-ում

«Ոսկե» կիլովատներ. Որքան են վճարում էլէներգիայի համար ՀՀ-ում, տարածաշրջանում, Եվրոպայում և ԱՄՆ-ում

Հայաստանում գործող էլեկտրականության սակագները (6-67-8.77 ցենտ) շատ չեն տարբերվում ոչ այնքան հարուստ բալկանյան երկրների սակագներից, որտեղ բնակչության եկամուտներն ու տնտեսության զարգացման աստիճանը համեմատելի են ՀՀ ցուցանիշների հետ

Էլեկտրաէներգիա արտադրող և բաշխիչ խոշոր ընկերությունները հայտ են ներկայացրել Հանրային ծառայությունները կարգավորող հանձնաժողովին մեկ երրորդով էլեկտրաէներգիայի սակագինը բարձրացնելու համար: PanARMENIAN.Net-ը որոշել է հիշեցնել, թե վերջին տարիներին որքան է թանկացել էլեկտրաէներգիան և համեմատել սակագները հարևան երկրների և զարգացած տնտեսությունների սակագների հետ:

PanARMENIAN.Net - Վերջին տարիներին էլեկտրաէներգիայի սակագինը Հայաստանում թանկացել է երկու անգամ: 2013-ին 1 կիլովատի արժեքը 30-ից դարձավ 38 դրամ ցերեկային սպառման համար, և 20-ից բարձրացավ մինչև 28 դրամ գիշերային սպառման համար: 2014-ին հոսանքի գինն աճեց ևս 3,85 դրամով, համապատասխանաբար` հասնելով 41.85 և 31.85 դրամի 1 կՎՏ/ժ համար: Այսպիսով, երկու տարվա ընթացքում ցերեկային սակագինն աճել է 11,85 դրամով կամ 39,5 %: Հանձնաժողովին առաջարկում են հավանություն տալ մեկ կիլովատի թանկացմանը 17,08 դրամով` ցերեկային սպառման համար գինը հասցնելով 58.93 դրամի և 48.93 դրամի գիշերային սպառման համար: Այսպիսով, 2012-ի համեմատ ցերեկային սակագնի աճը կկազմի 96%, իսկ գիշերայինինը` 144%, այսինքն 3 տարում սակագները կաճեն 2-2,5 անգամ: Դոլարով արտահայտելու դեպքում գործող գիշերային/ցերեկային սակագինը հավասար է 6.67-8.77 ցենտի, իսկ թանկանալու դեպքում կկազմի` 10.25-12.35 ցենտ կՎՏ/ժ համար (1 դոլարի փոխարժեքը 477 դրամ): Ի դեպ, էներգետիկայի և բնական պաշարների նախարար Երվանդ Զախարյանը հայտարարել է, որ սակագները պետք է առնվազն տարին մեկ անգամ վերանայվեն, որպեսզի խնդիրները չկուտակվեն և հնարավոր լինի խուսափել կտրուկ տատանումներից:

Հարևան Վրաստանում սակագինը տարբերակված է, ելնելով սպառման ծավալներից, ընդ որում մայրաքաղաքի բնակիչները երկու անգամ ավելի են վճարում հոսանքի համար շրջանների բնակիչներից: Վերջին անգամ էլեկտրաէներգիայի սակագինը Վրաստանում բարձրացել է հեռավոր 2006-ին` ամիսը մինչև 100 կՎՏ սպառող Թբիլիսիի բնակիչները վճարում էին 13,48 թեթրի 1 կՎՏ/ժ դիմաց, ամիսը մինչև 300 կՎտ սպառողները` 16 թեթրի 1 կՎտ/ժ համար, ամիսը 300 կՎՏ ավելի սպառողների համար`17,70 թեթրի 1 կՎՏ/ժ դիմաց: Մայրաքաղաքից դուրս ամիսը մինչև 100 կՎՏ սպառողները վճարում էին 12,98 թեթրի, 101-300 կՎտ սպառողները` 16,92 թեթրի, 300 կՎտ-ից ավելի սպառողները` 17,50 թեթրի 1 կՎտ/ժ համար: Սակայն 2013-ին, ընտրություններում ընդդիմության հաղթանակից հետո, նոր իշխանությունները նվազեցրին մի շարք կոմունալ վճարումներ, այդ թվում էլեկտրաէներգիայի սակագները: Այժմ Թբիլիսիի բնակիչները վճարում են 9.94 թեթրի մինչև 100 կՎտ հոսանք ծախսելու դեպքում, 12,46 թեթրի` 101-300 կՎտ-ի դեպքում, իսկ շրջանների բնակիչները` համապատասխանաբար 9.44 և 12.98 թեթրի: Խոշոր սպառողների համար սակագինը նույնն է մնացել: Այսպիսով, Վրաստանի բնակիչները էլեկտրականության չափավոր սպառման դեպքում վճարում են 4.19-5.76 ցենտ և մոտ 8 ցենտ` 300 կՎտ ավելի օգտագործելու դեպքում (1 դոլարը` 2,25 լարի) : Երկրի էներգետիկները արժեզրկման կապակցությամբ նույնպես դիմել են Էներգետիկայի կարգավորվող ազգային հանձնաժողովին սակագինը բարձրացնելու ակնկալիքով: Սակայն, ըստ վարչապետ Իրակլի Ղարիբաշվիլիի հավաստիացումների, առաջիկայում սակագները չեն վերանայվի:

Նիկոլայ Թորոսյան / PanARMENIAN.Net
 Ամենաընթերցվողը բաժնում
ՀՀ-ի ու ՀԱՊԿ-ի առճակատումը նոր քարտուղարի հարցի շուրջ
Ուր մեկնել, եթե Green Card-ը մերժում են
Երևանն ու Բաքուն կոշտացնում են դիրքորոշումը ԼՂ հարցում
Զուրաբիշվիլիի այցը բացահայտեց հարաբերությունների կնճիռները
 Ուշադրության կենտրոնում
«ՀՀ-ի դեպքում իրավիճակն այլ է». Լավրովը՝  հետխորհրդային երկրներում Արևմուտքի միջամտության մասին

«ՀՀ-ի դեպքում իրավիճակն այլ է». Լավրովը՝ հետխորհրդային երկրներում Արևմուտքի միջամտության մասին «Հայաստանում իրավիճակն այլ է. այս երկիրն Հարավային Կովկասում ՌԴ-ի առանցքային գործընկերն է»

 Բաժնի այլ նյութերը
Զգուշացեք ավտոտեսուչից Լատինատառ գրառումը՝ ՌԴ-ում հայ վարորդներին գործից զրկելու պատճառ
Հարևանի նոր «մերսեդեսը» Ադրբեջանի սպառազինության համալրումները վերջին ամիսներին
Թրոլինգ և խորտիկներ Ով է «Պուտինի խոհարարն» ու ինչ է անում ռուսական ռազմակայանում