Հայաստան ջանԱնկախության տարիներին ստեղծված լավագույն 5 ֆիլմը Հայաստանի Երրորդ Հանրապետության գոյության ընթացքում հայկական կինոն մի շարք ոչ միանշանակ փոփոխությունների է ենթարկվել: Աստիճանաբար սկսել է ձևավորվել մեյնսթրիմային կինոշուկա, որը, չնայած կինոթատրոններում մեծաքանակ հանդիսատես է հավաքում, այդուհանդերձ, որակական առումով դժվար է այն բարձր գնահատել: Անկախ Հայաստանի կինոն անցնում է վերստին ձևավորման ու կայացման բարդագույն ժամանակահատվածով, սակայն անգամ այս պայմաններում ստեղծվել են իրապես բարձրարվեստ աշխատանքներ: 21 սեպտեմբերի 2016 PanARMENIAN.Net - 25 տարիների ընթացքում մեր երկրում նկարահանված ֆիլմերից PanARMENIAN.Net ն ընտրել է 5 լավագույնը: «Ուրախ ավտոբուս», 2001թ.
Ռեժիսոր Ալբերտ Մկրտչյանը հրաշալի ֆիլմեր էր նկարահանում նաև խորհրդային տարիներին: 2001թ-ին էկրաններ բարձրացած «Ուրախ ավտոբուս» մելոդրաման հեղինակի հոգու ճիչն էր` ընդդեմ 1988թ-ից ի վեր Գյումրին, որպես աղետի գոտի, ընկալելուն: Չնայած կտավը պատմում է Սպիտակի երկրաշարժից հետո միայնակ մնացած երեխաների ու մեծահասակների մասին, այդուհանդերձ, յուրաքանչյուր կադրից ճառագում է այն հույսը, որ մի օր սարսափելի զրկանքների միջով անցած ժողովուրդը կկարողանա հարություն առնել ու արարել սեփական ապագան: «Տխուր փողոցի լուսաբացը», 2008թ.
2008թ-ին էկրաններ բարձրացած դրամայում Ալբերտ Մկրտչյանը կրկին անդրադառնում է անկախության տարիների փորձություններին` այս անգամ Ղարաբաղյան գոյամարտի կոնտեքստում: Ավերիչ երկրաշարժ տեսած Գյումրիում 90-ականների սկզբներին բավականին ծանր է գոյատևելը. տղամարդիկ մեկնել է ռազմաճակատ, իսկ քաղաքում մնացածները պահպանում են սեփական գոյությունն ` անցնելով հիասթափությունների, երբեմն` տոկունության ճանապարհով` փնտրելով լույս այնտեղ, որտեղ միայն կամքով ուժեղ մարդիկ են կարող այն գտնել: «Երևան ջան», 2002թ.
Հիվանդացել է Երևանը: Հիվանդացել է այն սիրո պակասից, որն այս քաղաքը քաղաք դարձրեց: Եթե հնարավոր լինի հեռացնել բոլոր ախտերն, ապա Երևանը կմաքրվի, մարդիկ կբարիանան և կսկսեն ստեղծել, կառուցել. սրա մասին է երազում Միքայել Պողոսյանի երաժշտական դրամայի գլխավոր հերոսը` կինոռեժիսոր Գենադի Մելքոնյանի հիշատակին նվիրված ֆիլմում: Կտավը պատմում է երևակայական պատմություններ գորշ և անգույն իրականության մասին, որոնք գունավորվում են միայն երաժշտության շնորհիվ, որը կարող է բուժել ցանկացած հիվանդություն: «Հին հռոմեական ճանապարհին», 2001թ.
Հայաստանի, Նիդեռլանդների ու Գերմանիայի համատեղ արտադրության այս ֆիլմի գլխավոր հերոսը` Լևոնը, կրկին ու կրկին վերապրում է սեփական մանկությունը Թուրքիայում` քաղաքական բռնությունների ու մեծագույն սիրո ֆոնին: Այս ամենը զուգակցվում է ևս մեկ` ժամանակակից պատմությամբ հայ ահաբեկչի ու թուրք գաղտնի գործակալի մասին` վեր հանելով հայ ժողովրդի հարյուրամյա ցավը բռնությամբ լուծելու անհնարինությունն ու արդարությունն այլ ճանապարհներով հաստատելու հրամայականը: «Թևանիկ», 2014թ.
Ջիվան Ավետիսյանը համարվում է ժամանակակից ամենահեռանկարային երիտասարդ հայ ռեժիսորներից մեկը: Նրա «Թևանիկ» պատերազմական դրաման ջերմորեն ընդունեցին ինչպես հայ, այնպես էլ օտարերկրացի կինոքննադատները: Ֆիլմի գլխավոր հերոսները 14 տարեկան 3 պատանիներ են՝ Արամը, Աստղիկը, Թևանիկը, որոնք ֆիլմը բաժանում են 3 մասի։ Հերոսներն ու նրանց պատմությունները տարբեր են, բայց պատմությունը մեկն է՝ պատերազմը քանդել ու բաժանում է ընտանիքներ: Ռեժիսորի հակապատերազմական այս մանիֆեստը թարգմանվել է 9 լեզուներով ու ցուցադրվել Երևանում, Հայաստանի մարզերում և քաղաքներում, սահմանամերձ գյուղերում և զինվորական մասերում, ինչպես նաև աշխարհի 20-ից ավելի երկրներում: Արման Գասպարյան / PanARMENIAN.Net Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Dalma Garden Mall-ի ծրագրերն ու շոփինգի մշակույթը Բաժնի այլ նյութերը Ձև ու ծավալ ստացած Ազնավուրյան մեղեդին Բացվել է քանդակագործ Մկրտիչ Մազմանյանի ինտերակտիվ ցուցահանդեսը Արվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներով Դեգան, Սարյանն ու Ուրարտուն Մշակութային յուրացում՝ մեծերի թեթև ձեռքով | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |