Չնայած կապիտալի հասանելիության նվազմանը՝ Հայաստանի մասնավոր հատվածը շարունակում է վարկային միջոցներ ներգրավել իր զարգացման համարԱրտասահմանյան ներդրողներին չեն վախեցնում Հայաստանում 2012-ի մայիսին նախատեսված հերթական խորհրդարանական ընտրությունների, իսկ 2013-ին՝ նախագահական ընտրությունների շրջանակներում անորոշության հետ կապված սպասումները Եվրոպական երկրների վարկանիշների նվազումը և եվրագոտում իրավիճակն ընդհանուր առմամբ ստիպել են ներդրողներին մտածել արևմտյան շուկաներում ներդրումներ կատարելու մասին՝ դրանով հանդերձ ազդելով կապիտալի հասանելիության մակարդակի վրա: Ինչպես կարծում է Եվրասիական զարգացման բանկի (ԵԶԲ) վարչության նախագահի տեղակալ Դմիտրի Ժուրբան, «եվրոպական երկրների վարկանիշների նվազման հետ կապված վերջին պատմությունը դեռ չի մարսվել ներդրողների կողմից, ուստի միջազգային շուկաներում իրավիճակն անկայուն է»: Ավելին, հիմա անհնար է կանխատեսել համաշխարհային տնտեսության հետագա զարգացումը: Միաժամանակ միջազգային կառույցները վերանայում են ինչպես զարգացած երկրների տնտեսությունների հետ կապված կանխատեսումները, այնպես էլ զարգացող: 21 հունվարի 2012 PanARMENIAN.Net - Այսպես, Համաշխարհային բանկը (Global Economic Prospects 2012) նվազեցրել է 2012-ի տնտեսական աճի կանխատեսումը մինչև 5,4 տոկոս զարգացող երկրների համար և մինչև 1,4 տոկոս եկամուտների բարձր մակարդակ ունեցող երկրների համար, իսկ հունիսյան կանխատեսումները կազմել էին համապատասխանաբար 6,2 և 2,7 տոկոս: Համաշխարհային տնտեսության աճի տեմպերը, ներկա կանխատեսման համաձայն, կազմելու են 2,5 տոկոս 2012-ին և 3,1 տոկոս 2013-ին: Մասնավորապես, ՀԲ-ն Հայաստանում կանխատեսում է տնտեսական աճի որոշակի դանդաղեցում առաջիկա 2 տարիներին: Զեկույցի համաձայն, 2011-ի արդյունքներով ՀԲ-ն կանխատեսում է Հայաստանում 4,6 տոկոս տնտեսական աճ, 2012-ին՝ 4,3 տոկոս, 2013-ին՝ 4,2 տոկոս: Այսպիսով, չնայած կապիտալի հասանելիության նվազմանը, Հայաստանի մասնավոր հատվածը շարունակում է վարկային միջոցներ ներգրավել միջազգային կառույցներից իր զարգացման համար, հետևաբար, նաև տնտեսության զարգացման համար: Նախօրեին երկու հայկական բանկեր վարկային պայմանագրեր են կնքել առաջատար միջազգային կառույցների հետ: Միջազգային ֆինանսական կորպորացիան (IFC) և հայկական ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ-ը հունվարի 20-ին 30 մլն դոլար արժողությամբ վարկային պայմանագիր են ստորագրել փոքր և միջին ձեռնարկատիրության ֆինանսավորման համար, ներառյալ գյուղատնտեսության ոլորտը: Իսկ ահա հայկական «Արարատբանկը» և ԵԶԲ-ն ստորագրել են 4 մլն դոլար արժողությամբ համաձայնագիր: Դա նշանակում է, որ միջազգային կառույցների վստահությունը Հայաստանի տնտեսության նկատմամբ չի փոխվել: Ավելին, արտասահմանյան ներդրողներին չեն վախեցնում Հայաստանում 2012-ի մայիսին նախատեսված հերթական խորհրդարանական ընտրությունների, իսկ 2013-ին՝ նախագահական ընտրությունների շրջանակներում անորոշության հետ կապված սպասումները: Վիկտորիա Արարատյան / PanARMENIAN News Ամենաընթերցվողը բաժնում Ինչու է աշխարհն անցնում անկանխիկ շրջանառության Նիդերլանդների գյուղատնտեսական հեղափոխությունը Ինչպես է մեր ախորժակը վտանգում ամբողջ մոլորակը Էկոլոգիական ինչ գին ենք վճարում ամենամատչելի հագուստի համար Բաժնի այլ նյութերը ԱԹՍ-ով ջրված այգու բերքը Ինչ առավելություններ ունի խելացի գյուղատնտեսությունը Դատարկ փեղկերի առասպելը Ինչու են մարդիկ խուճապային գնումներ կատարում ցնցումների ժամանակ Զսպելով բարկությունն ու գնաճը Պատերազմն ու մեր դատարկվող գրպանը | Առաջարկ. Մեքենայի գույքահարկը տեխզննման պահին վճարել մասնակի Օրենքն ուժի մեջ կմտնի 2025 թվականի հունվարի 1-ից Պետել․ ԼՂ–ում հայկական ներկայության բոլոր հետքերը ջնջելն Ալիևի վարչակարգի նախագիծն է «Ադրբեջանցիներն այժմ գրոհում են կառավարության շենքը»,- գրել է նա ՄԻԵԴ-ում դատավորի պաշտոնում ՀՀ-ի կողմից առաջադրվող թեկնածուները հաստատվել են 3 նոր դատավոր է նշանակվել Թաթոյան․ Կիրանցը նեղ թերակղզու նմանությամբ գրեթե ամբողջությամբ շրջափակված է լինելու ադրբեջանական զորքերով Արոտավայրերը, այգիները, այլ հողեր հայտնվելու են ադրբեջանական վերահսկողության կամ թիրախի ներքո |