Սիրված դեղամիջոց. Նոր տվյալներ շոկոլադի օգտակարության մասինՀետազոտությունները ցույց են տվել, որ շոկոլադի ֆլավոնիդները նվազեցնում են արյան մակարդելիությունը և այս առումով ազդում են ինչպես կարմիր գինին կամ ասպիրինը Համարվում է, որ բոլորի կողմից սիրված քաղցրավենիքն առաջինը հայտնաբերել են օլմեկները մ.թ.ա. II հազարամյակում: Սակայն, հետագայում Նոր աշխարհում կակաոյի տարածման գործում հիմնական դերակատարություն ունեցան մայաներն ու ացտեկները: Շոկոլադն այն ժամանակ մինչև փրփուրի աստիճանի հարված ըմպելիք էր, որի մեջ ավելացնում էին չիլի և այլ համեմունքներ: 18 դեկտեմբերի 2015 PanARMENIAN.Net - Վարկածներից մեկի համաձայն «չոկատլ» անվանումն այդ ըմպելիքին տվել են մայաները, որտեղ «չոկո» նշանակում էր փրփուր, իսկ «ատլ»` ջուր: Շոկոլադն ու կակաոն պատրաստվում են կակաոյի հատիկներից, որոնք մեծ քանակությամբ բնական հակաօքսիդանտներ են պարունակում: Ացտեկների ու մայաների քաղաքակրթության օրոք կակաոն օգտագործվել է որպես հիմնական առևտրային արժույթ: Լատինական Ամերիկայի որոշ մասերում դրանք որպես փոխանակման արժույթ են օգտագործվել մինչև 19-րդ դարի վերջը: Ժողովրդներից շատերի մոտ շոկոլադն ու կակաոն բուժիչ համբավ ունեին: Առնվազն 500 տարի կակաոյի ծառի պտուղներով բուժում էին կամ փորձում էին բուժել տասնյակ հիվանդություններ, ներառյալ թոքախտը, սակավարյունությունը, երիկամների քարերը, մարսողական խանգարումներն ու նյարդային հիվանդությունները:
Ի դեպ, բնական կաթնային շոկոլադի 40-գրամանոց սալիկում մոտ 400 մգ հակաօքսիդանտ կա: Սև շոկոլադում դրանց պարունակությունը 2 անգամ ավելի է, իսկ կակաոյի փոշու մեջ` մուգ շոկոլադի պարունակությունից 2 անգամ ավելի: Հետազոտությունները ցույց են տվել, որ շոկոլադի ֆլավոնիդները նվազեցնում են արյան մակարդելիությունը և այս առումով ազդում են ինչպես կարմիր գինին կամ ասպիրինը, որը խորհուրդ են տալիս ընդունել սրտի կաթվածի հակում ունեցող մարդկանց: Շոկոլադը նաև նվազեցնում է տրոմբի առաջացման հավանականությունը: Փենսիլվանիայի համալսարանում էքսպերիմենտ է անցկացվել, որտեղ կամավորների ռացիոնը հարստացված էր դառը շոկոլադով և կակաոյի փոշիով: Թեստերի արդյունքները ցույց տվեցին, որ այդպիսի «սննդակարգից» հետո մասնակիցների արյան մեջ ավելացել է հիմնական սպիտակուցների պարունակությունը, որոնք պաշտպանում են անոթներն աթերոսկլերոզից: Ճապոնացի գիտնականների հետազոտությունները նույնպես շատ հետաքրքիր արդյունքներ տվեցին: Նրանք հայտնեցին, որ շոկոլադը կարող է կանխել կարիեսը: Ճիշտ է, դրա համար շոկոլադի մեջ պետք է ավելացնել նրա արտադրության ավելցուկը` կակաոյի հատիկների թաղանթը, որը սովորաբար դեն են նետում: Օսակայի համալսարանից Տակասի Օօսիմայի էքսպերիմենտը ցույց տվեց, որ կակաոյի հատիկների թաղանթի մեջ եղած նյութերն արգելափակում են մանրէներում կպչուն միացությունների սինթեզը, որոնք էլ առաջացնում են կարիես: Այդ միացություններով մանրէները կպչում են ատամի էմալին` այդպես է սկսվում քայքայիչ գործընթացը:
Ամերիկացի կենսաքիմիկոսների նոր հետազոտությունն իր հերթին ցույց տվեց, որ շոկոլադից օգուտ ենք քաղում միկրոօրգանիզմների շնորհիվ, որոնք բնակվում են մեր աղիստամոքսային տրակտում: Գիտնականները պարզել են, որ թթվակաթնային և բիֆիդոբակտերիաները նույնպես շոկոլադ են սիրում: Վերամշակելով այն մեր ստամոքսում, նրանք արտազատում են նյութեր, որոնք բարենպաստ ազդեցություն են ունենում սիրտանոթային համակարգի վրա, իսկ հետո արգելափակում են բորբոքային գործընթացները: PanARMENIAN.Net / Tsets Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին Բաժնի այլ նյութերը Հեպատիտի նոր ենթատեսակը տարածվում է երեխաների շրջանում Ինչ է այն ու ինչպես պայքարել` հայտնի չէ Հայրենիքը՝ հեծանիվի դիմաց Ինչ արժե պետությանը դավաճանելը Յոթ որդու Բավական քույրը Տարեկան քանի՞ աղջիկ չի ծնվում Հայաստանում | Կոնգրեսում կոչ են արել $200 մլն հատկացնել ԼՂ-ից տեղահանվածներին և օգնել ՀՀ–ին պաշտպանվել Ադրբեջանի ագրեսիայից Նրանք նաև կոչ են արել դադարեցնել Ադրբեջանին ցանկացած ռազմական օգնության ՆԳՆ-ն հերքում է լուրերը, թե Տավուշից բերման ենթարկվածներին ծեծել են Նշվում է, որ տեղեկությունը չի համապատասխանում իրականությանը Բագրատ Սրբազան. Հայաստանի կառավարությունն ու իր ղեկավարն անցել են ահաբեկnւթյան և տեռnրի Ավելի ուշ հայտնի դարձավ, որ ոստիկանները նրան թույլ չեն տալիս մտնել Կիրանց ՊՆ–ն հերքել է Կոթիում 2 դիրք հանձնելու լուրը Նշվում է, որ դա չի համապատասխանում իրականությանը |