  ԵԽԽՎ ղեկավարը ամենից առավել կարևորում է հայկական և ադրբեջանական պատվիրակությունների բանակցությունները 30 սեպտեմբերի 2013 - 16:22 AMT PanARMENIAN.Net - «Ինչպես գիտեք, գալիք տարվա հունվարին կավարտվի իմ մանդատի գործողության ժամկետը ԵԽԽՎ նախագահի պաշտոնում: Այդ սեղմ ժամկետում ես ի սրտե կցանկանայի կազմակերպել Ադրբեջանի ու Հայաստանի պատվիրակությունների հանդիպումը: Ես վստահ չեմ, որ նման հանդիպում տեղի կունենա ընթացիկ նստշրջանում»,-հայտարարել է ԵԽԽՎ նախագահ Ժան-Կլոդ Մինյոնը` պատասխանելով ԵԽԽՎ աշնանային նստաշրջանի ընթացքում Վեհաժողովի Լեռնային Ղարաբաղի գծով ենթակոմիտեում հայկական և ադրբեջանական պատվիրակությունների հանդիպում կազմակերպելու մասին հարցին, հայտնում է «ԱՊԱ» գործակալությունը: Նա նշել է, որ նստաշրջանում բոլորը լարված աշխատանքային ժամանակացույց ունեն: «Չեմ կարծում, որ մենք կկարողանանք նման հանդիպում կազմակերպել: Բայց մենք որոշել ենք, որ երկու պատվիրակությունների միջև հանդիպումներն իմ մասնակցությամբ կշարունակվեն: Ես ամեն ինչ կանեմ, որպեսզի ապագայում ևս կազմակերպեմ երկու երկրների պատվիրակությունների հանդիպումները: Այդ հարցը ԵԽԽՎ նախագահի պաշտոնում իմ գործունեության ամենակարևոր կողմն է և ես ուրախ եմ, որ կարողացա նման արդյունքների հասնել»,-հայտարարել է Ժան-Կլոդ Մինյոնը: Այսօր Ստրասբուրգում բացվում է ԵԽԽՎ աշնանային նստաշրջանը: ԵԽԽՎ նստաշրջանին մասնակցելու նպատակով աշխատանքային այցով Ֆրանսիայի Հանրապետություն այսօր կմեկնի նախագահ Սերժ Սարգսյանը: ԵԽԽՎ նստաշրջանում ակնկալվում է հրատապ բանավեճ սիրիական կարգավորման վերաբերյալ: Բացի այդ, ԵԽԽՎ-ն մտադիր է քննարկել մոնիտորինգի անցկացման կարգի բարեփոխման հարցը: Զեկույցով հանդես կգա էստոնացի խորհրդարանական Անդրեաս Հերկելը: Զեկույցում, մասնավորապես, հիշատակվում է ռուսական պատվիրակության առաջարկը ըստ երկրների մոնիտորինգի սկզբունքից հրաժարվելու մասին՝ անցում կատարելով կոնկրետ խնդիրների վերաբերյալ թեմատիկ մոնիտորինգին: Բացի այդ, նստաշրջանի առաջին օրը Եվրոպայի պալատում կայանալիք հանդիսավոր արարողությանն առաջին անգամ հայտնի կդառնա Վացլավ Հավելի իրավապաշտպանական մրցանակի դափնեկիրը, որը հանձնվում է Եվրոպայում ու նրա սահմաններից դուրս մարդու իրավունքների պաշտպանության համար: ԵԽԽՎ աշնանային նստաշրջանը մեկնակել է սեպտեմբերի 30-ին և աշխատանքը կշարունակի մինչև հոկտեմբերի 4-ը: Հղումներ թեմայով.    Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը:  Ուշագրավ Նա սուտ է անվանել այդ տեղեկությունները Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը   Ամենաընթերցվողը բաժնում |  Սյուժե Վերջին լուրեր ՊՆ․ Զինծառայողների հարազատները ծանրոցներ ուղարկում են բացառապես կամավոր  Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում ենԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվելԲելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանումՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |
