 Haaretz. Ապրիլի 4-ին և 6-ին Ադրբեջանի ՊՆ բեռնատար օդանավը 2 թռիչք է կատարել Իսրայել 26 ապրիլի 2016 - 14:25 AMT PanARMENIAN.Net - Ապրիլի սկզբին ղարաբաղյան հակամարտության շփման գծում մարտերի ժամանակ Ադրբեջանի պաշտպանության նախարարության մեծ բեռնատար օդանավը երկու անգամ վայրէջք է կատարել Իսրայելում, հայտնում է «Ազատություն» ռադիոկայանը Haaretz թերթի վրա հղումով: Իսրայելական պարբերականի փոխանցմամբ, Իլ-76 օդանավը երկիր է ժամանել ապրիլի 4-ին և 6-ին: Հենվելով տվյալների ինտերնետային բազայի վրա՝ Haaretz-ը հաղորդում է, որ AZAF8 (Azerbaijani Air Force 8) տարբերանշանով օդանավը ժամանել է Թուրքիայի կողմից, թռել է Կիպրոսի վրայով և Իսրայելի օդային տարածք է մուտք գործել Թել Ավիվի վրայով: Թերթը, վկայակոչելով արտասահմանյան զեկույցները, նշում է, որ Իսրայելը վերջին տարիներին դարձել է Ադրբեջանին զենքի հիմնական մատակարարներից մեկը՝ չորս տարում այդ պետությանը վաճառելով մոտ 5 միլիարդ դոլարի սպառազինություն: Ապրիլի 12-ին Իսրայելի «Մերեց» կուսակցության ղեկավար Զեխավա Գալոնը բողոք է հայտնել Ադրբեջանին իսրայելական զենքի վաճառքի կապակցությամբ: Նա կոչ է արել նախարարին կասեցնել դրոնների առաքումն Ադրբեջան, քանի դեռ Իսրայելը հավաստիացումներ չի ստացել, որ դրանք չեն օգտագործվի հայկական կողմի դեմ: Հայտնի սոցիոլոգ, ցեղասպանագետ, Երուսաղեմի Հոլոքոստի ու ցեղասպանության ինստիտուտի գործադիր տնօրեն Իսրայել Չարնին հոդված էր հրապարակել Haaretz –ում` «Արդյոք Իսրայելն անօդաչու թռչող սարք կվաճառե՞ր Հիտլերին» վերնագրով: Հայաստանն իր բողոքն է հայտնել Իսրայելին` Ադրբեջանին զենք-զինամթերք վաճառելու փաստի առնչությամբ: Ինչպես հայտնում է Haaretz պարբերականը, բողոքը, մասնավորապես, վերաբերվում է Ադրբեջանին կամիկաձե-անօդաչուների վաճառքին: Այդպիսի դրոններից մեկով խոցվեց հայ կամավորականներին տեղափոխող ավտոբուսը, 7 մարդ զոհվեց: 2007 թվականին Իսրայելն ու Ադրբեջանը $1,6 մլրդ-ի զենքի մատակարարման պայմանագիր էին կնքել: Բացի անօդաչուներից, Իսրայելը մատակարարում է Ադրբեջանին ռադարներ, հակատանկային հրթիռներ, ականանետեր, գիշերային տեսանելիության սարքեր, այլ ռազմական պարագաներ: Ընթերցեք նաև. «Հիտլերին է՞լ զենք կվաճառեիք». Հրեա ցեղասպանագետն՝ իսրայելա-ադրբեջանական գործարքների մասին Իսրայելցի քաղգործիչ. Ադրբեջան դրոնների նոր խմբաքանակի առաքում է նախատեսվում   Ուշագրավ Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու   Ամենաընթերցվողը բաժնում |  Վերջին լուրեր Աֆեյան․ Պետք է ավելին անենք, քան անցյալի ջարդերի ցավը սգալը՝ ժամանակն է քայլեր ձեռնարկել  Քայլեր ձեռնարկելու կոչն ընդգծում է վայրագությունների նմանությունները, որոնք տեղի են ունեցել 109 տարի առաջ և կրկնվում են այսօր.Արամ Ա–ն՝ Էրդողանին․ Քո պապերի կողմից կոտորվեցին մեր պապերը՝ մի փորձիր Սփյուռքը հակադրել Հայաստանին Նա նշել է, որ Ապրիլի 24-ը սոսկ նահատակների ոգեկոչումի օր չէ, այլ պահանջատիրական կամքը առավել ամրացնելու կոչ էՌուբեն Վարդանյանի որդին՝ CNN-ին․ Հացադուլից հետո հորս պահման պայմաններն ավելի են խստացվել Վարդանյանն ասել է, որ գտնվում է մեկուսացման խցումԱԳՆ․ 2020-23-ին ականատես եղանք հերթական էթնիկ զտման քաղաքականությանն ու դրա հետևանքներին Նշվում է, որ ՀՀ–ն շարունակում է ակտիվ ներգրավածությունը ցեղասպանության հանցագործության դեմ պայքարում |
