  Ադրբեջանին միևնույն է, որտեղ խոսել Ղարաբաղի մասին` ՆԱՏՕ-ի գագաթնաժողովում, թե ԵվրատեսիլումՊաշտոնական Բաքվի համար, ինչպես արդեն ասվել է, միջազգային միջոցառման մակարդակը ոչ մի նշանակություն ունի: Գլխավորը փորձել ևս մեկ անգամ քարշ տալ իրենց սուտը կարճ ճանապարհներով Մայիսի 20-21-ը Չիկագոյում կկայանա ՆԱՏՕ-ի հերթական գագաթնաժողովը: Ենթադրվում է, որ հանդիպման մասնակիցները կքննարկեն Աֆղանստանում անցումային գործընթացի հերթական կարևոր փուլը, կհամաձայնեցնեն ՆԱՏՕ-ն հնարավորություններով օժտելու ուղղությամբ, որոնք անհրաժեշտ են 21-րդ դարի մարտահրավերները հաղթահարելու համար, և ավելի կընդլայնեն և կխորացնեն իրենց հարաբերությունները գործընկերների հետ, որոնք չեն մտնում ՆԱՏՕ-ի մեջ:  16 ապրիլի 2012PanARMENIAN.Net - Բաքվում, ինչպես միշտ, համարեցին, որ կարելի է ևս մեկ անգամ բարձրացնել ղարաբաղյան հարցը և հայտարարել իրենց հավակնությունների մասին: Ընդ որում վերջին ժամանակներն այդ մասին խոսվել է որտեղ ասես և ցանկացած ձևաչափում` սկսած ՆԱՏՕ-ի գագաթնաժողովից և ավարտելով Եվրատեսիլ երգի մրցույթով: Մրցույթի մասին ավելի ուշ, իսկ հիմա մեջբերենք Ադրբեջանի պաշտպանության նախարարության ռազմական համագործակցության միջազգային բաժնի պետ, գեներալ-մայոր Ռամիզ Նաջաֆովի խոսքերը. «Ադրբեջանը հույս ունի, որ հավատարիմ մնալով պետությունների տարածքային ամբողջականության մասին նախկին որոշումներին, գագաթնաժողովը կարտացոլի իր որոշումներում նաև Ադրբեջանի տարածքային ամբողջականության հարցը»: Հազիվ թե Նաջաֆովը չգիտի ՆԱՏՕ-ի կողմից հարյուր անգամ կրկնված ճշմարտությունը, որ դաշինքը չի միջամտում ղարաբաղյան հակամարտության կարգավորմանը, դա ԵԱՀԿ Մինսկի խմբի գործն է: Բաքուն համառությամբ շարունակում է ասել նույնը. կաթիլը ջուր է ծակում: Արևմուտքն ինքն է սադրում Ադրբեջանին նրա անզուսպ ձգտումներում: Վերոհիշյալ համաժողովում հանդես է եկել ՆԱՏՕ-ի գլխավոր շտաբի ներկայացուցիչ ներկայացուցիչ Ստեփան Էլգերեման, ով հայտարարել է, որ Հարավային Կովկասի երկրները մեծ նշանակություն ունի ՆԱՏՕ-ի համար: «Հարավային Կովկասը կարևոր նշանակություն ունի մեզ համար այն պատճառով, որ այստեղ անցնում է տրանսպորտային միջանցք, գոյություն ունի պոտենցիալ էներգետիկ միջանցք»,- ասել ՆԱՏՕ-ի ներկայացուցիչը: Միաժամանակ, նա նշել է, որ Հարավային Կովկասում գոյություն ունեն չլուծված հակամարտություններ, որոնք անկայունություն են ստեղծում տարածաշրջանում: Եթե առկա են չլուծված հակամարտություններ, նշանակում է Բաքուն, ինչպես նաև Թբիլիսին կարող են կոչ անել ՆԱՏՕ-ին դրանց լուծման համար: Համենայն դեպս, այդպիսին է երկու կողմերի պաշտոնյաների հայտարարությունների տրամաբանությունը: Թեկուզ միայն նրա համար, որպեսզի վերջնականապես անջատեն Հարավային Կովկասը Ռուսաստանից: Մենակ մնալով` Հայաստանն ուղղակի չի կարող հակազդել դաշինքին ՀԱՊԿ շրջանակներում և հարկ կլինի ընտրել երկու չարիքներից մեկը: Բայց ահա չարիքը գրեթե նույնն է… Ռուսաստանի մոտ հստակ կովկասյան քաղաքականության բացակայությունը հանգեցնում է նրան, որ նա ռազմավարական կարևոր տարածաշրջանում խաղից դուրս է մնում: Մերձավոր Արևելքը գրեթե կորցված է, հաջորդը Հարավային Կովկասն է և Կենտրոնական Ասիան:Միաժամանակ, մի շարք ադրբեջանական ԶԼՄ-ներ դիմել են Եվրոպական հեռարձակողների միություն և այլ կազմակերպություններ արտասահմանում Ադրբեջանի մասին հրապարակված սխալ հոդվածների առիթով: Հայտարարությունում նշվում է, որ մի շարք արտասահմանյան ԶԼՄ-ներ բացասական են լուսաբանում հանրապետությունում տեղի ունեցող դեպքերը «Եվրատեսիլ 2012» երգի մրցույթում հաղթելու օրվանից ի վեր: «Կանխակալ և ոչ օբյեկտիվ հոդվածներն արտասահմանյան ԶԼՄ-ներում ոչինչ չեն պատմում միլիոնավոր ադրբեջանցի փախստականների, Հայաստանի ագրեսիայի և նրա կողմից ադրբեջանական հողերը բռնազավթելու մասին»,- ասվում է հայտարարությունում: Նորմալ մարդու համար երգի մրցույթը և ղարաբաղյան հակամարտությունը իրարից հեռու բաներ են և նման հայտարարություններ անելը, մեղմ ասած, ոչ պրոֆեսիոնալ է: Ամենահետաքրքիրն այն է, որ հայտարարությունում նշվում է, որ «Եվրատեսիլ» մրցույթը երաժշտական բնույթ է կրում և պետք չէ քաղաքականացնել այն: Մեկնաբանություններն ավելորդ են: Եվ հեղինակները պետք է ուշադրություն դարձնեին ոչ թե մտացածին թվերի և ստի վրա, այլ ավելի կարևոր բաների: Օրինակ, Ադրբեջանում կրոնական ծայրահեղականները հանդես են եկել «Եվրատեսիլ» մրցույթի մասնակիցների հասցեին, որը տեղի է ունենում Բաքվում մայիսի 22-26-ը: Այդ մասին հաղորդում է «Ինտերֆաքսը»: Ապրիլի 8-ին իսլամիստական ռեսուրսներում տեղադրվել է հաղորդագրություն, որի հեղինակը (ոմն Մուսլիմ) «Եվրատեսիլն» անվանում է սարսափելի երազ մահմեդականների համար: Նա նշում է, որ մրցույթի մասնակիցների վրա, որոնք տեքստում անվանվում են «շեյթանի ուժեր», «այլասերվածներ», «հոմոսեքսուալիստներ», կկազմակերպվեն հարձակումներ: Հաղորդագրությունից նաև հետևում է, որ ադրբեջանական մոջահեդներն իրենց վրա պատասխանատվություն են վերցնում երկրի մի շարք քաղաքներում ահաբեկչություններ կատարելու փորձերի համար: Եվ որքան էլ ադրբեջանական ԶԼՄ-ները հիացած են Բաքու ժամանած մասնակիցներով, անկեղծ ասած, կասկածելի է, որ Ադրբեջանում իրական դրությունը ցույց են տալիս հենց ծայրահեղականները և արմատականները: Մենք պատահական չսկսեցինք ՆԱՏՕ-ի գագաթնաժողովից, որովհետև պաշտոնական Բաքվի համար, միջազգային միջոցառման մակարդակը ոչ մի նշանակություն չունի: Գլխավորը, փորձել ևս մեկ անգամ քարշ տալ իրենց սուտը կարճ ճանապարհներով: Կարինե Տեր-Սահակյան  Ամենաընթերցվողը բաժնում Հայեր և Հայաստան Դադիվանքի նոր աղոթողների անցյալը Ռուբինյանը և Քըլըչը բանակցել են 3.5 ժամ Ծրագրում են հայերին ահաբեկիչ ներկայացնել    Ուշադրության կենտրոնում Բաժնի այլ նյութերըԱդրբեջանի անզուսպ ոգևորությունը  «Հայաստանը և Իրանը Ադրբեջանի տարածք են»Էլ չենք տեսնի Արցախում Պատմամշակութային վայրեր, որոնք անցնում են Ադրբեջանի հսկողության տակԸնթերցասերները՝ հանուն Ղարաբաղի Ինչպես են Մոսկվայի հայերը վաճառում իրենց գրքերը՝ օգնելու արցախցիներին |  Սյուժե Այլ հոդվածներ Վերջին լուրեր «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիսԲաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրելԿիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել |
