Պուլիցերյան լուսանկարներՔրքումե հեղափոխություն Պուլիցերյան մրցանակն ամենահեղինակավորն է համարվում ԱՄՆ լրագրության ոլորտում, այն շնորհվում է պատմությունը եզակի ձևով ներկայացնելու և մարդկային զգացմունքները լրատվության մեջ արտացոլելու համար: PanARMENIAN.Net-ը պատմում է լուսանկարների մասին, որոնք չեն ստում: 25 մարտի 2017 PanARMENIAN.Net - 2007-ին Բիրմայում (այժմ Մյանմա) Քրքումե հեղափոխություն սկսվեց այն բանից հետո, երբ օգոստոսի 15-ին կառավարությունը չեղյալ համարեց վառելիքի սուբսիդավորումը: Այդ որոշման հետևանքով բենզինի և դիզվառելիքի գներն աճեցին 66%-ով, իսկ բնական գազինը՝ 500%-ով: Զգալիորեն աճեցին նաև սննդամթերքի գներն ու ուղևորավարձը: Բողոքների մեկնարկից ի վեր քաղաքի փողոցներով 15.000 վանական անցավ՝ պահանջելով ռազմականացված կառավարության հրաժարականը: 2007-ի սեպտեմբերի 26-ին բանակը սկսեց դաժանորեն ճնշել բողոքները՝ հարձակումներ եղան տաճարների վրա, վանականներ ձերբակալվեցին:
©Ադրիս Լատիֆ 2008-ին Ադրիս Լատիֆը Reuters-ից Պուլիցերյան մրցանակի արժանացավ մահացու վիրավորում ստացած ճապոնացի օպերատոր Կենձի Նագայայի լուսանկարի համար, որին գնդակահարել էին իր պարտականությունները կատարելիս: Կենձին լուսաբանում էր բողոքի ցույցերը Յանգոնում՝ Մյանմայի մայրաքաղաքում, երբ հայտնվեցին կառավարական զորքերն ու կրակ բացեցին մարդկանց ուղղությամբ: Նույնիսկ վիրավորվելով, Կենձին շարունակում էր նկարահանել: Հաջորդ լուսանկարում նա արդեն մահացած է ՝ տեսախցիկը ձեռքին: Ավելի ուշ տեսախցիկով նկարահանված նյութից երևում է, որ զինվորը հրել է Կենձիին, նրան գետնին տապալելով, որից հետո կրակել է օպերատորի վրա մոտիկ տարածությունից: Սկզբում ենթադրվում էր, որ նրան պատահական փամփուշտ է դիպել:
© Ադրիս Լատիֆ Բողոքը գլխավորեցին ուսանողներն ու ընդդիմությունը, այդ թվում կանայք: Անցկացվում էին խաղաղ դիմադրության արշավներ: Սկզբից ռեժիմը շատ արագ արձագանքեց՝ տասնյակ մարդիկ ձերբակալվեցին ու կալանավորվեցին: Սեպտեմբերի 18-ից բողոքներին միացան հազարավոր բուդդայական վանականներ: Կառավարական ուժերը նրանց ևս դաժանաբար ցրեցին սեպտեմբերի 26-ին: Արդյունքում բողոքները ճնշվեցին, սակայն հանգեցրին մի շարք բարեփոխումների և նոր կառավարության ձևավորման: Բողոքի ցույցերը քրքումե հեղափոխություն կոչվեցին շարժումը գլխավորած բուդդայական վանականների հանդերձանքի գույնի շնորհիվ: Հասմիկ Վանցյան / PanARMENIAN.Net Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Գագոսյանի ճանապարհը՝ հոլիվուդյան ֆիլմի մոտիվներով Բաժնի այլ նյութերը Ռոբոտներ Դալին ու Մալին, դասական արվեստն ու ամսագիրը թերթելու հաճույքը Dalma Garden Mall-ի ծրագրերն ու շոփինգի մշակույթը Դեգան, Սարյանն ու Ուրարտուն Մշակութային յուրացում՝ մեծերի թեթև ձեռքով Սկանդալն Օսկարի երկրորդ անունն է Կինոաշխարհի ամենաքննարկվող մրցանակաբաշխության դեպքերն ու դեմքերը | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |