Պատմում են հետախույզները. Ամեն հետախույզի որդի կերազի հոր հետ գործողության մասնակցելՆոյեմբերի 5-ը Հետախույզի օրն է Համաշխարհային հետախուզության պատմությունից մինչև Արցախյան ազատամարտ, հայկական բանակի կազմավորում և մեր օրեր. հայ հետախույզներն առանձնանում են պրոֆեսիոնալիզմով ու գործողությունների արդյունավետությամբ: Կամավորական ջոկատների առանձին հետախուզական խմբերից կանոնավոր բանակի հետախուզական ստորաբաժանումներ անցումն ընդուված է ավարտված համարել 1992-ին: «Հետախուզական ստորաբաժանումները բանակից առաջ են ստեղծվել՝ հետախուզել են, որ բանակը ստեղծվի». կատակում են: 6 նոյեմբերի 2015 PanARMENIAN.Net - Նոյեմբերի 5-ը Հետախույզի օրն է: Հայ ընտանիքներից մեկում տոնը կրկնակի է. մայորը 25 տարվա հետախույզ է, որդին՝ 5 ամսվա ժամկետային զինծառայող, շարքային հետախուզական ստորաբաժանման կազմում: «Ամեն հետախույզի որդի կերազի հոր հետ գործողության մասնակցել: Բայց հայրս խուսափում է՝ ուշադրությունն ինձ վրա կկենտրոնանա: Գործողության ժամանակ միտքն ու հոգին խաղաղ պիտի լինեն»: «Ձեռնամարտի միջազգային մրցաշարերի եռակի չեմպիոն եմ, իսկ հետախուզական ստորաբաժանման կազմում ծառայելը նշանակում է ֆիզիկական պատրաստվածությունն ու կարգապահությունը զարգացնել ու արժեվորել ոչ պակաս մարզված մտքով»:
«Հակառակորդի հետախույզներն ինքնավստահ են միայն երբ մեծ խմբերով են գործում: Ադրբեջանցիների հոգեբանությունը որոշիչ է: Վերջին 2 տարում Արցախի ուղղությամբ հետախուզադիվերսիոն խմբերում թվաքանակը կրկնապատկվել է: Բայց հայկական կողմի կանխարգելիչ գործողությունների արդյունքում, միևնույն է, խուճապի են մատնվում: Ապացույցն էլ այն է, որ ռազմարդյունաբերության առաջատարներից գնած վերջին զինատեսակները թողնում են, գնում իրենց կաշին փրկելու»: «Մեր մեկը հավասար է թուրքի տասին, ու սա մեծամտանալ չի, դեռ քիչ եմ ասում: Բոյը, «թափը» կապ չունի: Գլուխը գործի կեսն է: Գլուխդ պետք է վերահսկելի ու մտածող լինի»: «Աղջիկ հետախույզները մեր ստորաբաժանման կազմում մի քանիսն են: Միանշանակ նրանց հետ գործողության կգնամ՝ ոչնչով չեն զիջում տղամարդկանց, իսկ որոշ առումներով ավելին կարող են»: «Հայ հետախույզների առավելությունը համարձակությունն է՝ «դուխով» ենք, չենք հանձնվում: Ու ընկերոջ մեջքը պահող ենք ամենադժվար ժամանակ էլ»:
«Հետախուզությունը 23 տարի առաջ և այսօր. միջոցների ու տեխնիկայի փոփոխություն միանշանակ կա: ՀՀ ԶՈւ հետախուզական ստորաբաժանումները համալրված են նորագույն զինատեսակներով ու հետևում են տեղեկատվական տեխնոլոգիաների զարգացմանը»: «Պարտադիր զինծառայությունն ավարտելուց հետո նախատեսում եմ շարունակել հետախույզ լինել՝ պայմանագրային հիմունքներով: Մանկությունից հետախույզի հետ եմ: Հիմա ես եմ հետախույզ: Իմ կյանքն է սա»: «Հետախույզի գլխավոր խնդիրն աչք ու ականջ լինելն է, իսկ հետախուզությունը բանակի սիրտն է, շատ բան է փոխում ու պայմանավորում: Հետախույզ կոչվելը բարձր պատիվ է: Եվ այս գիտակցությամբ հայկական հետախուզության ապագան անցյալին չզիջելու նախադրյալներ ունի»: Անի Ավետյան / PanARMENIAN.Net Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին Բաժնի այլ նյութերը Հեպատիտի նոր ենթատեսակը տարածվում է երեխաների շրջանում Ինչ է այն ու ինչպես պայքարել` հայտնի չէ Հայրենիքը՝ հեծանիվի դիմաց Ինչ արժե պետությանը դավաճանելը Յոթ որդու Բավական քույրը Տարեկան քանի՞ աղջիկ չի ծնվում Հայաստանում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |