ՄԱԿ-ում ներկայացվել է Լոռու ՍՄԱՐԹ նորարարական նախաձեռնությունը28 հուլիսի 2017 - 11:46 AMT PanARMENIAN.Net - Հայաստանը հզոր ներուժ ունի բազում ոլորտներում, այդ թվում՝ գաղափարների ուսումնասիրության և իրագործման: Այդ մասինՄԱԿ-ումհայտարարել է կազմակերպությունումՀՀ մշտական ներկայացուցիչ, դեսպան Զոհրաբ Մնացականյանը «Կայուն զարգացման նպատակների իրագործմանն ուղղված հանրօգուտ ներդրում և նորարարություն» խորագրով քննարկումների ժամանակ: Կայուն զարգացման հարցերով ՄԱԿ-ի քաղաքական բարձրաստիճան ամենամյա ֆորումի շրջանակներում ՄԱԿ-ում ՀՀ մշտական ներկայացուցչությունը և ՄԱԿ-ի Զարգացման ծրագիրը Նյու Յորքում՝ կազմակերպության գլխամասային գրասենյակում, անցկացրել են կլոր սեղան-քննարկում: Հայաստանի մանուկներ հիմնադրամի (COAF) խորհրդի ատենապետ դոկտոր Գարո Արմենըներկայացրել է COAF-ի նորարարական ՍՄԱՐԹ նախաձեռնությունը. Ժամանակակից հաղորդակցական տեխնոլոգիաների և անգլերենի կատարելագործման շնորհիվ այն կապ է ապահովում Հայաստանի գյուղերի բնակչության և աշխարհի միջև. «Այս մոտեցման նպատակն է հայ գյուղացուն հասանելի դարձնել լավագույն կրթությունն ու մասնագիտական վերաորակավորումը։ Այս կերպ գյուղական համայնքների առաջընթացի թռիչքային մեկնարկը կտանք»։ 2015 թվականի դեկտեմբերին Նյու-Յորքում անցկացված միջոցառման ընթացքում COAF հիմնադրամը ավելի քան $3.7 մլն հավաքեց Լոռիում կենտրոնը հիմնելու համար: Կենտրոնը տեղակայվելու է Դեբետ գյուղի մերձակայքում, այնտեղ դասավանդվելու են անգլերեն, արվեստ, երաժշություն, օրգանական գյուղատնտեսություն, սպորտ, առողջապահություն և այլ առարկաներ: Ներկայացնելով հիմնադրամի գործունեությունը և Հայաստանի գյուղական համայնքների հզորացման իրենց տեսլականը նա նշել է, որ COAF-ի նորարական մոդելի շնորհիվ վերջին 13 տարիների ընթացքում նոր շունչ է առել 44 գյուղ, շուրջ 67.000 մարդու կյանք է փոխվել, ասվում է հիմնադրամի հաղորդագրության մեջ: Դի Կապրիոյի նվիրաբերած գումարը կուղղվի Լոռու մարզում ՍՄԱՐԹ կենտրոնին «Մեր նպատակն է զորավիգ լինել Հայաստանի անտեսված համայնքների երիտասարդ սերնդին։ Սակայն մենք չենք կարող որակյալ կրթություն ապահովել ավերված շենքային պայմաններում»,- ասել է դոկտոր Գարո Արմենը։ Նախատեսված 20 ՍՄԱՐԹ կենտրոնները փոխելու են գյուղական Հայաստանի բնութագիրը՝ ծառայելով որպես կրթական և ստեղծագործական հանգույց այն տարածաշրջաններում, որոնք ներկայումս զուրկ են նման հնարավորությունից: Համաշխարհային նորարարության տեսանկյունից՝ դոկտոր Գարո Արմենն առաջարկել է ՍՄԱՐԹ մոդելը տեղայնացնել և գործարկել աշխարհի ցանկացած անկյունում. «Այն ունիվերսալ է ոչ միայն Հայաստանի, այլևամբողջ աշխարհի համար»։ ՄԱԿ-ի կլոր սեղան-քննարկմանը մասնակցում էին հայաստանյան այլ ազդեցիկ ձեռնարկություններ և ազմակերպություններ ևս` Սուրեն Ալոյան («Դասարան.am» կրթական ծրագիր), Մարի Լու Փափազյան (ԹՈՒՄՈ ստեղծարար տեխնոլոգիաների կենտրոն ), Քևին Ջոնս (SOCAP), Բենի Բաներջի (Stanford ChangeLabs), Միկա Ռիկկո (Sitra Fund) և Հանս Վահլ (INSEAD)։ Ընթերցեք նաև. Բեյրութից ճարտարապետական ընկերությունը Լոռիում կրթական կենտրոն կկառուցի Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները |