Հայ աստղերի համար անակնկալ չէր Սոնա Շահգելդյանի մեծ հաջողությունըՀզոր վոկալով աչքի են ընկել «Նովայա վոլնա» մրցույթի տարբեր տարիների գրեթե բոլոր հայ մասնակիցները, սակայն նրանց բոլորին ինչ-որ բան պակասել է հաղթանակի համար «Նովայա վոլնա» մրցույթի գոյության 10 տարվա մեջ առաջին անգամ հաղթող ճանաչվեց հայ երգչուհին: Այս տարի Հայաստանը ներկայացնում էր Սոնա Շահգելդյանը` նա հաղթեց ընտրական փուլում, որը տեղի ունեցավ ընթացիկ տարվա ապրիլին: Սոնայի հիանալի վոկալային տվյալների և ձայնի անսովոր տեմբրի մասին վաղուց էին խոսում: Սակայն հզոր վոկալով աչքի են ընկել «Նովայա վոլնա» մրցույթի տարբեր տարիների գրեթե բոլոր հայ մասնակիցները, սակայն նրանց բոլորին ինչ-որ բան պակասել է հաղթանակի համար: Ժյուրին ավանդաբար իր հիացմունքն էր հայտնում Հայաստանից ժամանած երգիչներին, սակայն ամեն անգամ նրանց չէր բավականացնում մի քանի, կամ նույնիսկ մեկ միավոր հաղթանակի համար: Այդպես եղավ նաև Ռազմիկ Ամյանի դեպքում, որը մասնակցեց մրցույթին 2006-ին, երբ բոլորը հիացմունքով էին խոսում երգչի յուրահատուկ ձայնի մասին, սակայն հաղթեց ԱՄՆ-ի ներկայացուցիչը: Մոտավորապես նույն իրավիճակն էր Մհերի դեպքում` նա մասնակցեց մրցույթին 2008 թվականին: Այն ժամանակ նա արժանացավ հանդիսատեսի համակրանքի մրցանակին, սակայն առաջին տեղը չգրավեց: 5 օգոստոսի 2010 PanARMENIAN.Net - Սակայն Սոնա Շահգելդյանն իսկական ֆուրոր առաջացրեց վերջին մրցութային օրը: Այդ օրը նա յուրօրինակ ռեկորդ սահմանեց` ստանալով ժյուրիի բոլոր անդամների միաձայն բարձրագույն գնահատականը (բոլորը նրան 11 միավոր տվեցին): Այդպիսով Սոնան դարձավ «Նովայա վոլնա 2010»-ի հաղթողը, հավաքելով 288 միավոր և ստանալով նվիրական արձանիկն ու արժանանալով 50 000 եվրո մրցանակի: Սոնա Շահգելդյանի հաղթանակը ակտիվ քննարկումների առիթ հանդիսացավ հայ երգիչների շրջանում: Մասնավորապես, երգչուհի Լիանան մրցույթում Սոնայի հաղթանակի գրավականներից մեկը համարեց նրա աշխատասիրությունը: «Կարծում եմ, որ ոչ ոքի համար գաղտնիք չէ, որ Սոնա Շահգելդյանը տաղանդավոր երգչուհի է: Նրա ելույթը Յուրմալայում լավագույնն էր մասնակիցների թվում: Ես գտնում եմ, որ դա Սոնայի կատարած մեծ աշխատանքի արդյունքն է, որը ստացավ իր արժանի գնահատականը»,-ասել է Լիանան: Խիստ ժյուրին գնահատեց նաև ռիթմիկ և աշխույժ «Կորուստ թե գանձ» երգը, որը կազմակերպիչները չգիտես ինչու համառորեն անվնաում էին «Հորուստ թե գանձ», ինչը բազմաթիվ մեկնաբանությունների առիթ տվեց: Խոսակցությունների առիթ տվեց նաև «Նովայա վոլնա» մրցույթի մուսա Ալլա Պուգաչովայի բացակայությունը: Ռուսական մամուլն այդ առիթով իրարամերժ նյութեր էր հրապարակում: «Կռուտոյը նրան ավելի փոքր հոնորար էր առաջարկել, քան նախորդ տարիներին, դա դուր չեկավ Ալլային, նա նույնիսկ ասաց, որ եթե ուսանողուհի էլ լիներ, չէր համաձայնվի երգել նման գումարի դիմաց»,-ասում էին երգչուհու շրջապատում,-գրում է ռուսական ինտերնետ պորտալներից մեկը: Իսկ մրցույթի նախագահ Ալեքսանդր Ռումյանցևը արժանի ելք գտավ այդ իրավիճակից. «Ամեն տարի պահպանվում է մրցույթի ինտրիգը` կմասնակցի՞ Ալլա Պուգաչովան թե ոչ, կընդգրկվի՞ Ռայմոնդ Պաուլսը ժյուրիի կազմում: Իրականում, նույնիսկ լավ է անտեղյակ պահել հանրությանը: Թող գան և տեսնեն»,-ասել է նա: Սակայն, լուրերը լուրեր, բայց համաշխարհային շոու-բիզնեսի ներկայացուցիչների պակաս Յուրմալայի բեմում չէր զգացվում: Ինչպես նախորդ տարիներին, այս տարի ևս «Ձինտարի» համերգասրահն ընդունեց համաշխարհային անունով արտիստների: Մրցույթը բացեց ամերիկուհի Թոնի Բրեքսթոնը: Նա կատարեց մի քանի նոր և սիրված երգեր` ուրախացնելով իր բոլոր երկրպագուներին: Մրցույթի փակմանը երգեց ֆրանսիացի աստղ Լարա Ֆաբիանը: Կատարելով երեգ հայտնի երգ` նա երգեց հատուկ իր համար «Նովայա վոլնա» մրցույթի հիմնադիրներից մեկի` կոմպոզիտոր Իգոր Կռուտոյի գրած մեղեդին: Այդ կատարման ժամանակ հայերին ևս մեկ անակնկալ էր սպասում: «Այս մեղեդիում դուդուկի պարտիան կատարելու համար ես հրավիրել եմ այդ գործիքի անզուգական վարպետ, մեծն Ջիվան Գասպարյանին»,-ասաց Իգոր Կռուտոյը և բեմ հրավիրեց Գասպարյանին, որտեղ էլ նա հանդես եկավ իր թոռան`նույնպես Ջիվան Գասպարյանի հետ` ստիպելով հանդիսատեսին արտասվելու չափ հուզվել: Ինչ վերաբերում է «Սոնա Շահգելդյանի կյանքին մրցույթից հետո», ապա առաջինն, ինչը նա խոստացավ անել, դա դրամական պարգևի մի մասը անտուն կենդանիներին նվիրավաբերելն էր: Մանե Ամիրջանյան / PanARMENIAN News Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Dalma Garden Mall-ի ծրագրերն ու շոփինգի մշակույթը Բաժնի այլ նյութերը Ձև ու ծավալ ստացած Ազնավուրյան մեղեդին Բացվել է քանդակագործ Մկրտիչ Մազմանյանի ինտերակտիվ ցուցահանդեսը Արվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներով Դեգան, Սարյանն ու Ուրարտուն Մշակութային յուրացում՝ մեծերի թեթև ձեռքով | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |