// IP Marketing video - START// IP Marketing video - END
Հաստիքների կրճատում ու հավաքված գումարների աճ

Հաստիքների կրճատում ու հավաքված գումարների աճ

Ինչպես է փոխվում ՊԵԿ քաղաքականությունը

Պետական եկամուտների կոմիտեում վերջին կես տարում պարբերաբար փոփոխություններ են լինում: PanARMENAIN.Net-ն ի մի է բերել կառույցում ընթացող գործընթացները. կրճատումներից ու հավաքված գումարների աճից մինչև հարկային համաներում ու ինքնազբաղվածների ազատում հարկումից: Ի՞նչ է եղել ՊԵԿ-ում վերջին շրջանում:

PanARMENIAN.Net - ՊԵԿ-ի ՕԳԳ-ն նախկինում

2016-ի նոյեմբերին PAN-ը համեմատել էր Վրաստանում ու Հայաստանում հարկային ու մաքսային աշխատողների քանակն ու տնտեսվարողների թիվը: Արդյունքում պարզվել էր, որ 5 անգամ շատ տնտեսվարող ունեցող Վրաստանում 30%-ով պակաս հարկային տեսուչ կա. 1 վրացի տեսուչը 1 հայից 4 անգամ շատ ընկերություն է սպասարկում:

Կրճատումներ

Պետեկամուտների կոմիտեն նախատեսում է կատարել կառուցվածքային փոփոխություններ, որոնց հետևանքով կկրճատվի 483 հաստիք: Կվերանա մի քանի մաքսատուն, տարածքային տեսչություններ ու բաժիններ, փոխարենն, օրինակ, առևտրային կազմակերպությունների հսկողության բաժին է ստեղծվեու:

Ինքնազբաղվածների ազատում հարկումից

2017 թվականի հունվարի 1-ից գործունեության 23 տեսակով ինքնազբաղված մոտ 1570 անձ ազատվում են հարկումից: Նրանք ներգրավված են հագուստի նորոգման, փայտյա իրերի պատրաստման, լեզուների ուսուցման ու մի շարք այլ ոլորտներում:

Հարկային համաներում

Մինչև 2012-ի դեկտեմբերի 31-ը եկամտահարկի և սոցվճարների նվազագույն գումարների վճարման պարտավորություններ ունեցող 4300 ԱՁ կազատվի այդ գումարների վճարումից ու տույժերից: Նրանք կխնայեն մոտ 800 մլն դրամ: Սոցվճարներն ուշացրած ֆիզանձինք, նոտարներն ու ինքնազբաղված անձինք, 2 կամ ավելի գույք օտարած եւ ԱԱՀ գծով պարտավորություն ունեցող ֆիզանձինք ևս ազատվում են տույժ-տուգանքներից: Դա կվերաբերվի մոտ 15.000 անձանց:

Հավաքագրումների աճ

2017-ի առաջին եռամսյակում նախորդ տարվա նույն ժամանակահատվածի համեմատ ՊԵԿ-ի հարկային հավաքագրումները աճել են 24.3 մլրդ դրամով: 2016 թվականի հոկտեմբերից 2017 ապրիլ ամիսներին ՊԵԿ-ը ապահովել է 653,8 մլրդ դրամ հարկային եկամուտներ:

Խոշորներն $29 մլն ավելի շատ են մուծել

Խոշոր հարկ վճարողներն առաջին եռամսյակում ավելացրել են մուտքերը 13.9 մլրդ դրամով (մոտ $29 մլն) կամ մոտ 14%-ով: Միաժամանակ վերջիններիս կողմից դուրս գրված հաշիվ-ապրանքագրերի թիվն աճել է մոտ 18%-ով՝ մինչև 1.420 մլն հատ: ՊԵԿ նախագահ Վարդան Հարությունյանի խոսքերով, խոշոր վարկ վճարողների մոտ ստվերը 48.8 տոկոսից նվազել է և դարձել 33.2 տոկոս:

Բարեխիղճ տնտեսվարողների համար կյանքը հեշտացնում են

2017-ի հունվարին Արտաքին տնտեսական գործունեության բարեխիղճ և պարտաճանաչ մասնակիցներն մաքսային մարմնի գործընկերոջ կարգավիճակ են տվել, ինչը նրանց մաքսային ձևակերպումների և հսկողության գործընթացներում տարատեսակ պարզեցումներից օգտվելու հնարավորություն է տալիս:

Ադրբեջանական խնձորների սկանդալը

2017-ի ապրիլին մի շարք խանութներում ու շուկաներում ադրբեջանական ծագման խնձորի խմբաքանակներ հայտնաբերվեցին:

Պարզվեց, որ ՊԵԿ նախաբացթողումային հսկողության վարչության աշխատակիցները որոշ անհատ ձեռնարկատերերի օգտին ապօրինի գործողություններ կատարելու համար խմբի կազմում` նախնական համաձայնությամբ նրանցից կաշառք են ստացել, որի հետևանքով առանց մաքսային ձևակերպումների և անհրաժեշտ լաբորատոր հետազոտությունների Բագրատաշենի մաքսակետով ներկրվել է օրենքով սահմանված թույլատրելի չափաքանակը գերազանցող (50 կգ) տարբեր տեսակի միրգ-բանջարեղեն:

Քրգործեր ու ձերբակալություններ

2016-ի հոկտեմբերից 2017-ի ապրիլն ընկած ժամանակահատվածում հարկային հանցագորեծությունների ու մաքսանենգության վերաբերյալ 271 քրգործ է հարցուվում՝ 103-ը մաքսային, 168-ը հարկային հանցագործությունների դրվագներով:

Մասնավորապես, ադրբեջանական խնձորի ներմուծման գործով ձերբակալվում են ՊԵԿ նախաբացթողումային հսկողության վարչության Բագրատաշենի բաժանմունքի մաքսային տեսուչը և նույն բաժանմունքի հերթափոխի պետը:

 Ամենաընթերցվողը բաժնում
Պաշտոնական թվերի և իրականության հակասությունը
ՀՀ-ի սոցիալ-տնտեսական կյանքն ապրիլին ու մայիսին
Ինչ հասցրեց ուղղել ու որտեղ «սայթաքեց» Փաշինյանի գործադիրը
Մյուսներից գանձվող հարկերը կտրուկ նվազել են
 Ուշադրության կենտրոնում
«Արմենալի» արտադրանքի արտահանումն ԱՄՆ խոչընդոտող օրենքն առայժմ չի երկարացվել

«Արմենալի» արտադրանքի արտահանումն ԱՄՆ խոչընդոտող օրենքն առայժմ չի երկարացվել «Ռուսալի» արժեթղթերը Հոնկոնգի բորսայում աճում են 5,71%-ով՝ ներդրողները կարծում են, որ ԱՄՆ-ն այնուամենայնիվ դուրս կբերի ընկերությունները պատժամիջոցների տակից

 Բաժնի այլ նյութերը
Ինչպես է ֆուտբոլն օգնել Փաշինյանին Աշխարհի առաջնությունն ու ՀՀ տնտեսությունը
«Երազ իմ երկիր Հոնդուրաս» Որ երկրներին են հավասար ՀՀ մարզերի ՀՆԱ ցուցանիշները
Գները հիմա և 10 տարի առաջ Որքան է թանկացել կյանքը ՀՀ-ում