  Կինոաֆիշ. 5 ֆիլմ, որոնք կարելի է դիտել նոյեմբերինՄեծ ֆիլմաշարերն ու օրիգինալ նորույթները ձգտում են ներկայանալ կինոսեզոնի «ամենաանվտանգ» շրջանում Աշնան վերջին ամիսն ավանդաբար «ամենաանվտանգն» է համարվում կինոյի աշխարհում: Տարվա գլխավոր պրեմիերաները հիմնականում դեկտեմբերի ավարտին են նշանակվում` ֆինանսական մեծ սպառնալիք ստեղծելով պակաս նշանակալի կինոնկարների համար: Խուսափելու համար մեծ մրցակցությունից` վերջիններս ձգտում են պրեմիերաների օրերն ամրագրել նոյեմբերին: Դա վերաբերվում է ինչպես օրիգինալ ֆիլմերին, որոնց ճակատագիրը կախված է միայն հանգամանքներից, այնպես էլ մեծ ֆրանշիզաներին, որոնք չեն ցանկանում ռիսկի դիմել և գերադասում են խուսափել կոշտ մրցակցությունից:  28 հոկտեմբերի 2015PanARMENIAN.Net - Ծանոթանալով ցանկին` PanARMENIAN.Net ը 5 նորույթ է ներկայացնում, որոնք ցուցադրվելու են Երևանի կինոթատրոններում նոյեմբերին: «007. Սպեկտր» (օրիգինալ անվ.`Spectre) Մարտաֆիլմ, Մեծ Բրիտանիա, ԱՄՆ, 2015 թ. Ռեժիսոր` Սեմ Մենդես Դերերում` Դենիել Քրեյգ, Ռեյֆ Ֆայնս, Նաոմի Հարիս, Քրիսթոֆ Վալց, Լեա Սեյդու, Մոնիկա Բելուչչի Պրեմիերան Երևանում նոյեմբերի 6-ին «Բոնդիանայի» նախորդ ֆիլմի («007: Կոորդինատները «Սքայֆոլ») հաջողությունը ստիպեց պրոդյուսերներին երկրորդ անգամ ներգրավել լավ ռեժիսոր Սեմ Մենդեսին: Հիմնականում արտհաուսային ֆիլմերի հեղինակը, չնայած քննադատների կանխատեսումներին, երկրորդ անգամ ևս չհրաժարվեց զուտ զվարճային ժանրի ֆիլմ նկարահանելուց: Շարքի հավատարիմ երկրպագուները բարձր գնահատեցին այս ժեստը, չէ որ նախորդ ֆիլմում Մենդեսին հաջողվեց որոշակի թարմություն հաղորդել ֆիլմաշարին և սեփական հեղինակային ձեռագիրը ցուցադրել: Բրիտանացի գործակալ Ջեյմս Բոնդի մասին ֆիլմաշարի 24-րդ ֆիլմը կպատմի «Սպեկտր» չարագուշակ կազմակերպության դեմ պայքարի մասին, որի ղեկավարը արդեն ի հայտ եկել է «հին ֆիլմաշարի» ֆիլմերից մի քանիսում: «Քաղցած խաղեր. Ճայ-Ծաղրասարյակ. Մաս 2» (օրիգինալ անվ.`The Hunger Games: Mockingjay- Part 2 ) Հակաուտոպիա, ԱՄՆ, 2015 թ. Ռեժիսոր` Ֆրենսիս Լոուրենս Դերերում` Ջենիֆեր Լոուրենս, Ջոշ Հաթչերսոն, Լիամ Հեմսվորթ, Սեմ Քլաֆլին, Էլիզաբեթ Բենքս, Վուդի Հարելսոն, Դոնալդ Սազերլենդ Պրեմիերան Երևանում նոյեմբերի 19-ին Հետապոկալիպտիկ աշխարհի մասին պատմող ֆիլմաշարի վերջին մասն է, որտեղ իշխանավորները պարբերաբար մահացու մրցաշարեր են կազմակերպում հալածված և աղքատ շրջանների երիտասարդների խմբերի միջև: Ամերիկացի գրող Սյուզան Քոլինզի ոգեշնչման աղբյուրը եղել է ժանրի կանոններին շատ ավելի հավատարիմ ճապոնական «Թագավորական ճակատամարտ» ֆիլմը: Արդյունքում ծնվեց մի եռապատում, որը երիտասարդական ֆանտաստիկայի և համաուտոպիայի մի համադրությունյ է: Էկրանավորումը շատ ավելի անհամ ու աչքի չընկնող ստացվեց` ամեն մասի հետ հեռանալով ժանրի կանոններից: Թիրախային հանդիսատեսին դուր եկավ, ինչն էլ ստիպեց պրոդյուսերներին վերջին մասը` «Ճայ-Ծաղրասարյակը» 2 մասի կիսել: Հավանաբար, ավելի շատ շահույթ ստանալու ակնկալիքով: «Այցը» (օրիգինալ անվ.` The Visit) Սարսափ, թրիլեր, ԱՄՆ, 2015 թ. Ռեժիսոր` Մ.Նայթ Շյամալան Դերերում` Օլիվիա դը Ջոնջ, Էդ Օկսենբուլդ, Դիանա Դանագան, Փիթեր ՄաքՌոբբի: Պրեմիերան Երևանում նոյեմբերի 26-ին «Վեցերերոդ զգայարան», «Խորհրդավոր անտառը» և «Նշաններ» պաշտամունքային ֆիլմերի հեղինակ, ազգությամբ հնդիկ Մ.Նայթ Շյամալանը որոշել է վերադառնալ իր նախընտրած ժանրին: Եվ դա հասկանալի է: Վերջին տարիներին աղմկահարույց ֆիլմերի ռեժիսորը հանկարծ սկսեց նկարահանել ցածրակարգ և բացահայտ վատ կինո` փորձելով ներկայանալ այլ ժանրերում: Չստացվեց: Կարելի է վստահաբար ասել, որ «Այցը» սարսափազդու հեքիաթ է ուրվականների մասին, որը կարող է վերջին շանսը լինել Շյամալանի համար: Եթե կինոնկարը ձախողվի, ռեժիսորը հավանաբար, ստիպված կլինի գտնել այլ, կինեմատոգրաֆից միանգամայն տարբեր աշխատանք: «Լավ դինոզավրը» (օրիգինալ անվ.`The Good Dinosaur) Անիմացիոն ֆիլմ, ԱՄՆ, 2015 թ. Ռեժիսորներ` Բոբ Փիթերսոն, Փիթեր Սոն Դերերում` Ռեյմոնդ Օչոա, Ջեֆրի Ռայթ, Սթիվ Զան, Աննա Փեքուին, Սեմ Էլիոթ, Ֆրենսիս Մակդորմանդ: Պրեմիերան Երևանում նոյեմբերի 26-ին Լեգենդար Pixar ստուդիան շարունակում է բարձր շեմ սահմանել անիմացիոն ֆիլմերի ինդուստրիայի համար, ամեն անգամ ներկայացնելով ոչ թե ուղղակի մուլտֆիլմեր, այլ արվեստի իսկական գործեր: Դա վերաբերում է ոչ միայն գործի տեխնիկական կատարելությանը, այլ նաև բարդ, խորը սյուժեին, որը հասցեագրված է տարիքային բոլոր խմբերին: «Լավ դինոզավրը» դրամատիկ և գրավիչ մի պատմություն է Արլոյի մասին` 70-ֆուտանոց երիտասարդ դինոզավրի, որը մեծ սիրտ ունի: Երբ ինչ-որ ողբերգական իրադարձություն խառնաշփոթ է առաջացնում Արլոյի հանգիստ հարևանների շրջանում, նա ուղևորության է գնում խաղաղությունը վերականգնելու համար` ճանապարհին հանդիպելով անսովոր մի ընկերակցի` Սփոթ անունով տղային: «Վիկտոր Ֆրանկենշտեյն» (օրիգինալ անվ.` Victor Frankenstein) Սարսափ, ֆանտաստիկա, դրամա, ԱՄՆ, 2015 թ. Ռեժիսոր` Փոլ ՄակԳիգան Դերերում` Դենիել Ռեդկլիֆ, Ջեյսմ ՄաքԷվոյ, Ջեսիկա Բրաուն-Ֆինդլի, Չարլզ Դենս Պրեմիերան Երևանում նոյեմբերի 26-ին Անգլիացի գրող Մերի Շելլիի «Ֆրանկենշտեյնը կամ ժամանակակից Պրոմեթևսը» ֆանտաստիկ վեպը, որ գրվել է 1818-ին, հիմք է հանդիսացել մեծ քանակությամբ ֆիլմերի համար կինեմատոգրաֆի ամբողջ պատմության ընթացքում: Ավելին, «ստեղծածը ոչնչացնում է արարչին» շարքից ցանկացած պատմություն ինչ-որ առումով հիմնված է գրողի ստեղծագործության վրա: Փոլ ՄակԳիգանը որոշել է յուրովի վերափոխել խենթ գիտնականի պատմությունը. այս անգամ նրա էքպերիմենտները կցուցադրվեն Ֆրանկենշտեյնի օգնական Իգորի տեսակետից: Արման Գասպարյան/ PanARMENIAN.Net  Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Dalma Garden Mall-ի ծրագրերն ու շոփինգի մշակույթը    Ուշադրության կենտրոնում Բաժնի այլ նյութերըՁև ու ծավալ ստացած Ազնավուրյան մեղեդին  Բացվել է քանդակագործ Մկրտիչ Մազմանյանի ինտերակտիվ ցուցահանդեսըԱրվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներովԴեգան, Սարյանն ու Ուրարտուն Մշակութային յուրացում՝ մեծերի թեթև ձեռքով |  Այլ հոդվածներ Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
