 Երևանյան 6-րդ փառատոնից մինչև «Էրեբունի-Երևան»Հոկտեմբերի 8-ից 14-ը տեղի ունեցած մշակութային իրադարձությունների ամփոփում Անցած շաբաթ Հայաստանը հրաժեշտ տվեց իր մեծագույն կեմպոզիտորներից մեկին` Էդվարդ Միրզոյանին: Երաժշտության հետ քիչ թե շատ կապ ունեցող անձիք միաձայն նշում են, որ հայ մշակույթն իրոք ծանր կորուստ կրեց: Մահացավ հանրահայտ «Հնգյակի» վերջին ներկայացուցիչը:  15 հոկտեմբերի 2012PanARMENIAN.Net - Շաբաթվա ընթացքում տեղի ունեցավ երկու համերգ, որոնք նվիրվեցին մեծ կոմպոզիտորի լուսավոր հիշատակին: Վերադարձի փառատոնի համերգում ելույթ ունեցավ «Ֆրատրես» տրիոն, որի կազմում հանդես եկան սաքսոֆոնահար Հայրապետ Առաքելյանը, ջութակահար Ֆեոդոր Ռուդինը և դաշնակահար Ռուդոլֆս Սվանգսը: Հայաստանի պետական ֆիլհարմոնիկ նվագախումբն էլ Երևանյան 6-րդ փառատոնի համերգներից մեկը նվիրվեց մեծ կոմպոզիտորին, կատարվեցին նրա երկու ստեղծագործությունները: Նվագախմբի գեղարվեստական ղեկավար և գլխավոր դիրիժոր Էդուարդ Թոփչյանն ասաց, որ այս համերգով նրանք չեն սահմանափակվի: Փառատոնին ելույթ ունեցավ նաև գալարափողի հայտնի վարպետ Ռադովան Վլատկովիչը Ավստրիայից: «Երկու տարի անընդմեջ մասնակցում եմ փառատոնին, ելույթ եմ ունեցել ձեր նվագախմբի և կամերային համերգներում: Ես կարծում եմ, որ ձեր նվագախումբն ավելի է լավանում տարիների ընթացքում, ես տեսնում եմ նոր, երիտասարդ դեմքեր, և կարծում եմ, որ նրանք նոր շունչ են հաղորդում նվագախմբին»,-ասաց Վլատկովիչը: Նա նաև կատարեց հայկական արմատներով լեհ կոմպոզիտոր Քշիշտով Պենդերեցու ստեղծագործությունը` գրված հատուկ գալարափողահարի համար: «Մաեստրոն ինձ համար գրել է կոնցերտ գալարափողի համար: Ես նրա հետ համագործակցում եմ վաղուց, հյուրախաղերի ենք գնացել իրար հետ»,-եզրափակեց Վլատկովիչը: Հոկտեմբերի 8-ին գրականության սիրահարներին անակնկալ մատուցեց Հայաստանում Լեհաստանի դեսպանատունը: Արամ Խաչատրյանի տուն-թանգարանում տեղի ունեցավ «100 բանաստեղծություններ. Նոբելյան մրցանակի դափնեկիրներ և ժամանակակից այլ բանաստեղծներ» գրքի շնորհանդեսը: Գրքում զետեղված լեհ գրողների գործերը թարգմանվեցին առաջին անգամ, և լավ նվեր դարձան գրականության հայ սիրահարների համար: Առաջին անգամ գիրք է գրել նաև Սուրեն Թադևոսյանը, որն ավելի շատ հայտնի է իր տեսահոլովակներով: Նա իր ֆիլմի սցենարը վերածել էր գրքի: Գրքի շնորհանսեսը տեղի ունեցավ շաբաթվա ավարտին: Այն կոչվում է «12.12.12», սակայն կապ չունի մայաների օրացույցի հետ: Անցած շաբաթ «ձեռնունայն» չմնացին նաև թատերասերները: Ավարտվեց «Հայֆեստ» 10-րդ միջազգային թատերական փառատոնը, որը կրկին լի էր կրեատիվ և բազմազան ներկայացումներով: Փառատոնի ղեկավար Արթուր Ղուկասյանը պատմեց, որ նրանք արդեն պատրաստվում են «Հայֆեստ 2013»-ին: Շաբաթը եզարփակվեց Երևանի հիմնադրման 2794-ամյակին նվիրված միջոցառումների շարքով: Քաղաքը վերածվել էր տոնական հարթակի, որտեղ ամեն մարդ գտավ իր ճաշակին համապատասխան միջոցառում: Բողոքեցին միայն հեղինակային երգի սիրահարները. հեղինակ-կատարողներըշն այս տարի բեմ չունեցան: Վերջում էլ տեղի ունեցավ Գալա համերգը, որտեղ ելույթ ունեցան հին ու ծանոթ հայ և ռուս երգիչները: Սոնա Խաչատրյան / PanARMENIAN News  71 14.10.12 - Էրեբունի-Երևան 2794                                                                           14 08.10.12 - Կոմպոզիտոր Էդուարդ Միրզոյանի հոգեհանգստի արարողությունը               Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Dalma Garden Mall-ի ծրագրերն ու շոփինգի մշակույթը Վանդալիզմի զոհ դարձած արվեստի ամենահայտնի գործերը    Ուշադրության կենտրոնում Բաժնի այլ նյութերըՁև ու ծավալ ստացած Ազնավուրյան մեղեդին  Բացվել է քանդակագործ Մկրտիչ Մազմանյանի ինտերակտիվ ցուցահանդեսըԱրվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներովԴեգան, Սարյանն ու Ուրարտուն Մշակութային յուրացում՝ մեծերի թեթև ձեռքով |  Այլ հոդվածներ Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
