Մշակութային ճակատըԻնչպես է արվեստի աշխարհն արձագանքում ռուս-ուկրաինական պատերազմին Նկարիչները հրաժարվում են ցուցադրություններից, պատկերասրահները նկուղում են պահում արվեստի թանկարժեք գործերը, ուժայինները փշալարերով են պատում թանգարանները: 1 մարտի 2022 PanARMENIAN.Net - Պատերազմի մշակութային ճակատը մի քանի ուղղությամբ է գործում: Պայքարում են արվեստի բացառիկ նմուշների պահպանման համար, բաց նամակներով և կոչերով պահաջնում են կանգնեցնել պատերազմը, Ռուսաստանն ու ռուս արտիստներին դուրս են թողնում արվեստի չքաղաքականացված աշխարհից: Պատերազմի դեմ պայքարն ազգություն չի ճանաչում: Այս ճակատում կռվում են թե ուկրաինացի, թե արևմտյան և թե ռուս արվեստագետները: Նրանք հիշեցնում են, որ պատերազմի զոհերն ու տուժածները միայն զինվորները կամ խաղաղ բնակիչները չեն: Արվեստի եզակի գործերը ևս թիրախում են և շատ հաճախ թանկ գին են վճարում:20րդ դարի ուկրաինացի ժողովրդական նկարչուհի Մարիա Պրիմաչենկոյի 25 աշխատանք մոխիր են դարձել: Իվանկովի թանգարանն ավերվել է գրեթե ամբողջությամբ: Օդեսայի ժամանակակից արվեստի թանգարանը փշալարերով փակել է շենքը, արվեստի գործերն էլ տեղավորել նկուղում: Այս և այլ փաստեր ի մի բերելով Ուկրաինան ՅՈՒՆԵՍԿՕ-ին կոչ է արել կասեցնել Ռուսաստանի անդամակցությունն այդ կազմակերպությանը: Հաշվի առնելով արևմուտքի ցասումը և պատժամիջոցների նորանոր փաթեթները, այս սցենարը ևս բացառել պետք չէ:
Միջազգային տարբեր կազմակերպություններ, թանգարաններ և արտիստներ մեկը մյուսի հետևից չեղարկում են Ռուսաստանում իրենց ցուցադրությունները, դադարեցնում համագործակցությունը, կասեցնում պայմանագրերը: Նյու Յորքի Մետրոպոլիտեն Օպերան օրինակ այլևս չի համագործակցի Վլադիմիր Պուտինին աջակցող և նրանից աջակցություն ստացող արտիստների և կազմակերպությունների հետ: Դիրիժոր Վալերի Գերգիևին հեռացրել են Մյունխենի ֆիլհարմոնիկ նվագախմբի ղեկավարի պաշտոնից: Ռուսաստանի ղեկավարությանը չդատապարտելու և Պուտինի մտերիմը լինելու պատճառով Գերգիևի հետ գործակցությունը դադարեցրել է նաև իտալական «Լա Սկալա»-ն: Գերմանական մի կազմակերպություն որպես բողոքի նշան դադարեցնում է Տրետակովյան պատկերասրահի հետ համատեղ ցուցահանդեսը: Արևմտյան մի շարք արտիստներ փակում են իրենց անհատական ցուցահանդեսները Ռուսաստանի տարբեր թանգարաններում: Ռուսաստանի կառավարության և անձամբ նախագահ Պուտինի դեմ «մշակութային պատժամիջոցներ» են կիրառում ոչ միայն արտասահմանցի, այլև ռուս արվեստագետները: Ռուսաստանը չի մասնակցի Վենետիկի 59-րդ միջազգային բիենալեին: Սա արվեստի աշխարհում ամենանշանակալի իրադարձություններից մեկն է, որի գլխավոր նպատակներից մեկն արվեստի լեզվով մարդկանց երկխոսության հարթակ տրամադրելն է: Ռուսաստանի տաղավարի համադրողները հրաժարվել են մասնակցությունից, պատճառաբանելով, որ արվեստի համար տեղ չի մնում այն աշխարհում, որտեղ մարդիկ մահանում են ավիահարվածներից:
Ռուսաստանում ապրող և ստեղծագործող տասնյակ նկարիչներ, երգիչներ և դերասաններ ևս դեմ են պատերազմին: Նրանց մի մասը բողոքն արտահայտում է սոցցանցերում, մյուսները հրաժարվում են տարբեր նախագծերում իրենց մասնակցությունից կամ չեղարկում են համերգները: Կան նաև դեպքեր, երբ թանգարանների և թատրոնների տնօրենները հեռանում են պաշտոնից ու լքում են երկիրը: Մշակութային բողոքի այս ակորդն, իհարկե, հատկապես ուժեղ է հնչում արևմուտքում: Արևմտյան ամենահայտնի դեմքերը միլիոնավոր դոլարների նվիրատվություններ են անում, օգնում են փախստականներին կամ էլ նվազագույնը սոցցանցերում և հարցազրույցներում դատապարտում են Ռուսաստանի իշխանությանը: Ռոբերտ Դե Նիրոն օրինակ, Քեմբրիջի համալսարանում ուսանողների հետ հանդիպման ընթացքում կոչ է արել անտարբեր չլինել, իրերն իրենց անունով կոչել և ագրեսիան կանգնեցնելու համար ինչ-որ բան անել: Փոլ ՄաքՔարթնին հիշել է 2008-ին Ուկրաինայում կազմակերպված համերգը, Շերն էլ կոչ է արել օգնել ուկրաինացի եղբայրներին և քույրերին ու դատապարտել այն ագրեսորներին, որոնք ինչքան էլ ուտում են, քաղցած են մնում:
Եվ վերջում, կարծես թե արևմտյան մշակութային պատժամիջոցները հասնում են նաև Հայաստան: Ամերիկյան The Walt Disney Company-ն կասեցրել է Ռուսաստանում իր ֆիլմերի ցուցադրումը, Warner Bros-ն էլ հետաձգել է «Բեթմեն»-ի պրեմիերան: Հայաստանի կինոթատրոնները հոլիվուդյան ֆիլմերը Ռուսաստանից են ստանում՝ ռուսերեն թարգմանությամբ: Սա նշանակում է, որ ռուս-ուկրաինական պատերազմն ու դրա հետևանքները տհաճ կլինեն նաև Բեթմենի հայ երկրպագուների համար: Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Գագոսյանի ճանապարհը՝ հոլիվուդյան ֆիլմի մոտիվներով Բաժնի այլ նյութերը Ռոբոտներ Դալին ու Մալին, դասական արվեստն ու ամսագիրը թերթելու հաճույքը Dalma Garden Mall-ի ծրագրերն ու շոփինգի մշակույթը Դեգան, Սարյանն ու Ուրարտուն Մշակութային յուրացում՝ մեծերի թեթև ձեռքով Սկանդալն Օսկարի երկրորդ անունն է Կինոաշխարհի ամենաքննարկվող մրցանակաբաշխության դեպքերն ու դեմքերը | Կկրճատվի հիվանդությունների ցանկը, որով զորակոչի ենթակաները ոչ պիտանի են ճանաչվում Գիշերամիզությունը, թեթև մտավոր հետամնացությունը, կիստաները այլև բանակից ազատվելու հիմք չեն լինի Team-ը` CaseKey կրթական ակադեմիայի գործընկեր Վերապատրաստման ծրագրի ավարտին թիմերին կներկայացվի իրական բիզնես խնդիր, որը պետք է լուծել ՌԴ–ում կոմերցիոն կազմակերպություններն այլևս չեն կարողանա ռուսաց լեզվի քննություն անցկացնել միգրանտների համար Նոր պահանջը կգործի մայիսի 1–ից Մարուքյան. Համոզում էին, որ եթե ռուս խաղաղապահը դուրս գա ԼՂ-ից, սկանդինավյանը կգա՝ սպասում ենք «Այս ամենն ասողները թո՛ղ դուրս գան ու պահանջեն, որ սկանդինավյան խաղաղապահները գան Արցախ»,–գրել է նա |