«Միջազգային հանրությունը սա «օկուպացիա» է կոչում» (վիդեո)Տեր-Պետրոսյանի հարցազրույցի կարևոր թեզերը ՀՀ առաջին նախագահ, ՀԱԿ առաջնորդ Լևոն Տեր-Պետրոսյանը ընդարձակ հարցազրույց է տվել Հանրային հեռուստաընկերության «Օրակարգից դուրս» հաղորդմանը՝ անդրադառնալով ղարաբաղյան հակամարտությանը, միջազգային հանրության արձագանքին ու առաջիկա խորհրդարանական ընտրություններին: PAN-ը հավաքել է ՀՀ առաջին նախագահի առաջ քաշած թեզերից կարևորագույնները: 22 մարտի 2017 PanARMENIAN.Net - - Հակամարտությունը շատ լավ էլ լուծվում է: Կողմերը բանակցում են, որ փորձեն լուծումը որքան հնարավոր է ավելի շահեկան դարձնեն իրենց համար: Բայց սկզբում տարաձայնությունները հսկայական էին, այսօր դրանց թիվը հասել է 1-2 կետի: - Արցախի անկախությունը ճանաչելն Ադրբեջանից կախված չէ. Լեռնային Ղարաբաղի կարգավիճակը սահմանելու է Մինսկի խմբի համանախագահությունը: Խնդիրը մինչև այժմ չէր լուծվում, որովհետև միջազգային հանրությունը լուրջ ջանքեր չէր գործադրում:Նոր հանգամանքներ կան, որոնք լավատեսություն են ներշնչում, որ առաջիկայում հարցը լուծվելու է: - Եթե Հայաստանն այսօր վճռականորեն հայտարարի, որ պատրաստ է ստորագրել ներկայացված փաստաթուղթը, Ադրբեջանը չի կարողանա մերժել: Հայաստանն էլ, ըստ էության, չի ասել, որ պատրաստ է ստորագրմանը: - Ներկայիս առաջարկվող տարբերակը չարյաց փոքրագույնն է: Եթե սա էլ չընդունենք, հաջորդ լուծումն ավելի վատն է լինելու: - Արցախյան կողմին բանակցությունների սեղանի շուրջ վերադարձնելու հարցը բանակցային պլանում չկա: Բանավոր խոստումներ են տվել համանախագահները մի քանի անգամ, որ կգա մի էտապ, որից հետո Ղարաբաղը մասնակից կդառնա բանակցություններին: Ես գիտեմ այդ պահը, բայց հիմա չեմ ասի: - Մենք կարող ենք կոչել տարածքներն ազատագրված, պատմական, սրբազան տարածքներ... նման կատեգորիաներ միջազգային իրավունքում չկան ու չեն լինի: Մենք կարող ենք ասել «ազատագրեցինք», բայց միջազգային հանրությունը դա կոչում է «օկուպացիա», ուրիշ ոչինչ: - Ադրբեջանի հետ խնդիր չունենք: Մենք 2 վիճաբանող կողմ ենք, որոնք միջազգային ատյան են ներկայացել՝ խնդրի լուծում գտնելու: Ինչ լուծում տվեց ատյանը, և ՀՀ-ն և Ադրբեջանը պարտավոր են ենթարկվել: - Ադրբեջանն ընդունում է, որ համաձայնագիրը ստորագրող երկրները դառնալու են համաձայնագրի իրականացման երաշխավորը... եթե որևէ խախտում լինի ԼՂՀ տարածքի ու Լաչինի նկատմամբ, ՀՀ-ն կարող է օրինական կերպով միջամտել և թույլ չտալ այդ ոտնձգությունները: - Ալիևը շատ ռացիոնալ է, որովհետև, ինչ հնարավոր է, կարողանում է պոկել բանակցություններում: - ՀՀ ժողովուրդը մի բան պետք է պահանջի իշխանությունից՝ լուծել այս խնդիրը: Ինքն է ընտրել, ինքը միայն մի բան պետք է պահանջի` լուծեք խնդիրը, վերջ տվեք մեր դժբախտություններին: - Ասում ենք՝ համաձայն ենք (ՄԽ առաջարկներին- խմբ.), ՀՀԿ-ն... ըստ էության, համաձայն է, մյուսների մոտ ուղղակի հեքիաթ է: Ընտրողին կոչ կանեի՝ եթե տեսնում եք՝ այդ հարցին «այո» կամ «ոչ» պատասխանը չկա, պետք է այդ կուսակցություններին դեմ քվեարկել, որովհետև եթե Ղարաբաղի հարցը չլուծվի, բոլոր խոստումները դատարկություն են: Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով Բաժնի այլ նյութերը «Խաղի» մեջ վերադառնալու ցանկությամբ ՌԴ-ն փորձում է չմարգինալացվել ՀՀ-Ադրբեջան բանակցային գործընթացում Դրագոմանների ժամանակը Դեպի արդիականացված արտաքին քաղաքականություն Բարձր պաշտոնից՝ մեղավորի աթոռին 2018-ի «մեղադրյալները» | Ըստ ՌԴ ԱԳՆ–ի՝ ԵՄ հետ առանց վիզայի ռեժիմը բացասաբար կազդի ՀՀ անվտանգության վրա Նշվել է, որ դա կնպաստի հեռանկար ունեցող երիտասարդների արտահոսքին Women in Business of Armenia կոնֆերանս՝ Visa-ի և EBRD-ի կազմակերպմամբ Պանելային քննարկմանը մասնակցել է նաև Evoca-ի Վարչության նախագահի տեղակալ Տաթևիկ Խաչատրյանը Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին Նա TED Talks ձևաչափով խոսել է «Նոր ղեկավարման ոճ: Թվային փոխակերպում» թեմայի շուրջ Ստանո․ Բլինքեն-Փաշինյան -Ֆոն դեր Լայեն հանդիպումը նվիրված չի լինելու «անվտանգության երաշխիքներին» ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու |