Ընդդիմադիրների վերջին ելույթները տարբեր ցույցերում և մամլո ասուլիսներում ցուցաբերում են իշխանության համար պայքարում գոյություն ունեցող սոցիալական բողոքն օգտագործելու նրանց մտադրությունը և ժողովրդական բողոքի ալիքի վրա իշխանության գալու ցանկությունը: Արաբական աշխարհում վերջին դեպքերը, մասնավորապես Եգիպտոսի և Թունիսի ժողովրդական ելույթների հաջողություններն ընդդիմության մոտ հաջողությայն հույսեր են արթնանցնում, իսկ իշխանության ներկայացուցիչների մոտ՝ սեփական իշխանության պահպանման համար վտանգ: Եթե ՀՅԴ-ն և «Ժառանգությունը» դեմ են իշխանությունը բռնի ուժով փոխելուն, ապա ՀԱԿ-ն, ինչպես միշտ, ավելի արմատական է իշխանության գալու իր ձգտման մեջ: ՀԱԿ-ից փորձում է ետ չմնալ նաև Ժողովրդական կուսակցության առաջնորդ Տիգրան Կարապետյանը, որը փետրվարի 15-ի իր ցույցում նախագահի աշխատակազմին է հանձնել վերջնագիր քաղաքական և տնտեսական պահանջներով՝ սպառնալով դրանք հաշվի չառնելու դեպքում իշխանություններին փետրվարի 28-ի իր ցույցում «կարմիր քարտ» ցույց տալ:

Սփյուռքի նախարար Հրանուշ Հակոբյանի հայտարարությունն այն մասին, որ ՀՀ նախագահ Սերժ Սարգսյանը մտադիր է շտկումներ կատարել Սահմանադրությունում, որոնք ենթադրում են Հայաստանի խորհրդարանում տեղեր սփյուռքի ներկայացուցիչների համար, Հայաստանում առաջացրել է լայն հասարակական արձագանք: Նման քայլի նպատակահարմարության մասին կարծիքները հայ հասարակությանը բաժանել են երկու մասի՝ այդ գաղափարաի կողմնակիցների և հակառակորդների:

Եգիպտոսում և Թունիսում վերջին դեպքերը ցույց տվեցին այն հսկայական դերը, որը կարող են ժամանակակից քաղաքական գործընթացներում խաղալ սոցիալական ցանցերը: Վերջիններիս շնորհիվ նույնիսկ ավանդական ԶԼՄ-ների վրա լիովին հսկողության պայմաններում ընդդիմադիր ուժերը կարողացել են համակարգել իրենց բողոքի ակցիաները և փողոց դուրս բերել իշխանություններից և իրենց սոցիալական դրությունից դժգոհ միլինավոր մարդկանց:

Բաքուն մինչ օրս չի հաշտվել Ղարաբաղյան պատերազմում կրած պարտության հետ և նոր արկածախնդրության է նախապատրաստվում: Ըստ Ադրբեջանի 2011թ. բյուջեի, այդ երկրի պաշտպանության նախարարությունը հաջորդ տարի 2,5 մլրդ մանաթ կստանա (3,1 մլրդ դոլար), ինչը 1,5 անգամ գերազանցում է ՊՆ ֆինանսավորումը 2010 թվականին: Ըստ ադրբեջանական ԶԼՄ-ների տեղեկատվության, հատկացվող միջոցները կտրամադրվեն հարձակողական բնույթի զենքի ու ռազմական տեխնիկայի գնման ու արտադրության համար:

«Հզոր Թուրքիա» անհասկանալի և մարգինալ կուսակցության ներկայացուցիչների այցն Երևան դարձավ ոչ միայն ՀՀ ԱԱԾ-ի, ինչը զարմանալի չէ, այլ նաև՝ հայկական մամուլի ու որոշ փորձագետների սևեռուն ուշադրության առարկան: Ամեն ինչ հավանաբար, հաշտ ու խաղաղ կանցներ, քանի որ Հայաստան հաճախ են թուրք փորձագետներ ու քաղաքագետներ ժամանում, սակայն նրանցից ոչ մեկին ԱԱԾ չէին հրավիրել:

Երևանում տեղի ունեցած ԵԽ «Հանուն ժողովրդավարության ապագայի» համաժողովը հազիվ թե պատասխանեց հիմնական հարցին՝ ինչպիսի՞ն է լինելու ժողովրդավարության ապագան: Իր ելույթներում համաժողովի մասնակիցները բազմիցս են նշել, որ եռօրյա համաժողովի շրջանակներում անհնար է մշակել Եվրոպայում և աշխարհում ժողովրդավարության ամրապնդման բաղադրատոմսը, սակայն այդ միջոցառումը լավ առիթ է կարծիքներ փոխանակելու համար այնպիսի կարևոր հարցերի շուրջ, ինչպիսիք են մարդու իրավունքներն ու օրենքի գերակայութունը:

Պաշտոնական Բաքուն բազմիցս դիմել է ԵԱՀԿ-ին և այլ միջազգային ատյաններին՝ խնդրելով գնահատման առաքելություն գործուղել «հայկական օկուպացիայի» տակ գտնվող Ադրբեջանի տարածքներ, պնդում է Ադրբեջանի նախագահի աշխատակազմի հասարակական-քաղաքական հարցերի բաժնի վարիչ Ալի Հասանովը: «Այդ դիմումներում արծարծվում են այնպիսի հարցեր, ինչպիսիք են կենսաոլորտի ոչնչացումը Ադրբեջանի գրավյալ տարածքներում, հրկիզումները, ապօրինի բնակեցումը, զենքի և զինված ուժերի տեղակայումը, թմրանյութերի աճեցումն ու թմրանյութի արտադրությունը, մաքսանենգությունն ու այլ հարցեր»,-հայտարարել է Հասանովը, հաղորդում են ադրբեջանական ԶԼՄ-ները:

Ադրբեջանի ՊՆ և Ռազմական դատախազության տարածած հաղորդագրությունը հայ գերի Մանվել Սարիբեկյանի իբր ինքնասպանության մասին ցնցեց հայ հասարակայնությանը` ևս մեկ անգամ մեզ` հայերիս հիշեցնելով այն մասին, թե ով է մեր արևելյան հարևանը: Ադրբեջանում հայերի ջարդերը և հայ սպա Գուրգեն Մարգարյանի դաժան սպանությունը ցույց տվեցին, թե ինչի են ընդունակ Ադրբեջանի ռասիստական իշխանությունները: Այդ ամենից հետո դժվար է հավատալ հայ գերու ինքնասպանության վարկածին:

Ոչ մի ՄԱԿ հատուկ պատվիրակ չի կարող արագացնել ղարաբաղյան հիմնախնդրի կարգավորման գործընթացը: ԵԱՀԿ Մինսկի խմբի լիկվիդացումն ու, առավել ևս, նրա ընդօրինակումն այլ մակարդակում կարգելակեն անգամ այն գործընթացը, որն այժմ ընթանում է: Այդ մասին PanARMENIAN.Net ի թղթակցի հետ զրույցում հայտնել է Կովկասի ինստիտուտի տնօրեն, քաղաքագետ Ալեքսանդր Իսկանդարյանը: Նրա կարծիքով, նման հայտարարություններն ավելի շատ դասվում են քարոզչության, քան հակամարտության լուծումն արագացնելու իրական փորձերի շարքին: «Իրական արագացման համար փոխզիջումների պատրաստակամություն է հարկավոր, այլ ոչ թե հակառակը»,- ասել է Իսկանդարյանը:

Անցած շաբաթ քաղաքական քննարկումները սկսվեցին բանավեճից այն մասին, թե որքանով է նպատակահարմար ԼՂՀ անկախության ճանաչումը Հայաստանի կողմից: Սեպտեմբերի 11-ին քաղաքագետ, Կովկասի ինստիտուտի տնօրեն Ալեքսանդր Իսկանդարյանը Երևանում կայացած մամլո ասուլիսում հայտարարեց, որ Հայաստանի կողմից Ղարաբաղի անկախության ճանաչումը ոչինչ չի փոխի ղարաբաղյան հակամարտության կարգավորման բանակցային գործընթացում: «Սակայն, այն շատ բան կփոխի Հայաստանի ներքաղաքական կյանքում և քաղաքական գործիչների հարաբերությունների մեջ»,-ասել է քաղաքագետը: