Քրիդ. Լեգենդի վերադարձը, կամ «նոր սկիզբ»Երիտասարդ ռեժիսոր Ռայան Քուգլերը լրջորեն լծվել է սպորտային դրամայի ժանրի վերականգնման գործին Հունվարի 14-ին կինոթատրոնների էկրաններ է բարձրանում լեգենդար բռնցքամարտիկ Ռոքքի Բալբոայի մասին հերթական ֆիլմը: Եվ թեև կինոնկարն ավելի շուտ ճյուղավորում է, քան լիարժեք շարունակություն, կինոցուցադրման համար պատասխանատուները, շեշտելու համար կապը մեծն իտալացու հետ, այն անվանել են «Քրիդ. Ռոքքիի ժառանգությունը»: Ափսոս, քանի որ նույնիսկ առանց որևէ կապի Բալբոայի հետ, երիտասարդ և շնորհալի Ռայան Քուգլերի ստեղծագործությունը վերջին տարիներին գրեթե մեռած համարվող ժանրի սլացիկ, գեղեցիկ ու բովանդակալից նմուշ է: 14 հունվարի 2016 PanARMENIAN.Net - PanARMENIAN.Net ը ներկայացնում է «Քրիդ. Ռոքքիի ժառանգությունը» կինոնկարից իր տպավորությունները: Ադոնիս Ջոնսոնը երբեք չի ճանաչել իր փառապանծ հորը` աշխարհի նախկին չեմպիոն, ծանրքաշային բռնցքամարտիկ Ապոլլո Քրիդին, որը զոհվել էր ռինգում դեռ նրա ծնունդից առաջ: Չնայած դրան, հոր սպորտային անցյալը վառ է արտահայտվեց տղայի մեջ` ստիպելով նրան շարունակել Ապոլլոյի ուղին և մեկնել Ֆիլադելֆիա հայցելու լեգենդար Ռոքքի Բալբոայի օգնությունը: Բալբոային ոչ միայն հաջողվել էր գերազանցել Ապոլլոյին ռինգում, այլ նաև նրա լավագույն բարեկամը դառնալ:
Հեռավոր 1976-ին ռեժիսոր Ջոն Էվիլդսենը և այն ժամանակ անհայտ, բայց շատ տաղանդավոր Սիլվեսթր Սթալոնեն հանրությանը ներկայացրեցին մի ֆիլմ, որի արձագանքները մինչ օրս ժամանակ առ ժամանակ ի հայտ են գալիս կինոյում: «Ռոքքին» այնքան պաշտամունքային դարձավ, իսկ կապը հանդիսատեսի հետ այնքան ամուր, որ շարունակությունները, որոնք օբյեկտիվորեն ավելի ու ավելի վատն էին, ընկալվում էին որպես հերթական մեծ պարգև: 29-ամյա ռեժիսոր Ռայան Քուգլերը համարձակ քայլի դիմեց` վերակազմավորել, վերամարմնավորել պաշտամունքի առարկան, այն ավելի մարդկային դարձնելով, ու պատմել ամենաառաջին պատմությունը միանգամայն այլ տեսակետից:
Ադոնիս Քրիդի կայացումը հնարավոր չէ ընկալել որպես օրիգինալ «Ռոքքիի» ռեմեյք, թեև կան բոլոր նախադրյալները: Անփորձ, սակայն հավակնոտ մարտիկը փորձառու վարպետի օգնությամբ բարձրանում է բռնցքամարտի համաշխարհային Օլիմպոս` բազում դժվարությունների ու անհաջողությունների միջով: Սակայն Քուգլերին հաջողվել է այնպես կառուցել պատմությունը, որ այն ընկալվում է որպես բոլորովին նոր մի բան` չնայած շտամպերի առատությանն ու թեթև պաթոսին: Լինելով շատ տաղանդավոր երիտասարդ, որը կատարելության է հասցրել իր վարպետությունը, Քուգլերը հիանալի զգում է և կարողանում է վերարտադրել այն մթնոլորտը, որն այնքան պակասում է ժամանակակից մարզական դրամային:
Կինոնկարը շահեկանորեն տարբերվում է իր նմաններից հազիվ նշմարելի շարմի շնորհիվ, որը հատուկ է «Օսկարների» հաճախակի հյուր Դևիդ Օ. Ռասսելի գործերին: Քուգլերը չի փորձում թաքցնել իր փոխառություններն ավագ գործընկերոջից, սակայն այնքան վարպետորեն է դա անում, որ ինքը Ռասսելը նույնպես կարող է նրանից որոշ բաներ սովորել: Սյուժեի կենտրոնում կրկին ընտանիքն է, ինչը բնորոշ է լավ մարզական դրամային: Սակայն «Քրիդը» զուրկ է այն թերություններից, որոնք հատուկ էին միջակ «Ձախլիկին»` արհեստականությունից, մեծ պաթոսից ու ողբերգականությունից: Այն պարզ է, ու, միաժամանակ անակնկալներով լի, որոնք ի հայտ են գալիս պատմության ընթացքին զուգահեռ, և ապշեցնում են «Ռոքքիի» մոլեռանդ երկրպագուներին: Քուգլերը հանդգնել է մի քայլի, որի համար այլ ռեժիսորներ կզրկվեին իրենց պաշտոնից:
«Քրիդը» ոչ միայն ժանրային կինոյի հիանալի նմուշ է: Ֆիմը լի է խորը հարգանքով ու սիրով օրիգինալի հանդեպ: Միաժամանակ, դա «նոր սկիզբ» է, ոչ թե ուղղակի լեգենդի շարունակություն: Չէ որ Ռայան Քուգլերը լրջորեն է լծվել սպորտային դրաման վերականգնելու գործին: Արման Գասպարյան/ PanARMENIAN.Net Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Dalma Garden Mall-ի ծրագրերն ու շոփինգի մշակույթը Բաժնի այլ նյութերը Ձև ու ծավալ ստացած Ազնավուրյան մեղեդին Բացվել է քանդակագործ Մկրտիչ Մազմանյանի ինտերակտիվ ցուցահանդեսը Արվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներով Դեգան, Սարյանն ու Ուրարտուն Մշակութային յուրացում՝ մեծերի թեթև ձեռքով | Բերման ենթարկված բոլոր կիրանցեցիներն ազատ են արձակվել Կանայք փակել էին ճանապարհն ու հերթապահում տղամարդկանց փոխարեն Փաշինյան․ Սահմանազատված հատվածներում ՊՆ-ն ծառայություն չի իրականացնելու, ԱԱԾ-ն է հսկելու «Այո, դիրքը դուրս է գալիս մեր ինքնիշխան տարածքից, որովհետև ՊՆ-ն այդ գծի վրա այլևս ծառայություն չի իրականացնելու», - ասել է նա ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով |