Ընդլայնելով սահմանները (վիդեո)Երևանում կկայանա Իվան Դորնի համերգը՝ նոր ձևաչափով Դեկտեմբերի 6-ին Երևանում կկայանա ուկրաինացի երգիչ, դիջեյ և հեռուստահաղորդավար Իվան Դորնի համերգը: Երաժիշտն արդեն երկրորդ անգամ կլինի Հայաստանում, բայց այս համերգն էապես տարբերվելու է նախորդ՝ 2017-ի համերգից: 2 դեկտեմբերի 2019 PanARMENIAN.Net - PanARMENIAN.Net –ը պատմում է՝ ինչով է տարբերվում, և ինչու անպայման պետք է բաց չթողնել Դորնի երևանյան այս համերգը: Նախ՝ այս անգամ համերգը կազմակերպում է Rambalkoshe-ի թիմը, որն առավելապես հայտնի է էլեկտրոնային երաժշտության սիրահարների շրջանում: Rambalkoshe-ի կազմակերպած միջոցառումներին երբևէ ներկա գտնվածները գիտեն, որ դրանք միշտ բարձր մակարդակի, տարբերվելու, անհամատեղելին համադրելու և ներդաշնակությունը գտնելու մասին են: Դեկտեմբերի 6-ի համերգը ևս բացառություն չէ: Դա պարզապես Դորնի համերգը չէ, Rambal-ը կրկին փորձում է լայնացնել սահմանները և մատուցել սովորական դարձածը յուրահատուկ ոճի մեջ. Դորնից բացի ելույթ կունենան հայ հայտնի երգչուհի Իվետա Մուկուչյանը և Rambalkoshe ընտանիքի անդամ, բեմն ու «պուլտը» նոր գրաված, բայց արդեն շատերի կողմից սիրված Mims-ը, նույն ինքը՝ Mimi-ն: Համերգը կբացի Իվետա Մուկուչյանը՝ հանդես գալով 20-30 րոպեանոց պարային սեթով և ստեղծելով բացման տրամադրությունը: Երգչուհին այդ օրը կներկայանա հանդիսատեսին մի նոր՝ տարբերվող ոճի մեջ: Իսկ նրանից հետո ելույթ կունենա ուկրաինացի արտիստը:
Դորնը հանդես կգա Երևանի համար հատուկ մշակած ծրագրով, որը կներառի արտիստի թե՛ որոշ սիրված կատարումներ, թե՛ նոր գործեր՝ մատուցվելով էքսպերիմենտալ սոուսի տակ: Հայ հանդիսատեսը կլսի նոր Դորն, ով երկար ճանապարհ է անցել, հասունացել որպես երաժիշտ, փորձել մի շարք ոճեր և արդեն հստակ գիտի՝ որ ուղղությամբ է ուզում շարժվել: Հոկտեմբերի վերջում լույս տեսավ Դորնի վերջին մինի-ալբոմը՝ «Երեք լավ երգ»-ը, որում տեղ է գտել ընդամենը 3 երգ, և երգիչը չի ստում՝ դրանք իսկապես լավն են: Բացի այդ, Դորնի այս երևանյան համերգն արժե բաց չթողնել ևս մեկ կարևոր պատճառով. երգիչը 2020-ին ստեղծագործական դադար է վերցնում և համերգներ չի տալու: Ասում է՝ ուզում է հանգստանալ, բաս կիթառ նվագել սովորել, ֆրանսերենը ուսումնասիրել, ձեռք բերել հմտություններ ապագայում ֆիլմ նկարելու համար: Ո՞վ իմանա՝ ինչպիսին արտիստը կվերադառնա դադարից հետո, ուստի պետք է բաց չթողնել պահը վայելելու ներկա Դորնին: Համերգը կեզրափակի Mims-ը՝ շարունակելով և ճիշտ ուղղորդելով Դորնի ստեղծած տրամադրությունը: Դիջեյը կնվագի հատուկ այդ օրվա համար իր գրած սեթը: Համերգը տեղի կունենա ռեյվերների կողմից արդեն սիրված «Հայֆիլմ» կինոստուդիայում, որը լիցքաթափվելու համար լավագույն հարթակներից է: Rambalkoshe-ն կրկին շեշտ է դրել լույսի վրա. միջոցառման լուսային էֆեկտները ապահովելու են Proun շարժման արտիստները: Այս անգամ գործ ենք ունենալու «խելացի» լույսի հետ, որը «զգալու» է ոչ միայն բիթը, այլև տրամադրությունը, և լավագույնս փոխանցելու է այն համերգի հյուրերին: Միջոցառման բարը կապահովի Martini-ն իր լեգենդար վերմուտով, փրփրուն գինիներով և միայն այդ օրվա համար պատրաստված համեղ կոկտեյլներով:
Կազմակերպիչներն ուզում են ներդաշնակ պատկեր ստանալ, որի բոլոր տարրերը՝ արտիստներ, լույս, ձայն, վայր, հավասարաչափ կարևոր են և ամբողջական պատկեր են կազմում: Այդ ֆորմատի նպատակն այն է, որ արտիստներից մեկի համար եկած հանդիսատեսը չթողնի-գնա նրա ելույթից հետո, այլ վայելի ողջ համերգը և բացահայտի իր համար նորը կամ հնի նոր կողմերը: Համերգի տոմսերը վաճառվելու են երկու տարբերակով՝ մինչև դեկտեմբերի 5-ը՝ 7000 դրամով ROOMZ-ում (Պուշկին 38), HOUL-ում (Խորենացի 28) և Kong Yerevan-ում (Աբովյան3/1), Idram Payment System-ի հավելվածում, կամ միջոցառման օրը՝ մուտքի մոտ, face control-ն անցնելուց հետո՝ 10000 դրամով: Յուլիաննա Լալաբեկովա / PanARMENIAN.Net Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Գագոսյանի ճանապարհը՝ հոլիվուդյան ֆիլմի մոտիվներով Բաժնի այլ նյութերը Ռոբոտներ Դալին ու Մալին, դասական արվեստն ու ամսագիրը թերթելու հաճույքը Dalma Garden Mall-ի ծրագրերն ու շոփինգի մշակույթը Դեգան, Սարյանն ու Ուրարտուն Մշակութային յուրացում՝ մեծերի թեթև ձեռքով Սկանդալն Օսկարի երկրորդ անունն է Կինոաշխարհի ամենաքննարկվող մրցանակաբաշխության դեպքերն ու դեմքերը | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |