  Կինոաֆիշ. 5 ֆիլմ, որոնք կարելի է դիտել փետրվարինՁմռան վերջին ամիսը համաշխարհային կինոյի համար նշանավորվում է «Օսկարի» առաջիկա մրցանակաբաշխությամբ «Օսկարի» համար մրցավազքն» ավարտվել է մեկ ամիս առաջ: Բաղձալի արձանիկի գլխավոր հավակնորդներն արդեն հայտնի են, կինոքննադատները կանխատեսումներ են անում, իսկ ստուդիաները մեծ զգուշավորությամբ են իրենց նորություններն ընդգրկում աֆիշում: Չնայած այն հանգամանքին, որ ձմռան վերջին ամիսը համաշխարհային կինոյի համար նշանավորվում է «Օսկարի» առաջիկա մրցանակաբաշխությամբ, գարնանն ընդառաջ կարելի է նաև բլոկբաստերների հանդիպել:  3 փետրվարի 2016PanARMENIAN.Net - Ծանոթանալով աֆիշին` PanARMENIAN.Net ը ներկայացնում է 5 նորույթ, որոնք կարելի է դիտել Երևանի կինոթատրոններում փետրվարին: «Դեդփուլ» (օրիգ. անվանումը` Deadpool) Կատակերգություն, մարտաֆիլմ, թրիլեր, ԱՄՆ, 2016 թ. Ռեժիսոր` Թիմ Միլլեր Դերերում` Ռայան Ռեյնոլդս, Մորեան Բաքքարին, Էդ Սքրեյն, Ջինա Քարանո, Թի Ջեյ Միլլեր: Պրեմիերան Երևանում փետրվարի 11-ին: Աշխարհի ամենախարիզմատիկ և հայտնի հակահերոսներից մեկի` Marvel-ի վերջին հայտնությունը կինոյում, մեղմ ասած, ձախողված էր: 2009-ին նկարահանված «Իքս մարդիկ. Սկիզբ. Ռոսոմախա» կինոնկարում հայտնի կերպարն այնքան էր նվաստացած, որ երկրպագուներն այդ գործը հիշում են բացառապես որպես սարսափելի երազ: Արդարությունը հաղթեց միայն 2015-ին, երբ էքսցենտրիկ Թիմ Միլլերը սկսեց «ճիշտ» «Դեդփուլի» նկարահանումները: Կինոնկարը «մեծահասակների համար» վարկանիշ ստացավ, քանի որ այդ կերպարի գոյությունն առանց որոշակի դաժանության անհնար է պատկերացնել: Սև և սուր հումորը, կինոյին հատուկ տարբեր կարծրատիպերը ծաղրի ենթարկելու հետ մեկտեղ, նոր ֆիլմը դասեց անմոռանալի «Պիպեց»-ի շարքին: «Ուշադրության կենտրոնում» (օրիգ. անվանումը` Spotlight) Դրամա, ԱՄՆ, 2015 թ. Ռեժիսոր` Թոմաս Մաքքարթի Դերերում` Մարկ Ռուֆալլո, Մայքլ Քիթոն, Ռեյչել Մաքադամս, Լև Շրայբեր, Ջոն Սլեթթերի, Սթենլի Տուչչի, Բիլլի Քրուդափ: Պրեմիերան Երևանում փետրվարի 11-ին: Ֆիլմը լավագույն հավակնորդներից է «Օսկարի» «Տարվա լավագույն ֆիլմ» անվանակարգում: Միաժամանակ` վերջին շրջանի լավագույն խոսակցական դրամաներից մեկն է: Իրական իրադարձությունների վրա հիմնված ֆիլմը պատմում է The Boston Globe-ի լրագրողի հետաքննության մասին, որի ժամանակ պարզվում է, որ Բոստոնի թեմի սպասավորներից շատերը մանկապիղծներ են: Բարդագույն թեման մատուցվում է որպես մանրակրկիտ լրագրողական հետաքննություն, որը վիրահատական ճշգրտությամբ է նկարագրում իրադարձություններն ու հատում վերքերը, որոնք երբեք չեն ապաքինվի: Միաժամանակ` սա իսկական լրագրողական ձոն է և սիրո խոստովանություն լրագրողի մասնագիտությանը: «Հպարտություն և նախապաշարմունք և զոմբիներ» (օրիգ. անվանումը` Pride and Prejudice and Zombies) Մարտաֆիլմ, սարսափ, ԱՄՆ, 2016 թ. Ռեժիսոր` Բյոր Սթիրս Դերերում` Լիլի Ջեյմս, Սեմ Ռայլի, Ջեք Հյուսթոն, Բելլա Հիթկոթ, Դուգլաս Բուտ Պրեմիերան Երևանում փետրվարի 18-ին: 2009-ին գրող Սեթ Գրեմ-Սմիթը հանրությանը ներկայացրեց Ջեյն Օսթինի դասական «Հպարտություն և նախապաշարմունք» վեպի պարոդիան: Նա մեծ վարպետությամբ միախառնել է վիկտորիանական Անգլիայի իրողությունները զոմբի-սարսափի և արևելյան մենամարտերի ժամանակակից տարրերի հետ: «Հպարտություն և նախապաշարմունք