Երբ վաճառվում է անգինըՀայ մշակույթի գանձերը Sotheby’s և Christie's աճուրդի տներում Հայ արվեստի առանձին նմուշներ ոչ միայն ներկայացված են աշխարհի թանգարաններում, այլև արվեստասերների կողմից գնվում են Sotheby’s և Christie's հեղինակավոր աճուրդի տներում։ PAN-ը ներկայացնում է հայ արվեստի ու մշակույթի՝ աճուրդով վաճառված ուշագրավ նմուշները, որոնք հիմնականում միջնադարյան ձեռագիր մատյաններ ու մանրանկարներ են: 16 մարտի 2016 PanARMENIAN.Net - Չորս ավետարաններ, ջնարակված թուղթ, Նոր Ջուղա, 1695 թ. : Գրվել և ծաղկվել է Սուրբ Ամենափրկիչ եկեղեցում Ազարիա Ջուղայեցու կողմից: Sotheby’s-ում վաճառվել է 35 հազար ֆունտ ստեռլինգով: Նախնական արժեքը գնահատվել է 12-18 հազար ֆունտ:
Հայկական գորգ, Տավուշ: Վաճառվել է 3500 ֆունտ ստեռլինգով:
17-րդ դարի հայկական ձեռագիր ավետարան: Sotheby’s-ի կողմից վաճառվել է 13,750 ֆունտ ստեռլինգով, գրքի նախնական արժեքը տատանվել է £4000-6000: Մագաղաթյա ձեռագիրը բաղկացած է 271 էջից, որի վրա գրված է սև թանաքով և «բոլորգիր» կոչված տառատեսակով: Այն հարուստ է բազմաթիվ զարդանախշերով, պարունակում է թռչունների, կենդանիների և մարդկային ֆիգուրներ:
1656-1658 թթ. թվագրվող Ավետարան, բաղկացած է 265 էջից, ենթադրաբար ընդօրինակվել է17-րդ դ. բանաստեղծ Ազարիա Ջուղայեցու կողմից: Sotheby’s-ի կողմից վաճառվել է 8125 ֆունտ ստեռլինգով:
Մանրանկարներով զարդարված թղթե ձեռագիր աղոթագիրք, 16-րդ դար, բաղկացած է 147 էջից, ընդօրինակողն անհայտ է: Վաճառվել է 4750 ֆունտ ստեռլինգով:
Ավետարան ըստ Հովհաննու, թվագրվում է 9-12-րդ դդ., մագաղաթ: Վաճառվել է 8750 ֆունտ ստեռլինգով:
Հայ արվեստագետների գործերից աճուրդի տանը երբևէ վաճառված ամենաթանկ գործը՝ Արշիլ Գորկու (Ոստանիկ Ադոյան) «Անհամբերություն» կտավը (1945թ.): Հայազգի ամերիկյան նկարչի այս սյուրռեալիստական ոճով կտավը 2012 թ. վաճառվել է 6,802 մլն դոլարով:
Եվ վերջում, ևս մի հետաքրքիր փաստ. 2015 թ. նոյեմբերին Sotheby’s աճուրդի տանը շուրջ 120 հազար ԱՄՆդոլարով վաճառվեց 70 տարվա հնեցման հայկական «Արարատ» կոնյակը: Հատուկ աճուրդում, որը նվիրված էր Մեծ Բրիտանիայի նշանավոր վարչապետ Ուինսթոն Չերչիլի մահվան 50-րդ տարելիցին, վաճառվել են Չերչիլի նախընտրած խմիչքները, ծխախոտները, հագուստը և այլն: Աճուրդի ժամանակ մեծ հետաքրքրություն է եղել հատկապես հայկական կոնյակի նկատմամբ: Սամսոն Հովհաննիսյան / PanARMENIAN.Net Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Dalma Garden Mall-ի ծրագրերն ու շոփինգի մշակույթը Բաժնի այլ նյութերը Ձև ու ծավալ ստացած Ազնավուրյան մեղեդին Բացվել է քանդակագործ Մկրտիչ Մազմանյանի ինտերակտիվ ցուցահանդեսը Արվեստի աշխարհում ամենաազդեցիկ հայկական ազգանունը Գագոսյանի ճանապարհը՝ հոլիվուդյան ֆիլմի մոտիվներով Դեգան, Սարյանն ու Ուրարտուն Մշակութային յուրացում՝ մեծերի թեթև ձեռքով | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |