Վերջին տարիների համացանցային գլխավոր թրենդերը կապված են բլոքչեյնների, կրիպտոարժույթի, մետավերսերի ու NFT-օբյեկտների հետ։ Ոլորտում արդեն իսկ պտտվում են միլիարդավոր դոլարներ, ու այս հանգամանքը չէր կարող չգրավել նաև համակարգչային խաղեր արտադրող ընկերություններին։ 2021-ի վերջին ու 2022-ի սկզբին իսկական բում առաջացրին այսպես կոչված NFT-խաղերը՝ հիմնված NFT-տեխնոլոգիաների վրա, որոնք, ըստ հեղինակների, թույլ են տալիս խաղացողին օրինական ձևով գումար վաստակել։

Ցանկացած պրոֆեսիոնալ աշխատանք բաղկացած է երկու մասից։ Մեկը տվյալ մասնագիտական հմտությունների վրա հիմնված գործունեությունն է, օրինակ, լրագրողի դեպքում, նյութի թեմայի որոշումը, հարցազրույցների կազմակերպումը, նյութի հեղինակային շարադրումը։ Մյուս մասն առօրյա ադմինիստրատիվ խնդիրներն են, որոնք բուն մասնագիտական գործունեության հետ քիչ են կախված, սակայն անհրաժեշտ են մասնագիտական աշխատանքի հաջող իրականացման համար, օրինակ՝ ձայնագրված հարցազրույցը վերծանելն ու սղագրելը։

Ուկրաինայում պատերազմն ու աննախադեպ ծավալի միջազգային պատժամիջոցների նկատմամբ հատկապես զգայուն են ռուսաստանյան ու բելառուսական ՏՏ շուկաները:

Նախորդ տարվա հոկտեմբերի վերջին՝ Facebook ընկերության ռեբրենդինգից ու Meta անվանումը ստանալուց հետո, տեղեկատվական հսկայի ղեկավարությունը հայտարարեց սեփական մետավերսի կառուցման ու զարգացման պլանների վերաբերյալ։

Վերջերս NASA-ի ղեկավար Բիլ Նելսոնը հայտարարեց, որ Միացյալ Նահանգները շարունակելու է ֆինանսավորել Միջազգային տիեզերակայանի շահագործումն ու սպասարկումը մինչև 2030 թ-ը։ Դրան հաջորդեց գործակալության զեկույցը, համաձայն որի կայանը կարող է դուրս բերվել ուղեծրից ու խորտակվել Խաղաղ օվկիանոսում արդեն 2031թ-ի հունվարին։ Տասնյակ միլիարդավոր դոլարներ արժեցած նախագիծը, սակայն, բնակելի տիեզերական կայանների պատմության միայն սկիզբն է լինելու։ Ամենահավանական շարունակությունը, որն այսօր ակտիվորեն պլանավորվում է, Lunar Orbital Platform-Gateway լուսնային ուղեծրային տիեզերակայանն է։ Այն NASA-ի, Կանադայի ու Եվրոպական տիեզերական գործակալությունների և Աէրոտիեզերական հետազոտությունների ճապոնական գործակալության համատեղ նախագիծն է։ Ի սկզբանե ներգրավված էր նաև ռուսաստանյան «Ռոսկոսմոս»-ը, որը 2021թ-ինչպես հայտարարեց մասնակցությունից հրաժարվելու մասին։

Ոչ հեռավոր 2018֊ին համացանցում մեծ արագությամբ տարածվում էր ոլորտում առաջատար Boston Dynamics֊ի ռոբոտների մասին պատմող տեսանյութը։

Հինգ տարի հետո ծննդյանդ օրը կարող ես նշել վիրտուալ տորթի վիրտուալ մոմերը փչելով, վիրտուալ ընկերներդ անկախ ձեզ բաժանող տարածությունից ևս ներկա կլինեն։ Բայց երբ դուրս գաս մետաիրականությունից, հանես VR ականջակալները, AR ակնոցներն ու խելացի թևնոցները, կտեսնես, որ քո իմացած իրականության մեջ միայնակ ես։

Codesignal-ի համահիմնադիր Տիգրան Սլոյանի՝ Սան Ֆրանցիսկոյում տան գրասենյակի պատին էկրան է՝ Չերչիլի խոսքերով․ «Հաջողությունը վերջնական չէ, ձախողումը ճակատագրական չէ՝ շարունակելու քաջությունն է կարևոր»։ ՏՏ ոլորտի մասնագետներին և գործատուներին ոչ թե CV-ի, այլ իրական հմտությունների հիման վրա աշխատանք ու, համապատասխանաբար, աշխատող օգնել գտնող ընկերության մոտ այսօր, ակնհայտորեն, հաջողության փուլն է․ հենց նոր ընկերությունը ներգրավել է $50 մլն՝ ի լրումն 9 ամիս առաջ՝ հունվարին ներգրավված $25 մլն-ի ներդրումների։

Հունիսի 2-ին Orion Worldwide Innovations Armenia-ն նշեց գործունեության մեկ տարին՝ BAJ Accelerator ծրագրի առաջին արդյունքների շնորհանդեսով: Այդ բացառիկ ծրագրի նպատակն է հայկական ՏՏ ոլորտի ընկերությունների զարգացումը, միլիոնավոր դոլարների ներդրումների ներգրավումն ու Հայաստանի տնտեսության էական խթանումը:

2020-ը հատկապես հաջող տարի էր վիդեո խաղերի ինդուստրիայի համար. դրա եկամուտը տարվա կտրվածքով այնքան աճեց, որ գերազանցեց համաշխարհային կինոարտադրության և սպորտի համատեղ վաստակածը՝ հասնելով մոտ $180 մլրդ-ի: Մինչդեռ ֆիլմերի ինդուստրիան իր հոլիվուդյան բլոկբաստերներով ու պահանջված կոմիքսներով աշխատել է $100 մլրդ (2019-ի տվյալներով, քանի որ 2020-ն անհաջող տարի էր համավարակի պատճառով), իսկ համաշխարհային սպորտը՝ ընդամենը $75 մլրդ: Ի դեպ, խաղերի ինդուստրիայի եկամտի կեսը բաժին է հասնում բջջային խաղերին: