ԱՄՆ կոնգրեսական․ Խնդիր չէ, եթե ՀՀ-ն ցանկանում է բարեկամ լինել ՌԴ հետ, մենք պարզապես ցանկանում ենք ևս օգնել ՀՀ-ին պաշտպանվել 29 հոկտեմբերի 2022 - 11:54 AMT PanARMENIAN.Net - Վերջերս Հայաստան այցելած կոնգրեսական պատվիրակության անդամ Էնդրյու Լևինն ասել է, որ մտահոգում է Հայաստանի սահմանին տիրող իրավիճակը։ «Մենք շատ մտահոգված ենք Հայաստանի տարածքային ամբողջականության պաշտպանության հարցով: Մեզ համար անընդունելի են Հայաստանի տարածքի վրա հարձակումները, ներխուժումը կամ այլ խնդիրներ, որոնք ստեղծում է այստեղ Ադրբեջանը»,- ասել է Լևինը, գրում է «Ամերիկայի ձայնը»։ Կոնգրեսական Լևինը կարծում է, որ Հայաստանում առկա է մտահոգություն, որ Ռուսասատանը չի պաշտպանել Հայաստանին ադրբեջանական հարձակումից գոյություն ունեցող պայմանագրերի հիման վրա: «Խնդիր չէ, եթե Հայաստանը ցանկանում է բարեկամ լինել ու հարաբերություններ ունենալ Ռուսաստանի հետ: Մենք պարզապես ասում ենք, որ ցանկանում ենք ևս օգնել Հայաստանին պաշտպանվել»,- ասում է Լևինը: Խոսելով հայ-ամերիկյան ռազմական հարաբերությունների հնարավոր խորացման մասին՝ կոնգրեսական Լևինը շեշտել է՝ Հայաստանն ինքնիշխան երկիր է և ինքը պետք է որոշի, թե որն է իր առաջընթացի լավագույն ուղին: «Մենք հարգում ենք Հայաստանի ինքնիշխանությունը և հասկանում, թե ինչպիսին է նրա աշխարհագրական դիրքը: Մենք այստեղ ենք և մեկնում ենք մեր բարեկամության ձեռքը՝ պատրաստակամություն հայտնելով օգնելու Հայաստանին»,- նշում է Լևինը: Նրա պնդմամբ` ինչպես ԱՄՆ Կոնգրեսում, այնպես էլ վարչակազմում առկա է ցանկություն՝ քննարկելու Հայաստանի հետ հարաբերությունների հետագա խորացման հարցը: Կոնգրեսականը կարևորել է ամերիկացի օրենսդիրների, հատկապես խոսնակ Նենսի Փելոսիի այցերը Հայաստան: «Կարծում եմ՝ դա ի ցույց է դնում, որ ԱՄՆ Կոնգրեսը շատ հետաքրքրված է Հայաստանով, աջակցում է Հայաստանին, ողջունում և խրախուսում է Հայաստանի ժողովրդավարության զարգացումը և սկզբունքները»,- շեշտել է կոնգրեսական Լևինը: ԱՄՆ Ներկայացուցիչների պալատի Ժողովրդավարական գործընկերության հանձնախմբի (ԺԳՀ) նախագահ Դեյվիդ Փրայսի գլխավորած կոնգրեսական պատվիրակությունը Հայաստան էր այցելել հոկտեմբերի կեսին, հանդիպումներ ունեցել ՀՀ ԱԺ-ում, ՀՀ վարչապետ Նիկոլ Փաշինյանի հետ, այցելել է Ծիծեռնակաբերդի հուշահամալիր։   Ուշագրավ Նա սուտ է անվանել այդ տեղեկությունները Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը   Ամենաընթերցվողը բաժնում |  Վերջին լուրեր ԱԺ նախագահ․ Ալմաթիի հռչակագրի մասին դրույթը խաղաղության պայմանագրում ամրագրելու շուրջ համաձայնություն դեռ չկա  Նա նշել է, որ քննարկումները շարունակվում ենՎիգեն Սարգսյանից պահանջում են բռնագանձել անշարժ գույք Երևանում և ԱՄՆ–ում, նաև՝ դրամական միջոցներ Հակակոռուպցիոն դատարանը վարույթ է ընդունել հայցադիմումըՎիզլեր․ Ռազմագերիների ազատ արձակումը նախապայման է խաղաղության հասնելու համար Նա հավելել է, որ Լյուքսեմբուրգը ողջունում է Հայաստանում իրականացվող ժողովրդավարական բարեփոխումներըՓաշինյանը հանդիպել է Իրանի հոգևոր առաջնորդին Նա կմասնակցի իրանցի զոհված պաշտոնյաների և նրանց ուղեկցողների հարգանքի տուրքի արարողությանը |
