  Կինոաֆիշ. 5 ֆիլմ, որոնք կարելի է դիտել մարտինԳարնան սկզբին «Օսկարի» շուրջ բորբոքված կրքերն աստիճանաբար մարում են, իսկ հեղինակային նախագծերը զիջում են տեղը մեյնսթրիմին: Եվ թեև գլխավոր բլոկբասթերների ցուցադրումը թափ կստանա միայն մայիսի սկզբին, մարտի կինոաֆիշը յուրօրինակ լակմուսի թուղթ է ապագա հիթերի ներուժն ու հանդիսատեսի տրամադրությունները ստուգելու համար: Այս տարի այդպիսի փորձություն կդառանա կինոյի պատմության մեջ ամենաթանկ նախագիծը, չէ որ «Օսկարին» հաջորդող շրջանը լավ ժամանակ է գերխոշոր նախագծերի զգուշավոր ներկայացման համար  26 փետրվարի 2016PanARMENIAN.Net - Ծանոթանալով ցանկին` PanARMENIAN.Net ը ներկայացնում է 5 նորույթ, որոնք կարելի է դիտել մարտին Երևանի կինոթատրոններում: «Կենդանապոլիս» (օրիգ. անվանումը Zootopia) Համակարգչային անիմացիա, ԱՄՆ, 2016թ. Ռեժիսորներ` Բայրոն Հովարդ, Ռիչ Մուր Դերերում` Ջենիֆեր Գուդվին, Ջեյսոն Բեյթման, Շաքիրա, Իդրիս Էլբա, Ջեյ Քեյ Սիմոնս Պրեմիերան Երևանում մարտի 3-ին Լեգենդար Pixar ստուդիայի յուրաքանչյուր նախագիծ մեծ իրադարձություն է անիմացիոն ֆիլմերի աշխարհում, հատկապես, եթե իրականացնողը Disney-ի նման հսկան է: Ստուդիայի նախորդ` «Լավ դինոզավրը» կինոնկարն անարժանիորեն անտեսվեց հանդիսատեսի կողմից, հիմնականում անհեռատես շուկայագետների պատճառով: Այս անգամ, կարծես, ամեն ինչ կարգին է. ագրեսիկվ և ակտիվ գովազդն անկասկած մեծ շահույթ կապահովի զարմանալի այս ֆիլմին: Պատմությունը ծավալվում է Կենդանապոլիսում` խոշոր մի քաղաքում, որի բնակչությունն ամբողջովին բաղկացած է կենդանիներից: «Կեցցե Կեսարը» (օրիգ. անվանումը Hail, Caesar!) Կատակերգություն, ԱՄՆ, 2016թ. Ռեժիսորներ` Ջոել Քոեն, Իթան Քոեն Դերերում` Ջոշ Բրոլին, Ջորջ Քլունի, Չեննինգ Տատում, Տիլդա Սուինթոն, Ռեյֆ Ֆայնս, Ջոն Հիլլ, Ֆրենսիս ՄակԴորմանդ, Քրիսթոֆեր Լամբերտ, Սքարլեթ Յոհանսոն Պրեմիերան Երևանում մարտի 10-ին Քոեն եղբայրների այցեքարտը յուրօրինակ հումորի զգացումն է` սև և ֆատալիզմով հագեցած: Եվ թեև նրանց աշխատանքները հիմնականում ներկայացվում են որպես կատակերգություն, իրականում դրանք ցանկացած դրամայից լուրջ են: «Կեցցե Կեսարը» միաժամանակ սիրո խոստովանություն է և ատելության դրսևորում հոլիվուդյան կինոարտադրության հանդեպ: Ատելի է այն ամեն ինչ կլանող հոսքագծի անտարբերության համար, որի նպատակն է միայն գումար վաստակելը, և սիրված` իսկական հեղինակներին առանց որևէ սահմանափակման արարելու ընձեռած հնարավորության համար: «Դիվերգենտ, գլուխ 3. Պատի ետևում» (օրիգ. անվանումը The Divergent Series: Allegiant) Ֆանտաստիկա, մարտաֆիլմ, արկածային, ԱՄՆ, 2016թ. Ռեժիսոր` Ռոբերտ Շվենթկե Դերերում`էլիսոն Ռոու, Շեյլին Վուդլի, Մայլզ Թելլեր, Տեո Ջեյմս, Զոի Կրավից Պրեմիերան Երևանում մարտի 10-ին Ամերիկացի հեղինակ Վերոնիկա Ռոթի «Դիվերգենտ» շարքի էկրանավորումների անվերջանալի հոսքի երրորդ մասն է: Միաժամանակ, սա հերթական «տպաքանակն է», որը փոխարինելու է գալիս ավարտված «Քաղցած խաղերին»: Թրիսն ու Ֆորը առաջին անգամ լքում են քաղաքն ու հարազատներին և հայտնվում են Չիկագոն մեկուսացնող պատից այն կողմ` վտանգավոր աշխարհում, որտեղ ի հայտ է գալիս ապշեցուցիչ ճշմարտությունը: Նրանք պետք է արագ կողմնորոշվեն, թե ում կարելի է վստահել, քանի որ պատերից այն կողմ թեժացող պայքարը սպառնում է ամբողջ մարդկությանը: Փրկվելու համար Թրիսը ստիպված է բարդ ընտրություն կատարել արիության, հավատարմության, սիրո և զոհաբերության գնալու անհրաժեշտության միջև: «Լոնդոնի անկումը» (օրիգ. անվանումը London Has Fallen) Մարտաֆիլ, թրիլեր, ԱՄՆ, Մեծ Բրիտանիա, 2016թ. Ռեժիսոր` Բաբակ Նաջաֆի Դերերում` Ջերարդ Բաթլեր, Ահարոն Էքհարթ, Մորգան Ֆրիմեն, Անջելա Բասեթ, Ռոբերտ Ֆոսթեր Պրեմիերան Երևանում մարտի 17-ին 3 տարի առաջ հայտնի ռեժիսոր Անտուան Ֆուկուան ներկայացրեց աշխարհին վերջին շրջանի լավագույն մարտաֆիլմերից մեկը: «Օլիմպոսի անկումը» կուռ ու լարված մի պատմություն էր Սպիտակ տան վրա հարձակման մասին, որտեղ գործողությունը համեմված է բավականին հաջող ներկայացված ԱՄՆ նախագահի անձնական դրամայով: Այս անգամ ահաբեկիչների հարվածի տակ կլինի «քաղաքակիրթ աշխարհի օրրանը»` Լոնդոնը, և, կրկին, ինչ-որ կերպ իրադարձությունների կիզակետում հայտնված ԱՄՆ նախագահը: Միակ բանը, որը կասկած է առաջացնում ռեժիսորի փոխարինումն է, թեև կինոնկարի թրեյլերն, առնվազն, վիթխարի տեսարան է խոստանում: «Բեթմենն ընդդեմ Սուպերմենի. Արդարության շեմին» (օրիգ. անվանումը Batman v Superman: Dawn of Justice) Ֆանտաստիկա, մարտաֆիլմ, արկածային, ԱՄՆ, 2016թ. Ռեժիսոր` Զակ Սնայդեր Դերերում` Հենրի Քավիլ, Բեն Աֆլեկ, Էմի Ադամս, Դայան Լեյն, Լոուրենս Ֆիշբորն, Գալ Գադոթ, Ջեսսի Այզենբերգ, Ջերեմի Այրոնս Պրեմիերան Երևանում մարտի 24-ին Կոմիքսների երկրպագուները սպասում են այս կինոնկարին այն պահից ի վեր, երբ տպագիր հրատարակություններում տեղի ունեցավ երկու գլխավոր գերհերոսների` Բեթմենի և Սուպերմենի բախումը: «Մութ ասպետի» մեծ ֆինանսական հաջողությունն ու Marvel-ի հիանալի կառուցված կինոաշխարհը հանգիստ չեն տալիս Warner Bros ստուդիային: Այս անգամ ստուդիան մեծ ռիսկի գնաց. այդ հսկային արտադրական բյուջեն հասնում է գրեթե կես միլիարդ դոլարի, արդեն իսկ վերածվելով պատմության ամենաթանկ նախագծի: Եթե քիչ գումար հավաքվի, ռեժիսոր Զակ Սնայդերը բարդ վիճակում կհայտնվի, թեև օրերս նա հայտարարել է, որ շուտով ձեռնամուխ է լինելու ավելի մեծածավալ «Արդարության լիգայի» նկարահանումներին: Արման Գասպարյան/ PanARMENIAN.Net  Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Dalma Garden Mall-ի ծրագրերն ու շոփինգի մշակույթը    Ուշադրության կենտրոնում Բաժնի այլ նյութերըՁև ու ծավալ ստացած Ազնավուրյան մեղեդին  Բացվել է քանդակագործ Մկրտիչ Մազմանյանի ինտերակտիվ ցուցահանդեսըԱրվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներովԴեգան, Սարյանն ու Ուրարտուն Մշակութային յուրացում՝ մեծերի թեթև ձեռքով |  Այլ հոդվածներ Վերջին լուրեր Փաշինյան. ՌԴ նախագահի երդմնակալությանը մասնակցելու հրավեր, կարծես, չեմ ստացել Նա նաև ասել է, որ տարօրինակ կլիներ, եթե ՀՀ ղեկավարն ամեն տարի մասնակցեր մայիսի 9-ի շքերթինՀՀ լեռնային մարզերում մինչև -1․․․-2 աստիճան ցուրտ է սպասվում Մայիսի 9-ին սպասվում է առանց տեղումների եղանակԹաթոյանը միացել է Բագրատ սրբազանի առաջնորդած շարժմանը Նա նշել է, որ իրականացվող սահմանազատումը միջազգային որևէ պահանջի չի համապատասխանումIDBank-ի աջակցության նոր ծրագիրը՝ ուղղված բռնի տեղահանված արցախցիներին. «Քո կողքին» Ծրագրում ներառվել են այն ընտանիքները, որոնք ունեն երեք և ավելի երեխա |
