ՀԱՅ ՊԱՏԳԱՄԱՎՈՐՆԵՐԸ ՉԵՆ ՄԵԿՆԻ ԲԱՔՈՒԱդրբեջանի իշխանություններն այդպես էլ անվտանգության երաշխիքներ չապահովեցին ՆԱՏՕ-ի սեմինարի մասնակիցների համար: Այսօր Բաքվում իր աշխատանքները սկսեց ՆԱՏՕ-ի խորհրդարանական վեհաժողովի թվով 58-րդ «Rose Road» սեմինարը, որն այս անգամ կազամակերպվել է Ադրբեջանի խորհրդարանի հետ համատեղ: Միջազգային սեմինարին մասնակցում են հյուսիսատլանտյան դաշինքի 16 անդամ երկրների եւ գործընկերների ներկայացուցիչներ: Սեմինարին մասնկացելու հրավեր ստացած պետություններից միայն Հայաստանը չի մասնակցի աշխատանքներին: Պատճառն այն է, որ Ադրբեջանի իշխանությունները հայ պատվիրակների համար անվտանգության երաշխիքներ չապահովեցին: 25 նոյեմբերի 2004 PanARMENIAN.Net - Առաջին իսկ օրից Հայաստանի Խորհրդարանը հայտարարել էր, որ հետաքրքրված է սեմինարին մասնակցությամբ եւ Բաքու կուղարկի իր ներկայացուցիչներին, եթե Ադրբեջանն ապահովի նրանց անվտանգությունը: Ադրբեջանի ղեկավարները ՆԱՏՕ-ի Խորհրդարանական վեհաժողովին խոստացել էին, որ պայմաններ կստեղծեն սեմինարին հայերի մասնակցությունն ապահովելու համար: Նախագահ Իլհամ Ալիեւն անձամբ հայտարարեց, որ իշխանությունները չեն խոչընդոտի հայ պատգամավորների այցին: Սակայն միաժամանակ իշխանությունները թույլատրեցին սեմինարին հայերի մասնակցության դեմ ուղղված լայնամասշտաբ քարոզարշավը: Դա արվեց «Ղարաբաղի ազատագրման կազմակերպություն» արմատական խմբավորման ակտիվիստների միջոցով: (Վաղուց արդեն գաղտնիք չէ, որ այս կառույցի առաջնորդները խորհրդակցում են նախագահական ապարատի աշխատակիցների հետ): Կազմակերպության անցկացրած զանգվածային քարոզարշավի արդյունքում ստեղծված Բաքվի ընդհանուր մթնոլորտն անհանգստացնող է: Լուրջ հիմքեր կան կասկածելու, թե իրավապահ մարմինները կպաշտպանեին հայերին: Պրակտիկայում իշխանությունները ոչինչ չարեցին, որպեսզի Երեւանին ապացուցեն, թե մեր պատվիրակներին վտանգ չի սպառնա: Երաշխիքներ պահովելու վերջին հնարավորությունը կարող էր լինել Ազգային ժողովի նախագահ Արթուր Բաղդասարյանի նամակը ուղղված միլի մեջլիսի ղեկավար Մուռտուզ Ալեսկերովին, որում անհանգստություն էր հայտնվում հայ պատգամավորների անվտանգության վերաբերյալ: Եթե իսկապես Ադրբեջանի ղեկավարները պատրաստ լինեին ընդունել հայերին, ապա նրանք պետք է որ ինչ որ ձեւով արձագանքեին: Սակայն, Բաքուն չպատասխանեց նույնիսկ միջնորդի օգնությամբ: Այժմ Բաքվում պնդում են, թե Հայաստանն ի սկզբանե չէր պատրատվում ներկայացուցիչներ ուղարկել, սակայն մինչեւ վերջ ձգում էր, որպեսզի վարկաբեկի Ադրբեջանին: Եթե Հայաստանը ձգտեր օգուտ քաղել քարոզարշավի միջոցով, ապա կբոյկոտեր Բաքվում ընթացող բոլոր միջոցառումները: Սակայն ընդամենը երկու շաբաթ առաջ Հայաստանի Էներգետիկայի նախարարության զարգացման եւ արտաքին հարաբերությունների բաժնի ղեկավար Լեւոն Վարդանյանը մասնակցեց Բաքվում անցկացվող էներգետիկայի եւ տրանսպորտի վերաբերյալ գագաթաժողովին: Իրականում քարոզարշավով են զբաղվում ադրբեջանցիները, որոնք ուշադրությունը կենտրոնացրել են հենց ՆԱՏՕ-ի սեմինարի վրա, քանի որ տվյալ դեպքում հակահայկական հիստերիաները կարող են առավել մեծ աղմուկ հանել: Ադրբեջանցի քարոզիչները հոգ են տարել նաեւ հորինել մի լեգենդ, որով իրենց հայրենակիցներին կբացատրվի, թե ինչու հայ պաշտոնյաներին կարելի է գնալ Ադրբեջան, իսկ մասնակցել ՆԱՏՕ-ի սեմինարին` ոչ: Նախագահի աշխատակազմից ստացված հրահանգով կազմակերպվել էր տեղեկատվական քարոզարշավ` ուղղված հայ պատվիրակներ Մհեր Շահվերդյանի եւ Ալեքսան Կարապետյանի դեմ: Համաձայն լեգենդի, երկու պատգամավորներն էլ ժամանակին մասնակցել են ադրբեջանական հողերի զավթմանը»: Իշխանամետ մամուլի հաղորդմամբ, Շահգերդյանը «1992-94թթ.-ին մասնակցել է Լաչինի եւ Շուշիի գրավումներին»: Իրականում պատգամավորն այդ տարիներին սովորել է ասպիրանտուրայում, աշխատել է թեկնածուական թեզի վրա եւ ոչ մի անգամ չի եղել Ղարաբաղում: Ինչ վերաբերում է Ալեքսան Կարապետյանին, ապա նրան վերագրվում է Ֆիզուլիի եւ Ջեբրաիլի գրավմանը մասնակցելը: Ավելին, պնդում են, որ գրոհի ժամանակ ցուցաբերած դաժանության համար նա շնորհվել է «Ոսկե Խաչ» շքանշանը: Պատգամավորի կենսագրության նման կոպիտ խմբագրումը ծիծաղելի կլինի ցանկացած մեկի համար, ով ճանաչում է Կարապետյանին: Բանն այն է, որ այդ տարիներին նա Կենտկոմի սոցիալ-տնտեսական բաժնի հսկիչ էր եւ իր ձեռքին զենք չի վերցրել խորհրդային բանակում զինվորական ծառայությունն ավարտելուց ի վեր: Եւս մեկ փաստ, որը կարող է միայն ծիծաղ առաջացնել: Բաքվի մամուլի հրապարակման համաձայն, Կարապետյանը «2000թ.-ից ակտիվ անդամն է Հայաստանի խորհրդարանի «33-րդների խմբի», որը հայտնի է որպես «Քոչարյանի խումբ»: Եթե կեղծիքներին ձգտող քարոզիչները մտնեին Ազգային ժողովի պաշտոնական ինտերնետային էջը, ապա նրանք կտեղեկանային, որ Կարապետյանը չի կարող լինել «Քոչարյանի խմբի» անդամ, գոնե այն պատճառով, որ ներկայացնում է ընդդիմադիր խմբավորում: Նշենք, որ 2000թ.-ին Ալեքսան Կարապետյանն ընդհանրապես չի եղել պատգամավոր: Պարզ է, թե ադրբեջանական քարոզիչներին ինչու է հարկավոր նման էժանագին ապատեղեկատվությունը: Դրա օգնությամբ նրանք փորձում են ոտքի կանգնեցնել ժողովրդին եւ ՆԱՏՕ-ի ղեկավարությանը ցույց տալ, որ ադրբեջանցի ժողովուրդը զիջումներ չի հանդուրժի: Այդ նպատակի համար բոլոր միջոցներն ընդունելի են: Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով Բաժնի այլ նյութերը «Խաղի» մեջ վերադառնալու ցանկությամբ ՌԴ-ն փորձում է չմարգինալացվել ՀՀ-Ադրբեջան բանակցային գործընթացում Դրագոմանների ժամանակը Դեպի արդիականացված արտաքին քաղաքականություն Բարձր պաշտոնից՝ մեղավորի աթոռին 2018-ի «մեղադրյալները» | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |