Մարիոյի երկար ճամփորդությունըNintendo-ի պրոդուկտների հնգյակը, որոնք փոխեցին խաղերի ինդուստրիան Հոկտեմբերի 20-ին խաղերի արտադրությամբ զբաղվող ճապոնական Nintendo ընկերությունն ազդարարեց խաղային նոր Switch սարքի թողարկումը: Սարքը լիարժեք կոնսոլի և բջջային խաղային հարթակի յուրօրինակ հիբրիդ է, որն, ըստ մշակողների, լիովին համապատասխանում է ժամանակակից աշխարհի պահանջներին, երբ նույնիսկ խաղային զվարճանքներն ունիվերսալ մոտեցում և սեփական սենյակի սահմաններից դուրս գալու հնարավորություն են պահանջում: Ինչպես հաճախ լինում է, պրեմիերայից հետո գեյմերները բաժանվեցին 2 ճամբարի: Մի մասը Switch-ը համարում է մեծ առաջընթաց, մյուսները Nintendo-ի որոշումը համարում են անհամատեղելին համատեղելու ոչ պրակտիկ փորձ: Ինչևէ, ճապոնական ընկերությունը միշտ առաջին հերթին ներկայացել է որպես նորարար: Եվ դա զուր չէ. գոյության տարիների ընթացքում «մեծ N»-ն բազմիցս է փոխել խաղային զվարճանքների պատկերը: 24 հոկտեմբերի 2016 PanARMENIAN.Net - Կարևոր չէ, կազդի արդյոք Switch-ը շուկայի վրա, թե ոչ` կարևոր է ինչ-որ բան փոխելու միտումը. PanARMENIAN.Net ը ներկայացնում է Nintendo ընկերության 5 պրոդուկտ, որոնք ժամանակին հեղափոխություն գործեցին խաղային ինդուստրիայում: Game & Watch Այն սերնդի ներկայացուցիչներից շատերը, որոնց մանկությունն ու պատանեկությունն անցել է ԽՍՀՄ դարաշրջանում, հիշում են «Էլեկտրոնիկա» սարքերը սև-սպիտակ «Դե, սպասիր» խաղով: Այդ սարքը 1980-ին ստեղծված և ամբողջ աշխարհում հսկայական տարածում ստացած Game & Watch սարքի մոտավոր տարբերակն էր, որը Nintendo-ն արտադրել է մինչև 1991 թ.:
Սարքի հեղինակն է ընկերության աշխատակից Գումփեյ Յոկոին, որը, գնացքով ճամփորդելիս, նկատել է ձանձրացող մի գործարարի, որը փորձում էր ինքն իրեն զբաղեցնել`սեղմելով հաշվիչի կոճակները: Նրա մոտ գաղափար առաջացավ փոքր խաղարկային սարք ստեղծել, որը հնարավոր կլինի նաև որպես ժամացույց օգտագործել և ժամանակ անցկացնել: Սարքի հաջողությունը ստիպեց այլ ընկերություններին ևս գնալ Nintendo-ի ճանապարհով` սեփական խաղերն առաջարկելով, դրանց թվում էր նաև խորհրդային «Էլեկտրոնիկան»: Nintendo Entertainment System Սակայն խաղերի արտադրության մեջ իսկական հեղափոխություն գործեց ընկերության առաջին տնային կցորդ սարքը` 8-բիտանոց Nintendo Entertainment System-ը, որը հայտնվեց 1993-ին: Մինչ այդ Nintendo-ն մասնագիտանում էր առևտրի կենտրոնների և խաղասրահների համար նախատեսված արկադային ավտոմատների մշակման ոլորտում, սակայն «տեսախաղերը` յուրաքանչյուրի տանը» նոր քաղաքականությունը «ոսկու հանք» դարձավ: Կցորդ սարքը ստացավ Famicom (Family Computer) անվանումը` գրավելով շուկայի 90 տոկոսը, իսկ ԱՄՆ-ում վաճառվում էր Nintendo Entertainment System բրենդով:
Ինչպես Game & Watch-ի դեպքում էր, մյուս արտադրողները ևս որոշեցին վաստակել հարթակի մեծ պահանջարկի վրա և սկսեցին սեփական կլոնները ստեղծել: Հատկապես աչքի ընկան չինացիները, որոնց շնորհիվ 90-ականներին հետխորհրդային տարածքում հայտնվեցին առաջին Dandy սարքերը: Գրեթե մենաշնորհային տեղ ունենալով տեսախաղերի շուկայումч Nintendo-ն նույնիսկ ավելի մեծ ազդեցություն ուներ արտադրության վրա, քան Atari-ին իր ամենածաղկուն շրջանում` 1980-ականների սկզբին: Super Mario Bros. Այս խաղի անվանումն ինքնին խոսուն է. այն թողարկվել է 1985-ին հատուկ Famicom սարքի համար և անմիջապես պայթած ռումբի էֆեկտ է ունեցել: Խաղը մշակվել էր Mario Bros հարթակի երբեմնի համբավը վերականգնելու նպատակով, սակայն, այնքան տպավորիչ ստացվեց, որ մինչ օրս փականագործ Մարիոն ճապոնական ընկերության գլխավոր խորհրդանիշն է:
Super Mario Bros.-ն ընդգրկվել է «Գինեսի ռեկորդների գրքում» որպես ամենավաճառվող խաղը պատմության մեջ, իսկ 2005-ին ճանաչվել է «բոլոր ժամանակների լավագույն խաղը» IGN կայքի կողմից: Nintendo Wii Շարունակելով նորարարի ուղին` Nintendo-ն 2006-ին ներկայացրեց 7-րդ սերնդի նոր խաղային կոնսոլը, որը 5-րդն էր իր համար և ուներ ավելի լայն գործառնություն: Նոր կոնոսլի գլխավոր տարբերանշանը եզակի անլար խաղային վահանակներն էին, որոնք արձագանքում էին խաղացողի շարժումներին:
Wii Remote վահանակը կարողանում էր որոշել իր տեղափոխումն ու կողմնորոշումը եռաչափ տարածության մեջ, ուներ ներկառուցված դինամիկ և վիբրոմեխանիզմ, ինչը լրացուցիչ հետադարձ կապ էր ապահովում: Դրա շնորհիվ խաղացողը կարող էր ազդել խաղի ընթացքի վրա ոչ միայն կոճակները սեղմելով, այլ նաև ակտիվ շարժումներով, ինչն ավելի իրական էր դարձնում ընկղմումը խաղի մեջ: Վահանակի շարժման դետեկտորը թույլ էր տալիս խաղացողներին կառավարել էկրանին խաղի կերպարներին ու առարկաները ձեռքի շարժումով կամ «մատնանշելով» էկրանին արտացոլվող օբյեկտները: Pokemon Go 2016-ի ամռանը Nintendo-ն հերթական անգամ ապացուցեց, որ ժամանակի հետ համընթաց է քայլում: Այս անգամ շեշտը դրվեց համալրված իրականության տեխնոլոգիայի վրա, որը թույլ է տալիս իրական ժամանակում վիրտուալ օբյեկտները «փակցնել» խաղացողի շրջապատի պատկերների վրա: Խաղի ժամանակ մասնակիցը GPS-ով բջջային սարքեր է օգտագործում` հնարավորություն ունենալով գտնել, հափշտակել էկրանի վրա հայտնվող վիրտուալ պոկեմոններին, կռվել նրանց հետ ու վարժեցնել` այնպես, կարծես դրանք գտնվում են նույն իրական վայրում, որտեղ գտնվում է խաղացողը:
Խաղի թողարկումից ընդամենը մեկ շաբաթ անց այն մեծ տարածում ստացավ, արագ գլոբալ երևույթ դարձավ և եղավ ամենահաճախ կիրառվող բջջային հավելվածներից մեկը: Հուլիսի 22-ի դրությամբ Nintendo-ն 17,6 մլրդ դոլար է վաստակել շուկայական կապիտալիզացիայի առումով խաղի գործարկման պահից: Արման Գասպարյան/ PanARMENIAN.Net Ամենաընթերցվողը բաժնում Ջեյմս Ուեբի աստղադիտարանը Տիեզերքի խորքային ուսումնասիրության ընթացքում խիստ անսովոր օբյեկտներ է գտնում Instigate Mobile-ը հանդես է գալիս նոր` zealous բրենդով Մեծ ադրոնային կոլայդերում սկսել են ռեկորդային էներգիայով մասնիկների բախումները Որոնք էին Summer Game Fest 2022-ի գլխավոր անոնսները Բաժնի այլ նյութերը Revolut-ը՝ ՀՀ-ում Արագ և անվճար դրամական փոխանցումներ՝ առանց «թաքնված» վճարների Վերջին սլոուփոքը Internet Explorer-ի «մահն» ու դրա հետևանքները Սոֆթը շատ, երկաթը՝ քիչ WWDC 2022-ին Apple-ի գլխավոր նորույթները | Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները Երևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհը ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր |