  Ռենեսանսի «վերածնունդը» ԵրևանումՆկարչուհին կտավների հերոսներին տեղափոխում է գրասենյակ, բար ու լողափ Սոցցանցերի հայկական հատվածում տարածում են ստացել հետաքրքիր կոլաժներ, որտեղ դասական գեղանկարչության հայտնի հերոսները ներկայացված են ժամանակակից պայմաններում՝ գրասենյակում, բարում, նորաձևության հարթակում, լողափում:  11 մարտի 2019PanARMENIAN.Net - Այդ զվարճալի և սարկաստիկ կոլաժների հեղինակը պատկերազարդող դիզայներ Ալլա Մինգալյովան է: Նկարչուհին ծնունդով Ղրիմից է, սակայն, արդեն մի քանի տարի է, ինչ բնակվում և աշխատում է Երևանում: PanARMENIAN.Net ը զրուցել է երիտասարդ նկարչուհու հետ նրա հոբբիի և ապագայի ծրագրերի մասին: «Ինչ ինձ հիշում եմ՝ նկարում եմ, բայց Ռենեսանսի կտավներով կոլաժներն անում եմ մեկ տարուց մի փոքր ավելի: Ես դա լավ գաղափար համարեցի՝ հին կտավների հերոսներին ներկայացնել ժամանակակից կյանքում՝ համեմելով դա հումորով ու սարկազմով»,-պատմում է Ալլան և հավելում. «Մի քանիսը շատ լավ են ստացվել»: Եվ իրոք, Վերածննդի դարաշրջանի կտավների կերպարները շատ լավ են համադրվել արդիական իրողությունների հետ: Մարգերիտ Ժերարի, Լեոնարդո դա Վինչիի, Ջոն Ուիլյամ Գոդվարդի, Յան Վերմեերի և այլ նկարիչների հերոսները բար են գնում, արևայրուք ստանում, մեքենա վարում և դեֆիլեի մասնակցում: Կոլաժների մեծ մասը Երևանում է ստեղծվել, «օֆիսային պատմությունները» կատարվում են այն գրասենյակում, որտեղ Ալլան աշխատում է, որոշ կոլաժներում նույնիսկ նրա գործընկերները կան: Ինչպես նշում է Ալլան, ինքը հայկական արմատներ չունի, սակայն «Հայաստանը սիրում է ամբողջ սրտով»: Հատկապես ուշագրավ է նրա վերջին ստեղծագործությունը՝ «Ալֆա-որձերը» կոլաժը: «Վաղուց էի ցանկանում այդ կոլաժն անել, բայց անհրաժեշտ կերպարներին չէի գտնում: Այստեղ միայն բարձր երաժշտությունն է պակասում»,-կատակում է նկարչուհին: Այն դիտարկմանը, որ կոլաժը բավականին արդիական է Հայաստանի պարագայում, նկարչուհին պատասխանել է, որ նման իրավիճակների ականատես եղել է. «Թեև իրականում ես հայերին չեմ նկատի ունեցել, մեզ մոտ՝ Ղրիմում, նույն իրավիճակն է»: Ալլան նաև մի շարք ունի կինոյի մասին, որտեղ միավորում է Հոլիվուդն ու խորհրդային ֆիլմերը: Ալլան հավելել է, որ ի սկզբանե մտադրված չի եղել կոլաժներ ստեղծել, դա նրա հոբբին է: «Ցուցահանդես կուզենայի ունենալ, բայց քանի որ ի սկզբանե այդ աշխատանքները նախատեսված չեն եղել լայնաֆորմատ տպագրության համար, դրանք փոքր են տպագիր ցուցահանդեսի համար, իսկ համացանցի համար՝ իսկականն են»,-ասել է նկարչուհին՝ խոստանալով շարունակել աշխատանքը հոբբիի վրա: «Դեռ բազում չիրականացված գաղափարներ կան»,-հավելել է նա: Ալլա Մինգալյովայի մյուս կոլաժները կարելի է տեսնել նրա Instagram-ի էջում: Յուլիանա Լալաբեկովա/PanARMENIAN.Net  Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Գագոսյանի ճանապարհը՝ հոլիվուդյան ֆիլմի մոտիվներով    Ուշադրության կենտրոնում Բաժնի այլ նյութերըՌոբոտներ Դալին ու Մալին, դասական արվեստն ու ամսագիրը թերթելու հաճույքը  Dalma Garden Mall-ի ծրագրերն ու շոփինգի մշակույթըԴեգան, Սարյանն ու Ուրարտուն Մշակութային յուրացում՝ մեծերի թեթև ձեռքովՍկանդալն Օսկարի երկրորդ անունն է Կինոաշխարհի ամենաքննարկվող մրցանակաբաշխության դեպքերն ու դեմքերը |  Այլ հոդվածներ Վերջին լուրեր Փաշինյանին քրեական պատասխանատվության ենթարկելու պահանջով հաղորդումը դատախազությունում է Հաղորդումը կազմել են փաստաբան Արա Զոհրաբյանը և պահեստազորի գնդապետ Հայկ ՆահապետյանըՓաստաբան․ Սուրեն Պետրոսյանին մեղադրանք չի առաջադրվել՝ պետք է որ ազատ արձակվի Լրանում է Պետրոսյանի ձերբակալման 72 ժամըՍանոսյանն ու Կոպիրկինը քննարկել են ՀԱԷԿ-ի 2-րդ էներգաբլոկի շահագործման երկարաձգման հարցը Քննարկվել են նաև ենթակառուցվածքների զարգացման հարցերՓակվել է Աղդամի ռուս–թուրքական մշտադիտարկման կենտրոնը Կենտրոնը բացվել էր 2021–ի հունվարի 30-ին Թուրքիայի և ՌԴ-ի միջև ստորագրված հուշագրի հիման վրա |
