Մեծածախ Ինտերնետի օպերատորները Հայաստանում մասնակիորեն անցկացրել են գլխավոր լայնաշերտ ցանցը

PanARMENIAN.Net - Այդ միջոցին, ինչպես հայտնեց "ԱրմենՏել" ՓԲԸ գլխավոր տնօրեն Իգոր Կլիմկոն, "ԱրմենՏելը" չի կարող որպես հրավիրված հանդիսատես մասնակցել "Արմիքս" Ինտերնետ-թրաֆիքի փոխանակման հիմնադրամի ստեղծման մասին հայտարարման հրապարակային արարողությանը: Դրա հետ մեկտեղ նա նշեց. "Հաշվի առնելով այդ խնդրի խորությունն ու բարդությունը` մենք բաց ենք առաջարկների համար: Կենտրոնի ստեղծման գաղափարը բազմիցս հնչեցվել է իմ կողմից հարցազրույցներում և Ինտերնետ-շուկայի մասնակիցների հետ անձնական հանդիպումների ժամանակ: Թրաֆիքի փոխանակման հարցում "ԱրմենՏելը" միշտ խնդրի ունիվերսալ լուծման կողմից է եղել, որն արդեն կայացավ տեղական թրաֆիքի փոխանակման կարգի հաստատման մասին Հանրային ծառայությունների կարգավորման հանձնաժողովի կողմից որոշման ընդունմամբ": Նրա խոսքով, այդ հարցի կարգավորման անհրաժեշտություն չէր առաջանա, եթե որոշ օպերատորներ պիրինգային միացությունների սահմանափակումները չօգտագործեին որպես մրցակցության միջոց: "Այժմ, երբ հարցը լուծված է Կարգավորիչի միջամտության շնորհիվ, "ԱրմենՏելի", ինչպես նաև նախաձեռնությանը չմասնակցող (իսկ դրանց թիվը շատ է) այլ խոշոր օպերատորների միացումը բացառապես կոմերցիոն շահի հարց է",- գտնում է Իգոր Կլիմկոն: DETECON-ը կներկայացնի Հայաստանում Ինտերնետի ենթակառույցի դիտարկման արդյունքները: Եվրոպայի DETECON ամենախոշոր քոնսալթինգային ընկերություններից մեկը (Գերմանիա) առաջարկում է Հայաստանում ցանցի եռաստիճան հիերարխիա նախագծել: Ընթացիկ ամսվա վերջին ընկերությունը վերջնական զեկույց կներկայացնի, որն իր մեջ ներառում է Հայաստանի հեռահաղորդակցության ենթակառույցի համակողմանի հետազոտությունը: Վերջինս անցկացվում է մեծ արագությամբ լայնաշերտ Ինտերնետ-ցանցի ստեղծման նախագծի շրջանակներում: Հետազոտելով շուկան` ընկերությունը հանգել է այն եզրակացությանն, որ մեծածախ ինտերնետի երեք օպերատորներ Հայաստանում արդեն մասնակիորեն անցկացրել են գլխավոր լայնաշերտ ցանցը: DETECON-ն առաջարկում է զարգացնել ներտարածաշրջանային օղակային ցանցը, իսկ հետո արդեն կապը հասցնել վերջնական սպառողներին հասանելիության ցանցերի օգնությամբ:

Բարձր արագությամբ լայնաշերտ Ինտերնետ-ցանցի ստեղծման ծրագրի նպատակն է ապահովել Ինտերնետի թափանցումը Հայաստանի ողջ տարածք: Նախնական հաշվարկներով, ծրագրի իրականացումը կսկսվի 2010թ. վերջին և 3-ից 5 տարի կշարունակվի, իսկ դրա իրագործման համար ծրագրվում է $24 մլն հատկացնել: Հայաստանում բարձր արագությամբ լայնաշերտ Ինտերնետ-ցանցի շինարարությունը տեխնոլոգիաների մրցունակության բարձրացման` Համաշխարհային Բանկի հետ համատեղ իրագործվող ծրագրի մի մասն է: Ցանցի շինարարության տենդերը կհայտարարվի ընթացիկ տարվա հունիս-հուլիս ամիսներից ոչ շուտ:

Դրա հետ մեկտեղ Հայաստանում անցկացվում է հաճախականական սպեկտրի ցուցակագրում, որի կարևոր նպատակն է ի հայտ բերել "թվային դիվիդենտը" - այն հաճախականական դիապազոնը, որը հասանելի կլինի թվային հաղորդակցությանը անցնելուց հետո: Այս մասին PanARMENAIAN.Net-ի թղթակցին հաղորդել է Ազգային մրցունակության հիմնադրամի նախագծերի ղեկավար Արմեն Ղալումյանը: ”2015 թ. թվային հեռուստա և ռադիոհաղորդակցության անցնելուց հետո, հաճախականությունների նշանակալի դիապազոնը կարող է գտնել այլընտրանքային կիրառում, այդ թվում WiMax կապը մինչև վերջնական սպառողը հասցնելու համար”, - ասել է նա:

"ՎիմպելԿոմ" ընկերությունն առաջին անգամ հետխորհրդային տարածքում` Ղազախստանի Ալմաթա և Աստանա քաղաքներում 4G ստանդարտի կապի հաջող թեստավորում է անցկացրել LTE (Long Term Evolution) տեխնոլոգիայի հիման վրա: Ընկերության ներկայացուցիչների խոսքով, Ղազախստանի փորձը 4G ցանցերի տարածման ժամանակ կօգտագործվի "ՎիմպելԿոմի" ներկայության մյուս տարածաշրջաններում: Ավելի վաղ PanARMENIAN.Net ին տված հարցազրույցում "ԱրմենՏելի"` Հայաստանում "ՎիմպելԿոմի" դուստր ձեռնարկության գլխավոր տնօրեն Իգոր Կլիմկոն նշել էր, որ թեստային ցանցի հաջող գործարկման դեպքում "ՎիմպելԿոմը" տեխնոլոգիան կտեղափոխի իր ներկայության երկրներ, այդ թվում` Հայաստան: Նրա խոսքով, Հայաստանում LTE ցանցի շինարարության ծրագրերի վրա ազդելու է նաև Հայաստանում ցանցի կառուցման թույլատրելի հաճախականության դիապազոնի մասին կարգավորիչի որոշումը:

Orange Armenia-ի բաժանորդների թիվը հասել է 250 հազարի: Այդ մասին լրագրողներին հաղորդեց Orange Armenia-ի գլխավոր տնօրեն Բրունո Դյութուան: Դրա հետ մեկտեղ մինչև 2010թ. առաջին կիսամյակի ավարտը ընկերությունը ծրագրում է երկու անգամ հզորացնել բջջային Ինտերնետի ցանցերը:

NeoMedia ընկերությունը թողարկել է Armenix միկրոբլոգինգի ծառայությունը: NeoMedia նախագծի ղեկավար Վարդան Պապիկյանի խոսքով, Միկրոբլոգինգի անհրաժեշտությունը հայկական համակարգում ամենից առաջ կապված է տեղական իրադարձություններին հետևելու հետ, քանի որ Հայաստանը դեռ ներգրավված չէ trending topics Twitter-ում (ամենաքննարկվող թեմաներ): Նոր ծառայությունը նպաստելու է Ինտերնետ-բովանդակության զարգացմանը և հայկական բլոգոսֆերայի ակտիվացմանը:

Անցյալ շաբաթ ամբողջ աշխարհում լայն տարածում ունեցող Facebook սոցիալական ցանցում ինտերնետ-գովազդը հասանելի է դարձել հայկական ընկերությունների համար: Իր գովազդատուներին Facebook-ի կողմից տրամադրված տվյալների համաձայն, Հայաստանում ավելի քան 50 680 մարդ Facebook սոցիալական ցանցից են օգտվում: 22 220 օգտվողներ արական սեռին են պատկանում, 26 500-ը` իգական: Alexa.com վարկանիշային համակարգի վիճակագրության համաձայն, Facebook.com ամերիկյան սոցիալական ցանցը Հայաստանում ամենաշատ այցելվող սոցիալական ցանցերի շարքում երկրորդն է: Ամբողջ աշխարհում Facebook.com-ից օգտվում են ավելի քան 400 միլիոն մարդ, որոնց 70%-ը ԱՄՆ սահմաններից դուրս են բնակվում: Դրա հետ մեկտեղ, Հայաստանում Odnoklassniki.ru ռուսական սոցիալական ցանցից օգտվողների թիվը գերազանցում է 300 000-ը, իսկ մեկ այլ ռուսական սոցիալական ցանցից` Vkontakte.ru-ից օգտվում են 155 083 մարդ:

Հայաստանի կառավարությունը գրեթե 10 անգամ դիմել է Google-ին իր որոնման ինդեքսից այս կամ այն Ինտերնետ-աղբյուրը ջնջելու խնդրանքով, բայց և այնպես դիմումներից ոչ մեկը չի բավարարվել: Նման տեղեկատվություն է տրամադրել Google ընկերակցությունը "Կառավարական հարցադրումներ" (Government Requests) անունը կրող իր նոր գործիքի միջոցով: Online-գործիքը հիմնված է Google Map հավելվածի վրա, էլեկտրոնային քարտեզի վրա նշվում է 2009 թվականի հուլիսից դեկտեմբեր ամիսներին Google ընկերակցությանն ուղղված կառավարությունների դիմումների քանակը` օգտվողների անհատական տեղեկատվության տրամադրման կամ Google որոնումից տեղեկատվություն ջնջելու մասին հարցադրումներով: Այդպիսով ընկերակցությունը շարունակում է պայքարել Ինտերնետ-ցենզուրայի հետ: Երկրների մեծ մասի դիմումները Google-ին, այդ թվում նաև Հայաստանի դեպքում տասից պակաս են: Օգտվողների մասին տեղեկատվության հարցադրումների ցուցակում առաջատարներն են Բրազիլիայի կառավարությունը` 3663, ԱՄՆ` 3580, Մեծ Բրիտանիայի` 1166, Հնդկաստանի` 1061 և Ֆրանսիայի կառավարությունը` 846 հարցադրում: