  «Վաճառիր դա ինձ». Օրիգինալ մարքեթինգը կինոյում դուրս է մղում ավանդական մոտեցումներըԳեղեցիկ փաթեթավորման շնորհիվ կարելի է ինչ ասես վաճառել: Իսկ ինչ-որ ինտրիգ մտցնելու դեպքում, սպառողն ավելին կպահանջի Երբեմն կինոն գովազդելն այն նկարահանելուց ավելի դժվար է լինում: Կինոմարքեթինգը բազմաշերտ ու պատասխանատու ոլորտ է, քանի որ լավ գովազդն է շատ անգամ որոշիչ լինում կինոնկարի հետագա ճակատագրի համար: Հսկայական միջոցներ ներդնելով գովազդի համար`ստուդիաները հիմնականում ավանդական միջոցներով են դա անում և լայնածավալ գովազդային արշավը հազվադեպ է դուրս գալիս նախանշված սխեմաների շրջանակներից: Սակայն, վերջին շրջանում ի հայտ են եկել երիտասարդ և հավակնոտ շուկայագետներ, որոնք կոտրում են կարծրատիպերն ու միանգամայն նոր, օրիգինալ միջոցների դիմում: Նրանց շնորհիվ, երբեմն գովազդային արշավին հետևելն ավելի հետաքրքիր է լինում, քան կինո գնալը:  21 հունվարի 2016PanARMENIAN.Net - Նույնիսկ փոքր ինտրիգը գովազդային արշավում հրաշքներ է գործում. PanARMENIAN.Net ը ներկայացնում է օրիգինալ կինոմարքեթինգի մի քանի օրինակ: Ցինիկ Հենց ցինիզմն է «Դեդփուլ» մականունով գերհերոսի մասին նոր ֆիլմի գովազդային արշավի հիմքում: Կոմիքսների հայտնի կերպար Marvel-ը հանդուգն, դաժան ու ցինիկ հակահերոս է, և շուկայագետները կենտրոնացել են հենց նրա «արժանիքների» վրա` մանրակրկիտ կերպով կառուցելով ամենազարմանալի գովազդային արշավներից մեկը: Հրապարակված պաստառներում Դեդփուլը ոչ միայն ծաղրում է կոմիքսների մյուս կերպարներին (որոնք հաճախ կոմիքսների բոլորովին այլ «աշխարհից» են), այլ նաև այլ ֆիլմերի հերոսներին: Բավականին արյունալի թրեյլերից հետո, գովազդային արշավն ավելի կոշտ դարձավ` տարբեր քաղաքներում հայտնվեցին բաններներ, շուկայագետները նույնիսկ Սբ Վալենտինի օրվան նվիրված «ռոմանտիկ» պաստառ ու թրեյլեր են մշակել` դրանով իսկ ծաղրելով երիտասարդական ռոմանտիկ ֆիլմերի սիրահարներին: Քանի որ «Դեդփուլը» «մեծահասակների համար» վարկանիշն ունի (հեղինակները բազմիցս են ասել, որ մտադիր չեն հրաժարվել դրանից), այդ փաստը հաճախ ներկայացվում է որպես ֆիլմի գլխավոր առավելություն: Ագրեսիվ Ձեռք բերելով Lucasfilm ընկերությունը` ամերիկյան Disney-ն անմիջապես սկսեց լեգենդար «Աստղային պատերազմների» շարունակության արտադրությունը: Հսկայական միջոցներ ներդնելով` ստուդիան շռայլ եղավ նաև մարքեթինգի գործում, սկսելով վերջին տարիների ամենաագրեսիվ գովազդային արշավներից մեկը: Լայնածավալ գովազդային արշավը ներթափանցեց կյանքի գրեթե բոլոր ոլորտներ: Համագործակցելով ՏՏ ոլորտի հսկաների հետ` Disney-ն արագորեն ավելացրեց այն հարթակների քանակը, որտեղ կարող էր ծավալել «Աստղային պատերազմների» գովազդը: Google-ի հետ համատեղ ներկայացվեց Chrome բրաուզերի ընդլայնումը, որը թույլ է տալիս ընտրություն կատարել Ուժի երկու կողմի միջև: Ընտրելուց հետո բրաուզերի օգնությամբ կատարվող գրեթե բոլոր գործողությունները այսպես, թե այնպես ակնարկում էին սագան: Հետաքրքիր լուծում էր նաև բրաուզերային խաղի մշակումը, որը թույլ է տալիս օգտվել լուսային թուրից սմարթֆոնի օգնությամբ: Լայնածավալ գովազդային արշավը տվեց իր պտուղները` այս պահի դրությամբ պատումի 7-րդ էպիզոդը համաշխարհային կտրվածքով հավաքել է արդեն $1.9 մլրդ` ետևում թողնելով բոլոր մրցակիցներին: Խորհրդավոր Այդպես է կոչվում «վիրուսային գովազդը»` հայտնի ռեժիսոր Ջեյ Ջեյ Ադամսի գլխավոր գրավականը: Նրա պրոդյուսերական նախագծերը նկարահանման ընթացքում գրեթե միշտ խորհրդավոր մշուշով են պարուրված և ինտրիգով, որը ժամանակ առ ժամանակ հայտնվում է համացանցում: 2008-ին էկրաններ բարձրացած ֆանտաստիկ «Հրեշը» (օրիգ անվ.` Cloverfield) մինչև վերջին պահը գաղտնիք էր կինոսերի համար. նույնիսկ դրամարկղի մոտ հանդիսատեսը պատկերացում անագմ չուներ, թե ինչ է ցուցադրվելու մեծ էկրանին: Մոտեցումը լիովին արդարացրեց իրեն: Կինոնկարի սիքվելի մասին խոսակցությունները չէին մարում տարիներ շարունակ, թեև վերջերս սկսել էին նվազել: Եվ հենց որ երկրպագուները կորցրեցին զգոնությունը, ինչպես ամպրոմը պարզ երկնքում, հայտնվեց 10 Cloverfield Lane խորհրդավոր նախագծի թիզեր-թրեյլերը և տեղեկությունն այն մասին, որ պրեմիերան տեղի կունենա 2016-ի մարտի սկզբին: Չնայած, որ անվանումն արդեն բացահայտ հղում է պարունակում 2008-ի ֆիլմի վրա, տեսահոլովակը ոչ մի պատկերացում չի տալիս, թե ընդհանրպես ինչի մասին է ֆիլմը: Շատ հավանական է, որ սա հենց այն սիքվելն է, թեև դրանում չի կարելի մինչև վերջ վստահ լինել նույնիսկ պրեմիերայի օրը: Արման Գասպարյան / PanARMENIAN.Net  Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Dalma Garden Mall-ի ծրագրերն ու շոփինգի մշակույթը    Ուշադրության կենտրոնում Բաժնի այլ նյութերըՁև ու ծավալ ստացած Ազնավուրյան մեղեդին  Բացվել է քանդակագործ Մկրտիչ Մազմանյանի ինտերակտիվ ցուցահանդեսըԱրվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներովԴեգան, Սարյանն ու Ուրարտուն Մշակութային յուրացում՝ մեծերի թեթև ձեռքով |  Այլ հոդվածներ Վերջին լուրեր Իրանի փոխդեսպանը զորակցության համար շնորհակալություն է հայտնել ՀՀ ժողովրդին և կառավարությանը Դեսպան Մեհդի Սոբհանին Նիկոլ Փաշինյանի հետ մեկնել է ԻրանՍուքիասյան․ Ուզում ենք հզոր պետություն դառնալ՝ ՀՀ քաղաքացիները, պատգամավորները, կուսակցությունները խանգարում են «Ընդդիմություն եք, բայց չափ կա, կարո՞ղ է գիտեք ոնց ուզեք, ինչ ուզեք կանեք...ես ձեզ զգուշացում եմ»,–ասել է նաՌայիսիի ուղղաթիռի կործանումից նոր մանրամասներ են հայտնել Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածումՓարաքարի ղեկավարը հրաժարական է տվել «Ապրելու երկիրը» հայտարարել է, որ նախաձեռնել էր նրա իմպիչմենտի գործընթաց |
