// IP Marketing video - START// IP Marketing video - END
Մի կաթիլ մեղր

Մի կաթիլ մեղր

Ինչպես է բնությունն օգնում Տավուշի երեխաների քաղցր կյանքին

2016 թվականին՝ ապրիլյան պատերազմից հետո, Հայաստանի սահմանամերձ բնակավայրերում անվտանգությունն ամրապնդելու, մշակութային և տնտեսական կյանքն այստեղ ակտիվացնելու մտադրությունը մի խումբ անձանց միավորեց հիմնադրամ ստեղծելու գաղափարի շուրջ: «Պահապան» զարգացման հիմնադրամը սոցիալական ձեռներեցության մի շարք ծրագրերով սկսեց իր գործունեությունը Հայաստանի ամենախոցելի՝ Տավուշի մարզում: Հիմնադրամի գործադիր տնօրեն Ինգա Հարությանը PanARMENIAN.Net ին պատմեց այդ ծրագրերի մասին:

PanARMENIAN.Net - Հզորացնելով Տավուշի զբոսաշրջային ներուժը

Հիմնադրամն իր ստեղծման առաջին օրից գործակցում է Տավուշի ՀԱԵ Թեմի հետ՝ Գերաշնորհ Տեր Բագրատ Եպիսկոպոս Գալստանյանի առաջնորդությամբ:

«Կիսելով միևնույն նպատակը՝ աջակցում ենք տուրիզմի և տնտեսության զարգացմանը մարզի սահմանամերձ գյուղերում: Նպաստում ենք վանքերում տուրիստական ապրանքների և ծառայությունների առաջխաղացմանը, փառատոնների կազմակերպմանը, նոր տեսակի հուշանվերների մշակմանն ուղղված նախաձեռնություններ»,- ասում է Ինգա Հարությանյանը:

Մեղրի ու մուրաբայի արտադրությունն ու մանկակական խնամքի կենտրոնները

Թեմում արտադրվում են մեղր, մուրաբաներ և էլիքսիրներ. հիմնադրամը զբաղվում է այդ արտադրանքի զարգացաման և իրացման հարցերով:

«Հիմնադրամի մարքեթինգի և վաճառքի աջակցման ջանքերով այս արտադրությունն արդեն ունի կորպորատիվ հաճախորդներ Դիլիջան, ինչպես նաև Տավուշի մարզից դուրս՝ Երևանի, ռեստորաններում և սրճարաններում», - ասում է Հարությունյանը:

Նրա խոսքով, այժմ փորձում են հզորացնել եղած արտադրությունը, բարելավել ապրանքների որակը ՝ ընդլայնելով իրացման շուկան:

«Հույս ունենք, որ այս տարվա ընթացքում նման գործակցություն կծավալենք նաև այլ արտադրողների հետ Հայաստանի տարբեր մարզերից», -ասում է Հարությունյանը:

Ստացված շահույթի մի մասն ուղղվում է նաև մարզում գործող երկու մանկական սոցիալ-կրթական կենտրոնների գործունեությանը: «Թեմը մարզում հիմնադրել է սոցիալական, կրթական, ցերեկային խնամքի կենտրոններ, որտեղ երեխաներին տրվում է, սնունդ, հոգևոր խնամք: Մեր գործակցության արդյունքում առաջացած շահույթի մի մասը տրվում է կենտրոնների գործունեությանը»,- պատմում է Հարությունյանը:

Երբ բիզնես շահն ու հանրային շահը համընկնում են

Սահմանամերձ գյուղերի դպրոց-մանկապարտեզներում թաքստոցների կառուցումը, նորորգումն ու կահավորումը հիմնադրամի գործունեության առաջնահերթություններից է, և թեմի արտադրանքի վաճառքից ստացված եկամուտի մի մասը ծառայում է հենց այս նպատակին: Հիմնադրամը նախատեսում է մարզի՝ հակառակորդի ամենօրյա կրակի տակ ապրող 15 համայնքի ավելի քան 10.000 երեխայի համար թաքստոց-խաղասենյակներ կառուցել:

Առաջին խաղաթաքստոցը կառուցվել է Ներքին Կարմիրաղբյուրում՝ հիմնադրամի անդամների անձնական միջոցներով, արտակարգ իրավիճակների նախարարության թաքստոցի պահանջվող չափորոշիչներին համապատասխան:

Ինգա Հարությունյանի խոսքով՝ այժմ դրամահայթայթման նպատակով հիմնադրամի կայքում հնարավոր է հանգանակություն կատարել: Այն առաջարկվում է նաև մայրաքաղաքի մի շարք սրճարանների եւ ռեստորանների հաճախորդներին հավելավճար թողնելով նպաստել թաքստոցների կառուցմանը։

Կորպորատիվ հաճախորդները, որոնք իրացնում են թեմի ատադրանքը, արդեն միացել են «Խաղաթաքստոց» քարոզարշավին: Հիմնադրամի գործադիր տնօրենն ասում է, որ սա մասնավոր հատված-հասարակություն գործակցության լավ օրինակ է:

Նանե Մանասյան / PanARMENIAN.Net, Լուսանկարը՝ Ասատուր Եսայանց/Սպուտնիկ Ֆոտո
 Ամենաընթերցվողը բաժնում
Հակառեկորդ՝ ՃՏՊ-ների ու զոհերի թվով
Որքան են ստանում չինովնիկները տարբեր երկրներում
 Ուշադրության կենտրոնում
 Բաժնի այլ նյութերը
Բենդուկիձեն ասում է՝ թալանածը փնտրելով լճացման եք դատապարտում ինքներդ ձեզ Վրացական ռեֆորմների կնքահայրն արդարություն փնտրելու մասին
Կալանքը փոխելը պատժից ազատել չէ Ինչ է նշանակում «խափանման միջոց»