  Ի՞նչ խտությամբ են աճում մոլորակի ծառերը. Հաշվարկվել է ընդհանուր թիվըԾառերի խտությունը չափել են Անտարկտիդայից բացի բոլոր մայրցամաքների ավելի քան 400 հազար հողատարածքում Գիտական Nature հանդեսը հրապարակել է Յելի համալսարանի կենսաբանների գլխավորած մի խումբ գիտնականների հետազոտությունը, որտեղ ասվում է, որ Երկիր մոլորակում մոտ 3 տրիլիոն ծառ է աճում:  7 դեկտեմբերի 2015PanARMENIAN.Net - Մինչ անտառային զանգվածների այս մանրակրկիտ «հաշվառումը», ենթադրվում էր, որ մոլորակի վրա 400 մլրդ ծառ կա: Սակայն, վերջերս գիտնականները հաշվարկել են ծառերի խտությունը Ամազոնի ավազանի ավելի քան 1000 հատվածում և պարզվել է, որ միայն այդ շրջանում աճում է մոտ 390 մլրդ ծառ, ուստի հարկ եղավ վերանայել ծառերի ընթհանուր թվաքանակն ամբողջ մոլորակում: Ծառերի խտությունը չափել են Անտարկտիդայից բացի բոլոր մայրցամաքների ավելի քան 400 հազար հողատարածքում: Ծառերի առավելագույն խտությունն արձանագրվել է Ռուսաստանի, Սկանդինավիայի և Հյուսիսային Ամերիկայի հյուսիսային անտառներում: Սակայն ամենից շատ ծառ կա արևադարձային գոտում` 43%, 24%-ը բաժին է ընկնում հյուսիսային անտառներին, իսկ 22%-ը` չափավոր կլիմայով վայրերին: «Ծառերում հսկայական քանակությամբ ածխածին կա, որը կրիտիկական նշանակություն ունի բնության մեջ նուտրիենտների շրջանառության պահպանման համար, ապահովում է մեզ մաքուր ջրով և օդով, ինչպես նաև բազում այլ բաներով: Մեր գոյատևման ամբողջ ընթացքում մենք արդեն հասցրել ենք ոչնչացնել ծառերի գրեթե կեսը, և արդեն տեսել ենք, թե ինչպես է դա ազդում կլիմայի և մարդու առողջության վրա: Ծառերի հատման այս արագ տեմպերը վկայում են, թե որքան ջանք դեռ պետք է կիրառենք վերականգնելու համար աշխարհի անտառները»,-նշել է հետազոտության ղեկավար, բնապահպան Թոմաս Քրոութերը: Ըստ գիտնականների, ամեն տարի աշխարհում հատվում է 15 մլրդ ծառ: Վելուծելով պատմական տվյալները, որոնք թույլ են տալիս իմանալ, թե ինչպիսին է եղել անտառների մակերեսն անցյալում, հետազոտողները եկել են այն եզրակացության, որ մարդկային քաղաքակրթության մեկնարկից ի վեր` պլեյստոցենի դարաշրջանից հետո, որն ավարտվել է 11,7 հազար տարի առաջ, ծառերի ընդհանուր թիվը նվազել է 45%-ով: Այժմ աշխարհում յուրաքանչյուր մարդուն բաժին է ընկնում 400 ծառ, սակայն ամեն տարի այդ ցուցանիշը նվազում է միջինը 1,4 ծառով: PanARMENIAN.Net / Tsets  Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին    Ուշադրության կենտրոնում Բաժնի այլ նյութերըՀեպատիտի նոր ենթատեսակը տարածվում է երեխաների շրջանում  Ինչ է այն ու ինչպես պայքարել` հայտնի չէՀայրենիքը՝ հեծանիվի դիմաց Ինչ արժե պետությանը դավաճանելըՅոթ որդու Բավական քույրը Տարեկան քանի՞ աղջիկ չի ծնվում Հայաստանում |  Այլ հոդվածներ Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար Որոշումն ուժի մեջ է մտնում հրապարակման պահից՝ հոկտեմբերի 10–իցԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
