Զգուշացեք ավտոտեսուչից

Զգուշացեք ավտոտեսուչից

Լատինատառ գրառումը՝ ՌԴ-ում հայ վարորդներին գործից զրկելու պատճառ

Հունիսի 1-ից Ռուսաստանում որպես վարորդ աշխատող ներգաղթյալները, որոնք չունեն ՌԴ վարորդական իրավունք, չեն կարողանա շարունակել աշխատանքը: Տրանսպորտային միջոցներ վարելու թույլտվության մասին օրենքի ուղղումներն ընդունվել են 2013-ին, սակայն մինչև 2017-ի հունիսի 1-ն ուժի մեջ չէին մտել: PanARMENIAN.Net-ը ներկայացնում է, թե ինչ բարդություններ է ստեղծել նոր օրենքը ՌԴ-ում աշխատող ՀՀ քաղաքացիների համար:

PanARMENIAN.Net - ՌԴ բոլոր վարորդները պետք է ՌԴ վարորդական վկայական ունենան

Նոր օրենքը պարտավորեցնում է բոլոր օտարերկրացիներին, որոնք վարորդ են աշխատում, ունենալ ՌԴ ազգային վարորդական վկայականներ: Այդպիսի փաստաթղթի բացակայության դեպքում սահմանվել է 50.000 ռուբլի տուգանք (400.000 դրամ):Այդ դեպքում իրավախախտ է համարվում ոչ թե ինքը վարորդը, այլ նրա գործատուն, որն էլ պարտավոր է վերահսկել այդ արգելքը:

Օտարերկրացիները ստիպված չեն լինի նորից սովորել՝ ուղղակի պետք է 1 տեսական և 2 գործնական քննություն հանձնել:

Ժամանակավորապես առանց աշխատանքի կարող է մնալ մոտ 10.000 մարդ:

ՀՀ քաղաքացիները կարո՞ղ են ՀՀ վարորդական վկայականով վարել

ՀՀ ճանապարհային ոստիկանությունը մայիսի 12-ին հայտարարել էր, որ Հայաստանի Հանրապետության քաղաքացիները կարող են առանց խոչընդոտների Ռուսաստանի Դաշնության տարածքում վարել տրանսպորտային միջոցներ ինչպես ՀՀ ազգային, այնպես էլ միջազգային (ազգայինի հետ միասին) վարորդական վկայականներով:

Ոստիկանության փաստարկն այն էր, որ 1968 թվականի նոյեմբերի 8-ին Վիեննայում ստորագրված «Ճանապարհային երթևեկության մասին» կոնվենցիայով և դրա հետագա փոփոխություններով ու լրացումներով վարորդական վկայականներին ներկայացվող պահանջներին համապատասխանող ՀՀ ազգային և միջազգային վարորդական վկայականները վավեր են կոնվենցիայի անդամ (այդ թվում՝ Եվրասիական տնտեսական միության անդամ երկրներում, մասնավորապես՝ ՌԴ-ում) բոլոր երկրներում:

Թե՞, այնուամենայնիվ, չեն կարող

Սակայն հունիսի 1-ից Ռուսաստանում ուժի մեջ մտած Տրանսպորտային միջոցներ վարելու նոր օրենքի հետևանքով ՌԴ-ում աշխատող հայաստանցի վարորդների մեծ մասը կորցրել է աշխատանքը, հաղորդում է «Ազատություն» ռադիոկայանը: Պատճառն, ըստ աղբյուրի, այն է, որ վարորդական իրավունքներում լատինատառ գրառման բացակայության հետևանքով հայ վարորդները չեն կարող նման քննություն հանձնել ու ռուսաստանյան վարորդական իրավունք ձեռք բերել: Հայկական վարորդական իրավունքի վկայականում անձի հայրանվան դաշտում գրառումը միայն հայերեն է, որոշ դեպքերում նաև ռուսերեն թարգմանությամբ:

Օրենքը հակասում է ԵՏՄ աշխատուժի ազատ տեղաշարժի սկզբունքին

Հունիսի 26-ին ԵԼՔ խմբակցության պատգամավոր, «Լուսավոր Հայաստան» կուսակցության նախագահ Էդմոն Մարուքյանը դիմել է Եվրասիական տնտեսական հանձնաժողովի կոլեգիայի նախագահ, ՀՀ նախկին վարչապետ Տիգրան Սարգսյանին։ Բարձրացվել են Ռուսաստանում Հայաստանի քաղաքացիների իրավունքների ոտնահարման և ԵՏՄ համաձայնագրի խախտման վերաբերյալ մի շարք հարցեր.

Մասնավորապես, Մարուքյանը նշել է, որ հունիսի 1-ից ՌԴ-ում գործող օտարերկրյա /այդ թվում՝ ՀՀ/ վարորդական իրավունքներով ձեռնարկատիրական և աշխատանքային գործունեության իրականացման արգելքը հակասում է ԵՏՄ աշխատուժի ազատ տեղաշարժի սկզբունքին:

 Ամենաընթերցվողը բաժնում
Ինչպես էին հայերն ամերիկացիներին համոզում Թուրքիայում ներդրում անել
5 գիրք՝ Ալեքսիս Օհանյանի գրադարանից
Ինչպես հայ գուրուն հասավ «ամերիկաներն» ու բոլորին խառնեց
Բեյրութահայ ընտանիքը՝ ՀՀ գալու հույսով
 Ուշադրության կենտրոնում
Լիբանանի հայկական եկեղեցիներում հոգեհանգստի կարգ կմատուցվի

Լիբանանի հայկական եկեղեցիներում հոգեհանգստի կարգ կմատուցվի Այդ մասին հայտարարել է Լիբանանի ազգային առաջնորդարանը

 Բաժնի այլ նյութերը
Հայ մուրացկանի կես միլիոնն ու քրոջ և պատգամավորի կռիվը Մերի Գուզելյանի կյանքն ու մահը Բոստոնում
Ինչպես ավարտվեց Բանգլադեշի հայ համայնքի պատմությունը Դաքայում հայկական եկեղեցի ու գերեզմանոց կա, բայց հայ չկա
Գրեթե ամեն ինչ արդեն աշխատում է Պանդեմիան հաղթահարելու չինական մեթոդը՝ հայ երիտասարդի աչքերով