Թումանյանի թբիլիսյան տունը նորից «Վերնատուն» է դարձել և կգործի որպես մշակութային կենտրոն 9 հունիսի 2015 - 13:15 AMT PanARMENIAN.Net - Ամենահայն հայոց բանաստեղծ Հովհաննես Թումանյանի թբիլիսյան բնակարանը, որը հունիսի 8-ին հանդիսավոր արարողությամբ ամբողջությամբ փոխանցվել է Վիրահայոց թեմին, կոչվելու է «Մշակույթի և արվեստի թումանյանական Վերնատուն» և գործելու է որպես հայ-վրացական մշակութային և ստեղծագործական կապերի զարգացման ու խորացման մշակութային օջախ, հայտարարել է ՀՀ Գրողների միության նախագահ Էդվարդ Միլիտոնյանը, հայտնում է Tert.am-ը: Նա մասնավորապես ասել է. «Վերնատուն» սրահն է վերականգնվել, և փաստորեն, ողջ բնակարանը դառնալու է մշակույթի կենտրոն: Արդեն էն գլխից նախատեսված էր, որ դա լինելու է Թումանյանի մշակույթի տուն»: Հովհաննես Թումանյանի Թբիլիսիի տունը գտնվում է Դավիթաշվիլու 18 հասցեում, որտեղ Թումանյանն ապրել է 1909-1923 թթ-ը, իսկ 1952 թ-ին տան իրերը տեղափոխվել են Երևան: 6 սենյակներից 4-ը վերածվել էին գրադարանի, իսկ մյուս 2-ը` մնացել գրողի ժառանգներին: Արարողությանը ներկա են եղել Հայաստանի ու Վրաստանի գրողների միության նախագահները, Վրաստանի գրողների միության քարտուղար Մաղվալա Գոնաշվիլին, Վիրահայոց թեմին կից գործող «Հայարտուն» կենտրոնի և Վրաստանում ՀՀ դեսպանության աշխատակիցներ: Անկախացումից հետո Վրաստանը Թումանյանի տունը «պահպանելու համար» պարտք է վերցրել Լեժավա ազգանունով մեծահարուստից, և այն չի մարել, այդ պատճառով պարտքերի դիմաց տունն անցել է նրան: Դեռ 2004 թ-ին Լեժավան առաջարկել է վաճառել այն ընդամենը 25 հազար դոլարով: Լուրեր էին պտտվում, որ բնակարանը ցանկանում է գնել Turan Georgia դիզայներական ընկերությունն իր բանվորների համար: Մամուլում և սոցիալական ցանցերում հարցը լայն արձագանք ստացավ, որից հետո բնակարանը գնեց Գյումրու նախկին քաղաքապետ Վարդան Ղուկասյանը, ով այն տվեց Գրողների միությանը: ՀԳՄ նախագահ Լևոն Անանյանն էլ տան բանալիները հանձնեց Վիրահայոց թեմի առաջնորդ Վազգեն եպիսկոպոս Միրզախանյանին: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը ՔԿ․ «Էվրիկա»-ի տարբեր հասցեներում խուզարկություններ են ՊԵԿ-ն «Էվրիկա»-ին տուգանել է 10 մլն դրամով Ապրիլին 614 հարկ վճարող մոտ 251 մլն դրամի ՀԴՄ կիրառման կանոններ է խախտել Տուգանքի չափը կազմել է մոտ 251 մլն դրամ Ակբա բանկը 50 մլն եվրո կուղղի ՀՀ-ում ՓՄՁ-ների զարգացմանը ՎԶԵԲ-ն առաջին անգամ Հայաստանում կկիսի ֆինանսական կառույցի կողմից տրամադրված վարկերի վերադարձելիության ռիսկը |