Հետընտրական հանրահաշիվ

Հետընտրական հանրահաշիվ

Ինչպես են տրոհվել ընդդիմության ձայները

Վերջին 2 խորհրդարանական ընտրություններին գրանցվել է ընտրողների գրեթե նույն մասնակցությունը՝ 1.574 մլն 2017-ին և 1.559 մլն՝ 2012-ին: Սակայն դրանց մասնակցած ուժերն էականորեն տարբեր արդյունքներ են գրանցել:

PanARMENIAN.Net - ՀՀԿ-ն հավաքել էր 664 հազար ձայն՝ 2012-ին, 769 հազար ձայն՝ 2017-ին (+105 հազար ձայն): ԲՀԿ-ն կամ «Ծառուկյան» դաշինքը 2012-ին 455 հազար ձայն էր հավաքել, 2017-ին՝ 428 հազար (- 27000 ընտրող):

Նախորդ ընտրություններին 85.5 հազար ձայն հավաքած ՀՅԴ-ն 2017-ին 103 հազար ձայն հավաքեց (+17500 քվե): ՕԵԿ-ը՝ նույն ինքը ՀՎԿ-ն, 83 հազար ձայնի դիմաց 2017-ին 58 հազար ձայն հավաքեց (-25000 քվե):

«Ժառանգությունն» ու ՀԱԿ դաշինքը 2012-ին միասին հավաքել էին համապատասխանաբար 87000 ու 107000 ձայն (միասին՝ 194 հազար քվե): 2017-ին այդ ուժերի փոխարեն մասնակցել է իրենց փշուրների վրա առաջացած մի քանի միավորում՝ «Կոնգրես-ՀԺԿ»-ն, ԵԼՔ-ը, «Ազատ Դեմոկրատները» և, շատ ավելի նվազ չափով, ՕՐՕ դաշինքը (վերջինս կառուցված էր ոչ թե Րաֆֆի Հովհաննիսյանի, այլ նախկին պաշտպանության նախարար Սեյրան Օհանյանի առանցքի շուրջ): Առաջին երեք ուժերը 2017-ին միասին հավաքեցին 162 հազար ձայն կամ 2012-ից 32000 քվե պակաս: Հենց այդքան էլ հավաքել է նախկին ԲՀԿ-ականների, ժառանգականների ու Սեյրան Օհանյանի դաշինքը:

Կոմկուսի քվեները պակասել են 4000-ով, կազմելով 12 հազար ձայն:

Փաստացի ընտրություններին մասնակցած բոլոր ոչիշխանական ուժերն արձանագրել են հավաքած քվեների քանակի նվազում: ՀՀԿ-ն ու ՀՅԴ-ի հավաքած քվեների քանակն 2012-ի համեմատ, ընդհակառակն, աճել է համապատասխանաբար 15.8%-ով ու 20.5%-ով:

Որպես արդյունք ՀՀԿ-ն 2017-ին ունի ձայների 49.15%-ն 2012-ի 44.11% դիմաց, ՀՅԴ-ն՝ 6.58%-ը 5.68%-ի դիմաց: ԱԺ-ում չեն հայտնվում ՀՎԿ-ն, «Կոնգրես-ՀԺԿ»-ն «Ազատ Դեմոկրատները», ՕՐՕ-ն և, ինչպես նախորդ անգամ, կոմունիստները:

 Ամենաընթերցվողը բաժնում
Դեպի արդիականացված արտաքին քաղաքականություն
ՀՀԿ-ն «աղքատացել է», ՔՊ-ն՝ «հարստացել»
Հայաստանի բազմաթիվ կառույցներ մնացել են առանց ղեկավարի
 Ուշադրության կենտրոնում
Էդվարդ Նալբանդյանը՝  Ապրիլյան հանձնաժողովի հաջորդ հյուր

Էդվարդ Նալբանդյանը՝ Ապրիլյան հանձնաժողովի հաջորդ հյուր Նալբանդյանն ավելի վաղ համաձայնել էր տեսակապով զրուցելուն

 Բաժնի այլ նյութերը
Իշխանությունից դուրս Ով ինչպիսի աղմուկով հեռացավ և ինչու
2018-ի անսպասելի լուրերը Դրանք 1 տարի կոմայում եղած հային արթնանալուց հետո նորից կոմայի մեջ կգցեին
«Ես քու կլասիկ ցավը տանեմ, չպայթեցնես» Ինչպես էր համացանցը կատակում մեծ բանավեճի ընթացքում