և զոմբիներ» վեպն այնքան հաջողված ստացվեց, որ այն արագ էկրանավորելու որոշում կայացվեց: Սակայն, բարդ արտադրական գործընթացը, դերասանների և ռեժիսորի հաճախակի փոփոխությունները հետաձգեցին երկար սպասված ֆիլմի պրեմիերան կես տասնամյակով: Այժմ, վերջապես, Գրեմ-Սմիթի երկրպագուներն ու զոմբիների մասին ֆիլմերի սիրահարները կարող են տեսնել վերջնական արդյունքը: «Երեք իննոց» (օրիգ. անվանումը` Triple 9) Դրամա, թրիլեր, ԱՄՆ, 2016 թ. Ռեժիսոր` Ջոն Հիլքոութ Դերերում` Քեյսի Աֆլեկ, Չիվետել Էջիոֆոր, Ահարոն Փոլ, Էնթոնի Մակի, Նորման Ռիդուս, Քեյթ Ուինսլեթ, Գալ Գադոթ, Վուդի Հարելսոն: Պրեմիերան Երևանում փետրվարի 25-ին: Բեն Աֆլեկի «Գողերի քաղաքը» կողոպուտների մասին ֆիլմերի շարքի վերջին արժանի նմուշն է: Գերազանց «Աշխարհի ամենահարբած շրջանի» ռեժիսոր Ջոն Հիլքոութը, կարծես, վճռական է տրամադրված փոխելու իրավիճակը: Հավաքելուվ հոլիվուդյան աստղերին և «մեծահասակների» համար վարկանիշ ստանալով իր ֆիլմի համար` ռեժիսորն անմոռանալի պատմություն է խոստանում հանդիսատեսին մի խումբ հանցագործների և կաշառված ոստիկանների մասին, որոնք հայտնվում են ռուսական մաֆիայի որոգայթում: «Եգիպտոսի աստվածները» (օրիգ. անվանումը` Gods of Egypt) Ֆանտաստիկա, արկածային, ԱՄՆ, 2016 թ. Ռեժիսոր` Ալեքս Փրոյաս Դերերում` Ջերարդ Բաթլեր, Ջեֆրի Ռաշ, Նիկոլայ Քոսթեր-Վալդաու, Էլոդի Յունգ, Բրենթոն Թուեյթես: Պրեմիերան Երևանում փետրվարի 25-ին: Եգիպտական Սեթ աստվածը սպանում է եղբորը` Օսիրիսին և յուրացնում է իշխանությունը: Օսիրիսի որդին` Գոռը, փորձում է վրեժխնդիր լինել: Սեղմ այսպես կարելի է բնութագրել Ալեքս Փրոյասի նոր ֆիլմի սյուժեն: Մեծ ռեժիսորը («Մութ քաղաքը» միայն արդեն թույլ է տալիս նրան մեծ համարել) որոշել է անդրադառնալ Եգիպտոսի աստվածներին` հին Եգիպտոսի մշակույթի տարրերը վերածելով $140 մլն բյուջեով բլոկբաստերի: Թե ինչ է դրանից ստացվել, դեռ պարզ չէ: Թրեյլերները տխուր տպավորություն են թողնում: Սակայն, հույս կա, որ Փրոյասը հաղթահարել է դեպրեսիան, կապված իր երազած ` «Մթության սիրտը» ֆիլմի չկայացած նկարահանումների հետ, և կարող է արժանի բան ներկայացնել: Արման Գասպարյան/ PanARMENIAN.Net  Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Dalma Garden Mall-ի ծրագրերն ու շոփինգի մշակույթը    Ուշադրության կենտրոնում Բաժնի այլ նյութերըՁև ու ծավալ ստացած Ազնավուրյան մեղեդին  Բացվել է քանդակագործ Մկրտիչ Մազմանյանի ինտերակտիվ ցուցահանդեսըԱրվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներովԴեգան, Սարյանն ու Ուրարտուն Մշակութային յուրացում՝ մեծերի թեթև ձեռքով |  Այլ հոդվածներ Վերջին լուրեր Քաղաքացիները հաջակցություն Տավուշի փակել են Սպիտակ-Վանաձոր ճանապարհը Ակցիայի մասնակից տղամարդկանցից մեկը ոստիկաններին և հավաքված քաղաքացիներին բացատրում է, թե ինչի դեմ է իրենց բողոքըՆախագիծ․ ԱԱԾ-ում բարձրագույն կոչում ունեցողները համազգեստ չեն կրի ԱԱԾ տնօրենի պաշտոնը այլևս դադարել է զինվորական լինել, այն արդեն հանրային ծառայության պաշտոն էՊատել․ ԱՄՆ–ն հավատում է, որ խաղաղությունը Հարավային Կովկասում հնարավոր է և շարունակելու է աշխատել այդ ուղղությամբ Նա նաև ասել է, որ Վաշինգտոնը մտահոգված է Ադրբեջանում քաղհասարակության անդամներ կալանովորումներովԸստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա |
