Հայկական տնտեսության «սիլիկոնային» ապագանՏՏ ոլորտի տպավորիչ արդյունքները՝ թվերով Ձեռնարկությունների ինկուբատոր հիմնադրամը հրապարակել է«Հայաստանում տեղեկատվական եվ հեռահաղորդակցության տեխնոլոգիաների ոլորտի հետազոտություն» զեկույցը, որն ամփոփում է 2015 թվականին ՏՏ-ոլորտի գրանցված հիմնական ցուցանիշները: PAN- 17 մարտի 2016 PanARMENIAN.Net - ը ներկայացնում է զեկույցի կարևորագույն ցուցանիշները՝ թվերով: Աշխատատեղեր Հայաստանում գործում են մոտ 450 ՏՀՏ ընկերություններ: 10 տարում ընկերությունների քանակն աճել է 300%-ով, իսկ 2014-ի համեմատ՝ 13.6%-ով: Այս ընկերությունների մեծ մասը՝ մոտ 88%-ը, տեղակայված է Երևանում, այնուամենայնիվ, մարզային զարգացման ծրագրերի շրջանակներում աճում է նաև ՀՀ այլ մարզերում, հատկապես Շիրակում և Լոռիում գործող ընկերությունների թիվը: 2015 թվականին գրանցված 70 նոր ընկերությունները ստեղծվել են շուրջ 400 նոր հաստիք, իսկ ընդհանուր ոլորտը՝ մոտ 1200 նոր աշխատատեղ: Ոլորտում զբաղվածների թիվը հասել է 12685-ի (տարվա կտրվածքովվ մոտ 10% աճ): Տեխնիկական մասնագետների (ծրագրային ապահովման ճարտարագետներ, վերլուծաբաններ, ծրագրավորողներ, ՏՏ ծրագրերի ղեկավարներ և այլն) թիվը հասել է 10250-ի: Ընդհանուր առմամբ, ոլորտում ներգրավված աշխատողների, այդ թվում՝ օժանդակ անձնակազմի անդամների թիվը հասնում է մոտ 15000-ի:
Եկամուտներ 2015 թվականին «Ծրագրային ապահովում և ծառայություններ» սեգմենտը և «Ինտերնետ ծառայությունների պրովայդեր» սեգմենտն ընդգրկող ոլորտի ընդհանուր եկամուտը հասել է $559.1մլն-ի ($474.9մլն՝ 2014 թվականին): Տարեկան աճը կազմել է 17.7%: Ընդ որում, ինչպես երևում է հիմնադրամի ներկայացված տվյալներից, հիմնական աճն ապահովվել է ծրագրային ապահովման սեգմենտի աճի հաշվին: Նրա ծավալը կազմել է 425.6 մլն՝ 349.4 մլն դիմաց (աճ՝ 21.8%): Աճում է եկամուտների բաժնում տեղական ընկերությունների մասնաբաժինը՝ 50% 2014թ.-ին արձանագրված 45%-ի համեմատ: ՏՏ ընկերությունների գրեթե կեսի տարեկան եկամուտը կազմում է $100.000-ից մինչև $1.000.000: Ինտերնետ-ծառայությունների ծավալը կազմել է $133.5 մլն` 2014-ին $125.7 մլն դիմաց (աճ՝ 6.2%):
ՏՀՏ ոլորտում ներգրավված մասնագետներն աշխատում են տարեկան միջինը $39.664 արտադրողականությամբ: Ընդ որում, օրինակ, տեխնիկական աշխատուժի արտադրողականությունն օտարերկրյա բաժնեմասնակցությամբ ընկերություններում աճել է 5%-ով՝ համեմատած 2014թ.-ի հետ, հասնելով մեկ աշխատողի հաշվով $48.067, իսկ տեղական ընկերություններում աշխատողների արտադրողականության հարցում առանձնապես խոշոր տեղաշարժեր չեն արձանագրվել, և այն կազմում է $31.260, ինչպես և նախորդ տարի:
2015 թվականին ոլորտի արտահանման ծավալները զգալիորեն աճել են՝ հասնելով $214.4 մլն-ի: Համեմատության համար, ըստ Ազգային վիճակագրական ծառայության տվյալների, Հայաստանից արտահանվել է 462.5 մլն հանքահումքային արտադրանք, 307 մլն-ի պատրաստի սնունդ և խմիչք, մոտ 230 մլն-ի ոչ թանկարժեք մետաղներ ու դրանցից իրեր, 206 մլն-ի թանկարժեք մետաղներ ու դրանցից արտադրանք: Այսպիսով, ՏՏ-ն արտահանման ծավալներով երկրի չորրորդ ոլորտն է: Արտահանման 76%-ը բաժին է ընկնում արտասահմանյա ընկերություններին, հիմնական ծավալը` համարյա 80%-ը, ուղղվում է ԱՄՆ և Կանադա, 10.8%-ը` Եվրոպա: Երրորդ տեղում Ռուսաստանը ու ԱՊՀ երկրներն են, որտեղ ուղղվում է արտահանման 8.4%-ը: Այլ երկրների շարքում հայկական ծառայությունների նկատմամբ ամենամեծ պահանջարկը ներկայացնում է ԱՄԷ-ն, որը հիմնականում արտապատվիրում է հարմարեցված հաշվապահական, բանկային և ֆինանսական ծրագրեր: Ներքին շուկայի ծավալն, իր հերթին, հասել է $344.7 մլն-ի:
Տեսլականը 2018 թվականին ծրագրավորվում է հասցնել ՏՏ ոլորտի ընկերությունների քանակը 1000-ի, ոլորտում աշխատող մարդկանց քանակը՝ 20.000-ի: Արտադրողականությունը մեկ աշխատողի հաշվով պիտի աճի մինչև տարեկան $50.000, իսկ ոլորտի արտահանումը՝ $700 մլն-ի:
Կարդացեք նաև. ՏՏ-ն ընդդեմ սուպերմարկետների. Ով է ավելի շռայլ հարկեր մուծում Ամենաընթերցվողը բաժնում Ջեյմս Ուեբի աստղադիտարանը Տիեզերքի խորքային ուսումնասիրության ընթացքում խիստ անսովոր օբյեկտներ է գտնում Instigate Mobile-ը հանդես է գալիս նոր` zealous բրենդով Մեծ ադրոնային կոլայդերում սկսել են ռեկորդային էներգիայով մասնիկների բախումները Որոնք էին Summer Game Fest 2022-ի գլխավոր անոնսները Բաժնի այլ նյութերը Revolut-ը՝ ՀՀ-ում Արագ և անվճար դրամական փոխանցումներ՝ առանց «թաքնված» վճարների Վերջին սլոուփոքը Internet Explorer-ի «մահն» ու դրա հետևանքները Սոֆթը շատ, երկաթը՝ քիչ WWDC 2022-ին Apple-ի գլխավոր նորույթները | Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները Երևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհը ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր |