 12 15.10.12 - Գրող Գոհար Նիկողոսյանի կենսապայմանները                Ֆինանսական ծանր պայմանները գրողին ստիպում են հիվանդությունը կաղամբով ու սոխով բուժելԲժշկի չի դիմում. վախենում է որոշակիացնել ժամանակը, որ մնացել է Գոհար Նիկողոսյանը չորս գրքի հեղինակ է: Վերջինը՝ «Լրջացող խաղ» ժողովածուն, մի քանի օր առաջ է լույս տեսել: Գրում է հիմնականում պատմվածքներ: «Ինձ մահն է խոսեցրել, բայց գրիչը չեմ վերցրել բողոքելու ու տրտնջալու համար»,- ասում է գրողը: Առաջին լուրջ գործը՝ «Ինքնամոռացում» պատմվածքը, հենց մահվան տրամադրությամբ է: «Արյունս հեռացավ ինձանից», -գրել է հեղինակը 20 տարի առաջ ու այսօր էլ միանգամից հիշում է հարազատ տողը:   15 հոկտեմբերի 2012PanARMENIAN.Net - «Հանճար չեմ, չեմ էլ փորձում լինել կամ ձևանալ»,- իրեն ու իր ստեղծած գրականությունն է ներկայացնում: Բայց հանճարների կյանքի պես իրենն էլ հեշտ չի եղել: 48 տարեկան է: Մանկությունն է միայն երջանիկ անցել, հետո երկարատև սև փուլ է սկսվել: Աշխատել է ամենածանր պայմաններում, ամուսնացել քանդակագործի հետ, հետո պարզել , որ ստեղծագործող զույգերի մասին ասվածը անհիմն չէ. անհատականնությունները բախվում են: Խորացող հիվանդությունն ու մահվան վախն ուղեկցվում էին անտեսված լինելու զգացումով ու իրավիճակն ավելի անկայուն դարձնում: Արդյունքում ամուսնալուծվեցին: Երկու երեխաներից մեկը մնաց հոր, մյուսը իր մոտ: «Իրական վթարված մարդ էի, բայց հիմա երեխաներս կողքիս են: Այն ժամանակից հիվանդությունս է միայն, որ կրկնվում է»: Դեռ 1995 թ-ին վիրահատվել է: Հիմա բժշկի չի դիմում. վախենում է որոշակիացնել ժամանակը, որ մնացել է: Ասում է մահվան պատրաստ է, բայց ավելի՝ ապրելուն: «Կիսատ ոչինչ չեմ թողել, միայն գրքեր, բայց ինձնով գրականությունը շատ բան չի կորցնի»,- ժպտալով, բայց խոնավ աչքերով շարունակում է խոսել. «Կաղամբը, սոխը օգնում են, թեթևացնում են վիճակս…»: Բուժվելու ու պայքարելու համար միջոցներ են հարկավոր, որոնք չունի և վաստակել չի կարողանում: «Ինձ նման մարդը չի կարող կայուն աշխատանք գտնել: Ծանր կաթսան վերցնում եմ, քիչ է մնում ուշաթափվեմ, մաքրություն անելիս հաճախ դուրս ու ներս եմ անում, վիճակս ավելի է վատանում: Գիրքերս վաճառելով եմ հացի ու դեղի փող վաստակում: Իսկ դրանք հրատարակվել են պետպատվերով և աջակցությամբ՝ ամերիկահայ գրող Սոնա Վանի, սրբազան արքեպիսկոպոս Մեսրոպ Աշճյանի, «Աղբյուր» հանդեսի, Գրողների միության: Փորձում է հաշմանդամության 2-րդ կարգ ստանալ. դեռևս անհաջող: Իր խոսքով՝ վիրահատությունից հետո չստացավ, որովհետև ամուսինը վիրահատության գումարն ամբողջությամբ չվճարեց: «Հիմա ստանալու համար պիտի նորից հիվանդանոցում պառկեմ, բայց միջոց չունեմ», - ասում է ու ցույց տալիս բակում, քարին ու փայտին անհաղորդ փռված իր կատուներին,-«Սոված են, երկար ժամանակ է չեմ կարողանում կերակրել»: Հիմա աշակերտների հետ է աշխատում, օգնում օրվա դասերը պատրաստել: Շտապում ենք զրույցն ավարտել, որ ժամանակին նրանց մոտ հասնի: Անի Ավետյան / PanARMENIAN News  Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին    Ուշադրության կենտրոնում Բաժնի այլ նյութերըՀեպատիտի նոր ենթատեսակը տարածվում է երեխաների շրջանում  Ինչ է այն ու ինչպես պայքարել` հայտնի չէՀայրենիքը՝ հեծանիվի դիմաց Ինչ արժե պետությանը դավաճանելըՅոթ որդու Բավական քույրը Տարեկան քանի՞ աղջիկ չի ծնվում Հայաստանում |  Այլ հոդվածներ Վերջին լուրեր Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նաԲայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համաՖրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութՓաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |
